完整藏文原文 · 德格版页 当前仅加载第 93 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཨཱརྱ་ཨ་བ་ལོ་ཀི་ཏེ་ཤྭ་ར་ཨེ་ཀ་ད་ཤ་མུ་ཁ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་སྤྱན་རས་གཟིགས་དབང་ཕྱུག་ཞལ་བཅུ་གཅིག་པ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དེ་ནས་བྱང་ཆུབ་
D693.093.0137b01.01སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་རིག་སྔགས་འཆང་དུ་མས་ཡོངས་སུ་བསྐོར་ཏེ། བཅོམ་ལྡན་འདས་ག་ལ་བ་དེར་སོང་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འདུག་སྟེ།
D693.093.0137b02.01བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སྙིང་པོ་གདོང་བཅུ་གཅིག་པ་ཞེས་བགྱི་བ་འདི་ནི། སངས་རྒྱས་བྱེ་བ་ཕྲག་བཅུ་གཅིག་གིས་གསུངས་པ་ལགས་ཏེ། དེ་སེམས་ཅན་ཐམས་ཅད་ལ་སྨན་པ་དང་བྲོ་ནད་ཐམས་ཅད་རབ་ཏུ་ཞི་བར་བགྱིད་པ་དང་སྡིག་
D693.093.0137b03.01པ་དང་བཀྲ་མི་ཤིས་པ་དང་། རྨི་ལམ་ངན་པ་ཐམས་ཅད་ཟློག་པར་བགྱིད་པ་དང་། དུས་མ་ལགས་པར་འགུམ་པ་ཐམས་ཅད་ཟློག་པར་བགྱིད་པ་དང་མ་ཞུགས་པ་རྣམས་དད་པར་བགྱི་བ་དང་། བགེགས་དང་ལོག་འདྲེན་རྣམས་རབ་ཏུ་ཞི་བར་བགྱི་བའི་སླད་དུ་བཤད་པར་བགྱིའོ། །
D693.093.0137b04.01བཅོམ་ལྡན་འདས་སྙིང་པོ་འདིས་བསྲུང་བ་བགྱིས་པ་དང་། ཡོངས་སུ་བསྐྱབ་པ་དང་། ཡོངས་སུ་གཟུང་བ་བགྱིས་པ་དང་། ཞི་བ་དང་བདེ་ལེགས་སུ་འགྱུར་བ་བགྱིས་པ་དང་ཆད་པ་སྤངས་པ་དང་། མཚོན་ཆ་སྤངས་པ་དང་། དུག་གཞིལ་བར་བགྱིས་པ་དང་། གང་ལ་ལ་ཞིག་
D693.093.0137b05.01འགལ་བ་བགྱིད་པ་དེ་མ་མཆིས་ཏེ། དེ་ནི་འཇིག་རྟེན་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ། དགེ་སྦྱོང་དང་བྲམ་ཟེར་བཅས་པ་ན་བདག་གིས་མ་མཐོང་སྟེ། སྔོན་གྱི་ལས་ཀྱི་རྣམ་པར་སྨིན་པ་ནི་མ་གཏོགས་ལགས་སོ། །སྙིང་པོ་འདི་ནི་སངས་རྒྱས་བཅོམ་
D693.093.0137b06.01ལྡན་འདས་ཐམས་ཅད་ཀྱིས་བསྟོད་ཅིང་དགོངས་པ་ལགས་སོ། །བཅོམ་ལྡན་འདས་བདག་གི་སྙིང་པོ་འདི་ནི་དེ་བཞིན་གཤེགས་པ་ཐམས་ཅད་ཀྱིས་རྗེས་སུ་ཐུགས་རངས་པར་མཛད་པ་ལགས་སོ། །བཅོམ་ལྡན་འདས་བདག་གིས་དྲན་ལགས་ཏེ། བསྐལ་པ་གང་གཱའི་ཀླུང་གི་བྱེ་མ་
D693.093.0137b07.01