完整藏文原文 · 德格版页 当前仅加载第 93 函德格 168a 版页；藏文 NFD、目录标记与异常页序保留在来源切片中，重复版页行以稳定序号区分。
གདོན་གྱིས་འཚེ་མི་འགྱུར། །བྱད་དང་དུག་ལས་གྲོལ་འགྱུར་ཞིང་། །སངས་རྒྱས་ཀུན་གྱི་གསུང་ཡིན་ནོ། །བྱེ་བ་གྲངས་མེད་མཐུ་ལས་བྱུང་། །དེ་ཡི་ཡོན་ཏན་དཔག་ཏུ་མེད། །ལན་ཅིག་བཀླགས་ན་སྡིག་པ་སེལ། །ལན་གཉིས་བཀླགས་པས་དཔལ་དང་ལྡན། །
D703.093.0168a01.01གསུམ་གྱིས་ཚེ་རྣམས་རིང་བར་འགྱུར། །འབུམ་ཕྲག་བཅུ་ཡིས་ཞལ་མཐོང་འགྱུར། །པདྨ་ཅན་གྱི་ཞིང་དེར་འགྲོ། །འཇམ་དཔལ་མི་གཞན་དག་ལ་ནི། །ཁྲག་དང་མཁྲིས་པ་ལས་གྱུར་པ་དང་། །རླུང་དང་གྲང་བ་ལས་གྱུར་པ་དང་། །ཀླུ་རྒྱལ་རིགས་ཀྱིས་ཟིན་པ་དང་། །ཀླུ་བྲམ་ཟེའི་
D703.093.0168a02.01རིགས་ཀྱིས་ཟིན་པ་དང་། ཀླུ་གདོལ་པ་དང་ད་{མངས་,མང་}རིགས་ཀྱིས་ཟིན་པ་ནི་སྙིང་མི་དགའ་བ་དང་། སྙིང་ན་བ་དང་། དབུགས་མི་བདེ་བ་དང་། ལྟོ་རྒྱབ་ཏུ་ན་བ་དང་། ཀླད་ཀོར་དུ་ན་བ་དང་། གཞོགས་ཕྱེད་ན་བ་དང་། མ་ཞུ་བ་དང་། སྦོས་པ་དང་། ཞ་གྲུམ་གྱིས་བཏབ་པ་དང་། སྦྲུམ་པ་ལྟ་
D703.093.0168a03.01བུར་ན་བ་དང་། སྲོག་ཆགས་སུ་ན་བ་དང་། ཚིགས་དང་ཤ་ཁོལ་བུར་ན་བ་དང་། ཟ་ཁུ་ཅན་དང་། ལུད་པ་གློ་ཅན་དང་། རུས་ཁོལ་དུ་ན་བ་དང་། འཕྲེས་པ་དང་། ཞ་བ་དང་། ཡིག་མི་བདེ་བ་དང་། ཐོར་པ་ལྟ་བུའི་ནད་དང་། སྐྲན་ཅན་དང་། དམུ་ཆུ་ཅན་དང་། འབྲས་དང་།
D703.093.0168a04.01མེ་དཔལ་དང་། ལྷོག་པ་དང་། གག་པ་དང་། ཆུ་ཐིག་ཅན་དང་། གྲང་ལྷང་ལྷང་དང་། ཚ་ཙག་ཙག་ལ་སོགས་པའི་མཛེ་རིགས་ཅན་དང་། ཕོལ་མིག་དང་བཅས་པ་དང་། ལྷ་དང་། བདུད་དང་། ཚངས་པ་དང་། གཤིན་རྗེ་དང་། བྲག་སྲིན་དང་། སེམས་འཁྲུག་གི་
D703.093.0168a05.01གདོན་དང་། ཐབ་གཞོབ་དང་། མཚོ་སྨན་དང་། ཀླུ་ལ་སོགས་པས་ཟིན་པ་དང་། གནོད་སྦྱིན་དང་། འབྱུང་པོ་དང་། ལོག་འདྲེན་དང་། ཤ་ཟའི་གདོན་རྣམས་ཀྱིས་ཟིན་པ་དང་། ནད་སྣ་ཚོགས་འབྱུང་སྟེ། དེ་ཡང་མི་དགེ་བ་ལས་སྡུག་བསྔལ་འབྱུང་བ་ཡིན་ནོ། །བཅོམ་ལྡན་འདས་
D703.093.0168a06.01ཀྱིས་བཀའ་སྩལ་པ། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་ཉོན་ཅིག །སྙིང་པོ་གཟུངས་ཀྱི་ཆོ་ག་འདི། །དང་པོ་ཐུགས་རྗེ་ཆེན་པོ་ལ། །གུས་ཤིང་དད་པའི་སེམས་བསྐྱེད་ནས། །སྣུམ་པའི་ས་ལ་དཀྱིལ་འཁོར་བྱ། །ལྕི་བ་དྲིར་བཅས་བྱུགས་ནས་ནི། །ཚོན་
D703.093.0168a07.01