完整藏文原文 · 德格版页 当前仅加载第 93 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
བར་མཛེས། །སྐུ་མདོག་འཇམ་ཞིང་ཤ་ཡང་རྒྱས། །གསུང་ནི་ཚངས་པའི་དབྱངས་ལྟར་ཟབ། །ཡིད་དུ་འོང་ཞིང་དགའ་བར་འགྱུར། །བལྟ་ན་སྡུག་ཅིང་མདངས་དགའ་བ། །པདྨ་ལས་བྱུང་པདྨའི་མདོག །པདྨ་དག་ལས་ཀུན་དུ་སྐྱེས། །པདྨ་དག་གི་གདན་ལ་བཞུགས། །
D705.093.0172b01.01ཕྱག་ན་པདྨ་བཟང་པོ་བསྣམས། །རིལ་བ་སྤྱི་བླུགས་ཕྱག་ན་བསྣམས། །ཀྲྀཥྞ་ས་རིའི་པགས་པ་བསྣམས། །དབྱུག་པ་དང་ནི་བགྲང་ཕྲེང་འཛིན། །བཀྲ་ཤིས་དག་གིས་གཙང་མར་འགྱུར། །སྔ་ནས་གསུང་ཞིང་གསོང་པོར་སྨྲ། །བདུད་རྩིའི་ཆར་ནི་རབ་ཏུ་འབེབས། །ཡིད་བཞིན་
D705.093.0172b02.01ནོར་བུ་རིན་ཆེན་ལྟར། །སེམས་ཅན་ཐམས་ཅད་དགའ་བར་བྱེད། །བཟང་པོར་སྣང་བའི་ལྗོན་ཤིང་ལྟར། །སེམས་ཅན་ཀུན་གྱི་གསོས་སུ་གྱུར། །སངས་རྒྱས་ཀུན་གྱི་སྤྲུལ་པ་ལགས། །བདེ་བར་གཤེགས་པའི་ཆ་ལུགས་མངའ། །བདེ་བར་གཤེགས་པའི་རིང་བསྲེལ་འཛིན། །
D705.093.0172b03.01བ་སྤུ་ཉག་མ་རེ་རེ་ཡང་། །སེམས་ཅན་ཀུན་གྱི་གཙོ་བོར་འགྱུར། །བསོད་ནམས་མཛད་ཅིང་དགེ་བ་མཛད། །བཤོལ་བ་མེད་ཅིང་ངེས་པ་སྟེ། །རབ་ཏུ་གྲགས་པའི་བརྩོན་འགྲུས་ཅན། །འཁོར་བ་དག་ལས་ཀུན་ཏུ་རྒལ། །དམ་ཆོས་རྒྱལ་ཚབ་མངའ་གསོལ་བ། །ཡིད་བཞིན་
D705.093.0172b04.01འཁོར་ལོ་བདེ་བར་སྐོར། །དོན་ཡོད་ཞགས་པས་ཉོན་མོངས་འདྲེན། །འཕགས་པ་རྟ་མགྲིན་བདུད་བཞི་འཇོམས། །ཀྲོ་དྷ་མགྲིན་སྔོན་གདུག་པ་སེལ། །ཆུ་སྲིན་འཛིན་ཁྲིའི་འཇིགས་ལས་སྒྲོལ། །ལྷ་མོ་སྒྲོལ་མ་རྗེས་སུ་འབྲང་། །ཁྲོ་གཉེར་ཅན་ནི་བཀའ་བཞིན་བྱེད། །རྒྱལ་
D705.093.0172b05.01བ་ཅན་ནི་ཚུལ་དང་ལྡན། །མཐུ་ཆེན་ལྡན་ཞིང་དྲན་དང་ལྡན། །ཡོན་ཏན་ལྡན་ཞིང་བྱམས་དང་ལྡན། །ཤེས་རབ་ལྡན་ཞིང་དཔལ་དང་ལྡན། །ཚུལ་ཁྲིམས་ལྡན་ཞིང་དོན་དང་ལྡན། །དོན་རྣམས་ཀུན་ནི་རིག་པ་པོ། །ཐེ་ཚོམ་ཐམས་ཅད་གཅོད་པ་པོ། །ཆོས་རྣམས་ཐམས་ཅད་སྨྲ་བ་པོ། །
D705.093.0172b06.01འཇིག་རྟེན་ཀུན་གྱི་སྟོན་པ་པོ། །ཞལ་{བཟངས་,བཟང་}ཟླ་བ་ཉ་བ་འདྲ། །སྐུ་སྨད་རིན་ཆེན་ཀུན་གྱིས་བརྒྱན། །གསེར་གྱི་མཆོད་སྡོང་འདྲ་བར་གནས། །འོད་ཟེར་ཉི་མ་སྟོང་བས་ལྷག །ཚངས་ལ་སོགས་པས་ཕྱག་བགྱིས་པའི། །འཇིག་རྟེན་མགོན་ལ་ཕྱག་འཚལ་ལོ། །གང་ལ་ལ་
D705.093.0172b07.01