完整藏文原文 · 德格版页 当前仅加载第 94 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱ་གར་སྐད་དུ། ཨཱརྒྨ་ཏཱ་རཱ་བྷནྣཱ་རི་ཀཱ་ནཱ་མཱ་ཥྚ་ཤ་ཏ་ཀཾ། བོད་སྐད་དུ། རྗེ་བཙུན་མ་འཕགས་མ་སྒྲོལ་མའི་མཚན་བརྒྱ་རྩ་བརྒྱད་པ་ཞེས་བྱ་བ། རྗེ་བཙུན་འཕགས་མ་སྒྲོལ་མ་ལ་ཕྱག་འཚལ་ལོ། །དཔལ་ལྡན་ཡིད་འོང་པོ་ཊ་ལ། །སྣ་ཚོགས་ཁམས་ཀྱིས་རྣམ་པར་སྤྲས། །
D745.094.0266b01.01སྣ་ཚོགས་ལྗོན་པ་འཁྲི་ཤིང་བཀྲམ། །འདབ་ཆགས་དུ་མ་སྒྲ་འབྱིན་པ། །འབབ་ཆུ་སྣ་ཚོགས་ལྷུང་ལྷུང་སྒྲོགས། །རི་དྭགས་མང་པོས་ཀུན་ཏུ་དཀྲིག །མེ་ཏོག་སྣ་ཚོགས་རིགས་རྣམས་ཀྱིས། །ཀུན་ཏུ་དྲི་ཡིས་བཀང་བ་སྟེ། །སྣ་ཚོགས་ཡིད་འོང་འབྲས་བུར་ལྡན། །རྐང་དྲུག་པ་རྣམས་གླུ་སྒྲ་འབྱིན། །མིའམ་
D745.094.0266b02.01ཅི་རྣམས་དབྱངས་སྙན་ལེན། །གླང་པོ་མྱོས་པས་རབ་ཏུ་གཏམས། །གྲུབ་པ་རིག་འཛིན་ཚོགས་དང་ནི། །དྲི་ཟ་རྣམས་ཀྱིས་གླུ་བླངས་པ། །ཐུབ་པ་འདོད་ཆགས་བྲལ་རྣམས་ཀྱིས། །རྟག་ཏུ་ལེགས་པར་བསྟེན་པ་ན། །བྱང་ཆུབ་སེམས་དཔའི་ཚོགས་གཞན་དང་། །ས་བཅུའི་དབང་ཕྱུག་རྣམས་ཀྱང་སྟེ། །
D745.094.0266b03.01འཕགས་མ་སྒྲོལ་སོགས་ལྷ་མོ་རྣམས། །རིག་པའི་རྒྱལ་མོ་སྟོང་རྣམས་དང་། །ཁྲོ་བོའི་རྒྱལ་པོའི་ཚོགས་གཞན་དང་། །རྟ་མགྲིན་ལ་སོགས་ཀྱིས་བསྐོར་བའི། །སེམས་ཅན་ཀུན་ལ་ཕན་བརྩོན་པ། །བཅོམ་ལྡན་འདས་ནི་སྤྱན་རས་གཟིགས། །བཞུགས་ཏེ་དེ་ནས་དཔལ་དང་ལྡན། །པདྨའི་སྙིང་
D745.094.0266b04.01པོའི་གདན་བཞུགས་པའི། །དཀའ་ཐུབ་ཆེན་པོ་དང་ལྡན་པ། །བྱམས་དང་སྙིང་རྗེ་ལྡན་པ་ཡིས། །ལྷ་ཡི་འཁོར་ནི་ཆེན་པོ་ལ། །དེ་ཡི་ཆོས་ནི་སྟོན་པར་བཞེད། །ལག་ན་རྡོ་རྗེ་སྟོབས་ཆེན་པོ། །དེར་ནི་ཉེ་བར་འོང་ནས་སུ། །མཆོག་ཏུ་སྙིང་རྗེ་དང་ལྡན་པ། །དེས་ནི་སྤྱན་རས་གཟིགས་ལ་ཞུས། །གླང་པོ་སྦྲུལ་དང་སེང་གེ་མེ། །གླང་པོ་སྟག་
D745.094.0266b05.01དང་ཆུས་དཀྲིགས་པར། །འཕྱན་པའི་སེམས་ཅན་འདི་དག་རྣམས། །འཁོར་བའི་རྒྱ་མཚོར་བྱིང་བ་རྣམས། །འཁོར་བའི་ཞགས་པས་བཅིངས་པ་རྣམས། །ཆགས་སྡང་གཏི་མུག་རང་བཞིན་ལས། །གང་གིས་སེམས་ཅན་གྲོལ་བྱེད་པ། །ཐུབ་ཆེན་བདག་ལ་དེ་གསུངས་ཤིག །དཔལ་ལྡན་དེ་ནི་སྤྱན་རས་གཟིགས། །
D745.094.0266b06.01འཇིག་རྟེན་མགོན་པོས་འདི་སྐད་གསུངས། །ཕྱག་ན་རྡོ་རྗེས་རྟོགས་བྱེད་པ། །སྙན་པའི་ཚིག་ནི་གསུངས་པའོ། །ཉོན་ཅིག་གསང་བའི་རྒྱལ་དབང་པོ། །སྐྱོབ་པ་འོད་དཔག་མེད་པ་ཡི། །སྨོན་ལམ་དབང་གིས་བྱུང་བ་སྟེ། །བདག་གི་བཀའ་ཡིས་འཇིག་རྟེན་མ། །སྙིང་རྗེ་ཆེ་དང་ལྡན་པ་ཡིས། །འགྲོ་བ་འདོན་པར་བརྩོན་པ་མོ། །ཉི་མ་ཤར་བ་
D745.094.0266b07.01