完整藏文原文 · 德格版页 当前仅加载第 95 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
དམ་ཚིག་ལ་གནས་ཤིང་འཇིག་རྟེན་པའི་སྔགས་དང་ཕྱག་རྒྱའི་ཆོ་ག་ཐམས་ཅད་ཀྱི་དངོས་གྲུབ་སྩལ་བར་བགྱིའོ། །དཔལ་རྡོ་རྗེ་འཆང་བཟླས་པ་ཙམ་གྱིས་ཐམས་ཅད་འགྲུབ་པར་འགྱུར་ཏེ། གལ་ཏེ་མ་གྲུབ་ན་རིགས་དང་རྒྱུད་དུ་བཅས་པ་བརླག་པར་གྱུར་ཅིག །དེ་བཞིན་
D747.095.0240a01.01གཤེགས་པ་ཐམས་ཅད་ཀྱིས་གསུངས་པའི་དམ་ཚིག་ཉམས་པར་གྱུར་ཅིག །དེ་བཞིན་གཤེགས་པའི་ཁྲོ་བོའི་རྡོ་རྗེས་སྤྱི་བོ་བཀས་པར་གྱུར་ཅིག །མྱུར་བ་ཉིད་དུ་ཤི་སྟེ་རྣམ་པ་ཐམས་ཅད་དུ་དམྱལ་བ་ཆེན་པོ་བརྒྱད་དུ་འཇུག་པར་གྱུར་ཅིག །དེ་ནས་ཡང་དག་བཤད་བྱ་བ། །
D747.095.0240a02.01སྒྲུབ་པ་པོ་ཡི་གནས་མཆོག་སྟེ། །ཆུ་བོའི་འགྲམ་དང་དུར་ཁྲོད་དང་། །ཕྱག་ན་རྡོ་རྗེའི་ཁྱིམ་དག་སྟེ། །དེར་ནི་འབྱུང་པོ་འབྱུང་མོ་ཀུན། །འགྲུབ་འགྱུར་འདི་ལ་ཐེ་ཙོམ་མེད། །འབྱུང་པོའི་རྒྱལ་མོ་ཆེན་པོ་བརྒྱད་ཀྱི་བསྒྲུབ་པའི་གནས་སོ། །དེ་ནས་ཕྱག་རྒྱ་བཤད་བྱ་བ། །
D747.095.0240a03.01འབྱུང་མོ་བརྒྱད་ཀྱི་སྒྲུབ་པ་སྟེ། །ལག་གཡོན་ཁུ་ཚུར་དམ་བཅངས་ནས། །གུང་མོ་རབ་ཏུ་བརྐྱང་བྱས་པ། །སྤྱན་དྲང་མཆོད་པའི་ཕྱག་རྒྱ་སྟེ། །རིགས་ཀྱི་མཆོག་ནི་སྒྲུབ་བྱེད་པའོ། །ཁུ་ཚུར་ཕན་ཚུན་བཅངས་ནས་ནི། །མཛུབ་མོ་རབ་ཏུ་བརྐྱང་བྱས་པ། །རང་གི་
D747.095.0240a04.01དམ་ཚིག་བསྲུང་བ་ཡི། །འབྱུང་མོ་སྐད་ཅིག་དེ་ལ་སྒྲུབ། །ལག་གཡོན་ཁུ་ཚུར་དམ་བཅངས་ནས། །མཐེ་ཆུང་རབ་ཏུ་བརྐྱང་བྱས་པ། །ཉེ་བར་བྱེད་པའི་ཕྱག་རྒྱ་སྟེ། །འབྱུང་པོ་ཐམས་ཅད་རྗེས་འབྲང་བའོ། །ལག་པ་གཡོན་པ་བརྐྱང་ནས་ནི། །མཛུབ་མོ་བསྐྱིལ་བ་བྱས་
D747.095.0240a05.01ནས་སུ། །མཐེ་བོང་གཡས་ནི་མནན་བྱས་པ། །འབྱུང་ཀུན་དབང་དུ་བྱེད་པའོ། །ལག་གཡོན་ཁུ་ཚུར་བཅངས་པ་ལས། །སྲིན་ལག་རབ་ཏུ་བརྐྱང་བ་ནི། །འབྱུང་མོ་ཐམས་ཅད་འགུགས་པ་སྟེ། །བགེགས་ཀུན་ཟློག་པར་བྱེད་པའོ། །ལག་གཡོན་ཁུ་ཚུར་བཅངས་ནས་ནི། །
D747.095.0240a06.01མཛུབ་མོ་རབ་ཏུ་བརྐྱང་བྱས་པ། །འབྱུང་མོ་མངོན་ཕྱོགས་བྱེད་པ་སྟེ། །གདུག་པ་ཐམས་ཅད་ཟ་བྱེད་པའོ། །ལག་པ་གཡོན་པས་ཁུ་ཚུར་བཅངས་ཏེ། མཐེ་ཆུང་བརྐྱང་བ་ནི་འབྱུང་མོའི་དམ་ཚིག་གི་ཕྱག་རྒྱ་སྟེ། ཐམས་ཅད་དུ་ལས་ཐམས་ཅད་བྱེད་པའོ། །ལག་པ་གཉིས་ཀའི་སོར་མོ་
D747.095.0240a07.01