完整藏文原文 · 德格版页 当前仅加载第 96 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
ལོ། །མི་གཙང་བ་ནི་གཙང་བར་མཛད། །ཁྲོ་རྒྱལ་ཁྱོད་ལ་ཕྱག་འཚལ་བསྟོད། །འཇིགས་པ་ཀུན་ལས་སྐྱོབ་པར་མཛད། །ཁྲོ་རྒྱལ་ཁྱོད་ལ་ཕྱག་འཚལ་བསྟོད། །ནད་དང་རིམས་ལས་བསྲུང་བར་མཛད། །ཁྲོ་རྒྱལ་ཁྱོད་ལ་ཕྱག་འཚལ་བསྟོད། །
D756.096.0008a01.01མི་གཙང་ཟས་དང་མི་གཙང་གོས། །ཐམས་ཅད་སེལ་བར་བྱེད་པའི་མཆོག །ལྷ་དང་ཀླུ་དང་གནོད་སྦྱིན་གདོན། །ཐམས་ཅད་མ་ལུས་དགའ་བར་མཛད། །ནད་དང་རིམས་དང་དལ་ཀ་ཡམས། །བསྲུང་བའི་ལས་མཛད་ཕྱག་འཚལ་བསྟོད། །བདག་ལ་བསྲུང་བ་མཛད་དུ་
D756.096.0008a02.01གསོལ། །མི་གཙང་བ་རྣམས་གཙང་བར་མཛད། །སྨེ་བ་རྣམས་ནི་མི་སྨེར་མཛད། །ལྕི་བ་རྣམས་ནི་ཡང་བར་མཛད། །དོག་པ་ཡངས་པར་མཛད་ལ་བསྟོད། །ཁྲོ་བོའི་རྒྱལ་པོ་སྨེ་བརྩེགས་ཁྱེད། །སངས་རྒྱས་ཀུན་གྱིས་བྱིན་གྱིས་བརླབས། །གང་དག་ཁྱེད་ལ་མོས་རྟེན་
D756.096.0008a03.01རྣམས། །ལུས་བདེ་སེམས་བདེ་དབང་པོ་བདེ། །བདེ་བའི་ལྷ་ལ་ཕྱག་འཚལ་ལོ། །ལུས་དག་སེམས་དག་དབང་པོ་དག །དག་པའི་ལྷ་ལ་ཕྱག་འཚལ་ལོ། །ལུས་གཙང་སེམས་གཙང་དབང་པོ་གཙང་། །གཙང་བའི་ལྷ་ལ་ཕྱག་འཚལ་ལོ། །ལུས་དང་སེམས་དང་དབང་པོ་དང་། །
D756.096.0008a04.01དང་བའི་ལྷ་ལ་ཕྱག་འཚལ་ལོ། །ལུས་གསལ་སེམས་གསལ་དབང་པོ་གསལ། །གསལ་བའི་ལྷ་ལ་ཕྱག་འཚལ་ལོ། །ལྷ་ཀླུ་{ཡི་དགས་,ཡི་དྭགས་}འདྲེ་སྲིན་སོགས། །གནོད་སྦྱིན་འབྱུང་པོས་འདི་ཐོས་ན། །སྡུག་བསྔལ་ཞི་ནས་བདེ་བར་འགྱུར། །གངས་རྒྱུད་བཞིན་དུ་དཀར་བར་འགྱུར། །
D756.096.0008a05.01ཤེལ་དཀར་བཞིན་དུ་གཙང་བར་འགྱུར། །མེ་ལོང་བཞིན་དུ་གསལ་བར་འགྱུར། །ནམ་མཁའ་བཞིན་དུ་དང་བར་འགྱུར། །ས་དང་མཁའ་ལ་འཁོད་པ་ཡི། །ལྷ་ཀླུ་ལ་སོགས་སྡེ་བརྒྱད་ཀུན། །དགེ་བའི་བསམས་པས་འཁོད་འགྱུར་ཏེ། །གཞན་ལ་མ་གནོད་ཞི་བར་མཛོད། །
D756.096.0008a06.01ཁྲོ་བོའི་རྒྱལ་པོ་སྨེ་བརྩེགས་ལ་བསྟོད་པའི་སྔགས་དང་བཅས་པ་རྫོགས་སོ།།
D756.096.0008a07.01