完整藏文原文 · 德格版页 当前仅加载第 96 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་ཏེ། ཁ་སྤྲད་དེ་བཞག་ནས་སྐུད་པ་དམར་པོ་ཡིས་བར་མཚམས་མེད་པར་དཀྲིས་ལ་ཁམ་ཀྱོང་མ་བསྲེགས་པ་ཁ་སྦྱར་གྱི་དབུས་སུ་བཞག་ལ། ཆེ་གེ་མོ་ཆེ་གེ་མོའི་དབང་དུ་གྱུར་ཅིག་ཅེས་བྱ་བའི་ཚིག་བརྒྱ་ཕྲག་བརྒྱད་བཟླས་པར་བྱའོ། །དྷ་དུ་རའི་འབྲས་
D765.096.0064a01.01བུ་བྱི་བའི་ཁུང་བུར་བཅུག་ལ། བུད་མེད་གཅེར་བུས་གཏུན་ཤིང་གིས་བརྡུངས་ན་ཆེ་གེ་མོ་དང་ཆེ་གེ་མོ་གཉིས་འབྱེ་བར་འགྱུར་རོ། །རྨུག་པའི་བུ་མོའི་རྒྱབ་ཀྱི་རུས་པ་ལ་མིང་དང་སྔགས་སུ་སྤེལ་བ་མངོན་པར་བྲིས་ཏེ། རུས་པ་དེ་ཡང་ལམ་གྱི་བཞི་མདོར་རྐེད་པ་ནུབ་པ་ཙམ་བརྐོས་
D765.096.0064a02.01པའི་ཁུང་བུར་བཅུག་ལ་སས་གཡོགས་ན་སྐྲོད་པར་བྱེད་དོ། །ཚ་བའི་རང་བཞིན་གྱིས་གཟུགས་བརྙན་བྱས་ལ་སྔགས་བརྗོད་བཞིན་པས། གཟུགས་བརྙན་ལ་རའི་པགས་པ་ཡིས་ཁ་དགབ་པར་བྱས་ན། ཁ་བཅིངས་པ་བྱས་པ་ཡིན་ནོ། །གཟུགས་བརྙན་དེ་ཡང་
D765.096.0064a03.01དབེན་པའི་ས་ཕྱོགས་སུ་གཞག་པར་བྱ་སྟེ། དུར་ཁྲོད་ཀྱི་སོལ་བས་དགྲ་བོའི་མིང་དང་སྤེལ་བ་བྱི་བའི་ཁུང་བུར་བཅུག་ལ་རའི་པགས་པ་ཡིས་ཁ་བཀབ་སྟེ། བུད་མེད་གཅེར་བུས་གཏུན་ཤིང་ལག་པས་གཟུང་བས་ལན་བདུན་དུ་མངོན་པར་བསྔགས་ཏེ། ནུབ་མོ་ཆེ་གེ་མོའི་ཁ་
D765.096.0064a04.01ཆིངས་ཤིག་ཅེས་བརྡུང་བར་བྱའོ། །དེ་ལྟར་ཞག་བདུན་དུ་བརྡུངས་ན་འཆིང་བར་འགྱུར་རོ། །རྩེ་མོ་བདུན་ལ་བྱུང་བའི་ས་བླངས་ཤིང་རྫ་མཁན་གྱི་ལག་པའི་ས་ལས་སའི་ཁུང་བུ་གཅིག་བྱས་ལ། སྔགས་དེ་ཏ་ལའི་ལོ་མ་ལ་མངོན་པར་བྲིས་ཏེ་ཁུང་བུའི་ནང་དུ་བཅུག་
D765.096.0064a05.01ལ་བྱི་ཁུང་དུ་བཞག་སྟེ། ས་ལ་མ་ལྷུང་བའི་བ་ལང་གི་ལྕི་བས་ཁ་བཅད་ལ་རྡུལ་གྱིས་དེའི་སྟེང་དུ་གཡོགས་ན་ཁ་འཆིང་བར་འགྱུར་རོ། །ཨོཾ་བྷུ་རི་ཧྱ་མ་ན། ས་ཀ་ཏུ་བྲ་སྠོ་ཨེ་ཨཾ་ཆེ་གེ་མོ་བཾ་དྷ་མཱ་ར་ཡ་ཧཱུྃ་ཕཊ། མིང་གི་ཡི་གེ་དང་སྔགས་ཀྱི་ཡི་གེ་བར་བར་དུ་སྤེལ་ལ་
D765.096.0064a06.01ཨརྒྷའི་ལོ་མ་ལ་སོལ་བས་བྲིས་ཏེ་དཀྲིས་ལ། ཚེར་མ་མང་པོ་བཙུགས་ལ་ཁང་པའི་ནང་གི་སྟེང་གི་དབུས་སུ་སྔགས་བརྒྱ་ཕྲག་བརྒྱད་བཟླས་ཏེ་བརྐོས་ལ་སྦས་ན་ཁ་འཆིང་བར་བྱེད་དོ། །དེ་ལྟར་མང་པོ་ཡང་སོ་སོར་བྱའོ། །ན་མོ་རཏྣ་ཏྲ་ཡཱ་ཡ། ནམཿཙཎྜ་བཛྲ་བཱ་ཎ་
D765.096.0064a07.01