完整藏文原文 · 德格版页 当前仅加载第 96 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
པར། །ཡིད་ལ་ཞེན་པར་སེམས་པ་ན། །མེ་ཡི་ནང་ནས་ཞི་བ་སྟེ། །ཚིག་རྣམས་དག་པ་ཡན་ལག་ལྡན། །སྲོག་དང་རྩོལ་བའང་བཀག་པའི་བདག །གཉིད་སྤངས་ནས་ནི་རྣམ་པར་བསམ། །སྙིང་གར་གནས་པའི་ཕྲ་བ་ནི། །དྲི་མེད་ཟླ་བའི་དཀྱིལ་འཁོར་ཏེ། །
D808.096.0224b01.01དེ་ནང་རབ་ཏུ་ཞི་བ་ཡི། །མེ་ལྕེ་རབ་ཏུ་འོད་བཟང་བ། །མི་འགྱུར་གཞི་ནི་དེར་བཞག་ནས། །བདེ་བར་འདུག་ནས་སྒྲ་བསམ་མམ། །མི་འགྱུར་བ་ལ་ཡི་གེ་གཞག །སྒྲ་ཉིད་འབའ་ཞིག་བསམ་པར་བྱ། །སྒྲ་ལ་དམིགས་པའི་བསམ་གཏན་ནི། །འབའ་ཞིག་བྱས་པ་
D808.096.0224b02.01ཉིད་ཀྱིས་ཀྱང་། །དངོས་པོ་ཀུན་རྣམས་དམ་པའི་དཔལ། །སྒྲུབ་པའི་སྐྱེས་བུས་ཐོབ་པར་འགྱུར། །ལྟོས་བཅས་ཡན་ལག་གྱུར་བར་སྣང་། །སྒྲ་ཞེས་བྱ་དང་ཡིད་ཀྱི་དང་། །ཚིག་རྣམས་དག་པ་རིག་སྔགས་དབང་། །ཡན་ལག་སྤང་བ་རྒྱལ་བས་མཁྱེན། །སླར་སྡུད་
D808.096.0224b03.01དཀའ་ཐུབ་བསམ་གཏན་དང་། །སྲོག་རྩོལ་ཆོ་གའི་བྱ་བ་དང་། །རྣམ་པར་ཤེས་པ་སྣ་ཚོགས་པའི། །སྔགས་པ་རེ་ཞིག་ལྟོས་བཅས་པའོ། །དཀའ་ཐུབ་ཆེན་པོ་དང་ལྡན་པར། །ཆོས་བསྐྱེད་བརྟུལ་ཞུགས་མཆོག་ལྡན་པ། །ལྟོས་བཅས་པ་ནི་ཡུལ་ལས་གྲོལ། །ཡན་
D808.096.0224b04.01ལག་སྣང་བ་ནན་ཏན་བྱ། །དེ་ཡང་བརྟུལ་ཞུགས་བྱས་ནས་ནི། །དོགས་པའི་འཇིག་རྟེན་སྨད་པ་ཡི། །བསམ་གཏན་གཅིག་པུ་རབ་བསྡམས་ནས། །བློ་གྲོས་ཞི་བ་བརྟན་པ་སྤྱད། །ཁུ་བ་བཤང་གཅི་དག་དང་ནི། །འབགས་པ་དག་ནི་རྒྱུ་བ་ལའང་། །དོགས་པ་
D808.096.0224b05.01ཡི་ནི་གཟུགས་ཀྱིས་ཀྱང་། །དབེན་པར་གཙང་སྦྲ་བརྩམ་པར་བྱ། །སྲང་དང་ཁྲོན་པ་ལུ་མ་དང་། །གྲོང་དང་ནགས་ལྷས་དག་ལ་ཡང་། །ངག་ལུས་ཡིད་ཀྱིས་སྤང་བ་ནི། །སེམས་ཅན་གནོད་པ་ཀུན་མི་སྤྱད། །བསམ་གཏན་དང་ནི་བཟླས་བརྗོད་དང་། །
D808.096.0224b06.01གསང་སྔགས་གྲུབ་པར་བྱ་བ་དང་། །སྦྱིན་སྲེག་དབང་བསྐུར་ཐམས་ཅད་དང་། །ཡུལ་གྱི་བྱ་བ་རྣམས་ལ་ཡང་། །བརྟུལ་ཞུགས་གསུངས་པ་གང་ཡིན་པ། །དེ་ཡི་གནས་དང་ཚད་རྣམས་དང་། །སྔོན་ནི་བདག་ཉིད་འབའ་ཞིག་ལ། །མཐུ་ཆེན་རྡོ་རྗེ་འཛིན་གྱི་
D808.096.0224b07.01