完整藏文原文 · 德格版页 当前仅加载第 96 函德格 227b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་དང་། རིན་པོ་ཆེའི་སྣོད་རྣམས་དང་། རིན་པོ་ཆེའི་ཕྲེང་བ་རྣམས་དང་། རིན་པོ་ཆེ་འབར་བའི་ཚོགས་རྣམས་དང་། རིན་པོ་ཆེའི་གླིང་བརྒྱ་དང་། ནོར་བུ་ཆེན་པོ་རྣམས་དང་། མར་མེའི་ལྡོང་བུ་གཙང་བ། ནོར་བུ་དང་། རིན་པོ་ཆེ་སྣ་ཚོགས་ཀྱིས་སྤྲས་པས་འཆོར་བ། གསེར་
D809.096.0227b01.01གྱི་ཙོང་ཙོང་མང་པོས་བཏགས་པ་རྣམས་དང་། པདྨ་འཛམ་བུ་ཆུ་བོའི་གསེར་གྱི་གེ་སར་ཆེན་པོ་ཅན་རྣམས་དང་། གསེར་གྱི་ཕྲེང་བ་རྣམས་དང་། གསེར་གྱི་གཞལ་མེད་ཁང་རྣམས་དང་། རིན་པོ་ཆེའི་སྤྲིན་རྣམས་དང་། རིན་པོ་ཆེའི་འབྲུའི་ཆར་རྣམས་དང་། རིན་པོ་ཆེའི་
D809.096.0227b02.01སྙིང་པོ་ཅན་གྱི་ཁང་{བཟངས་,བཟང་}རྩིག་པ་ནོར་བུ་རབ་མཆོག་སྣ་ཚོགས་ཀྱིས་སྤྲས་པ། རིན་པོ་ཆེའི་ལན་ཀན་ཅན་རྣམས་དང་། རིག་སྔགས་འཆང་ཆེན་པོའི་སྐྱེད་མོས་ཚལ་ཉམས་དགའ་བ་རྣམས་དང་། གནས་ཉམས་དགའ་བ་རྣམས་དང་། གཞལ་མེད་ཁང་ཉམས་དགའ་བ་རྣམས་དང་།
D809.096.0227b03.01སྐྱེད་མོས་ཚལ་ཉམས་དགའ་བ་རྣམས་དང་། ལྷའི་ཉེ་བར་སྤྱད་པ་ཉམས་དགའ་བ་ཡོངས་སུ་མ་སྤྱད་པ་ཇི་སྙེད་མཆིས་པ་དེ་དག་ཐམས་ཅད་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་འབུལ་ལོ། །གང་དག་འཛམ་བུའི་གླིང་ན་མཆིས་པའི་སྨན་རྣམ་པ་སྣ་ཚོགས་པ་རྣམས་དང་།
D809.096.0227b04.01བཅུད་ཀྱིས་ལེན་གྱི་རིགས་རྣམས་དང་། གང་དག་དུས་ཐམས་ཅད་པའི་ནོར་བུ་དང་། གང་དག་ཞལ་ཟས་རོ་ཞིམ་པོ་ཕུན་སུམ་ཚོགས་པ་ཁྱད་དུ་འཕགས་པ་རྣམས་དང་། གང་དག་དྲི་བདའ་བའི་ལྗོན་ཤིང་རྣམས་དང་། ཙནྡན་གྱི་ལྗོན་ཤིང་རྣམ་པ་སྣ་ཚོགས་དུས་ཀྱི་རྗེས་སུ་འབྲང་བ་
D809.096.0227b05.01དང་། ཙནྡན་དམར་པོ་རྣམས་དང་། རྟག་ཏུ་མེ་ཏོག་དང་ལྡན་པའི་ནགས་ཚལ་ཆེན་པོ་རྣམས་དང་། སྤོས་ཀྱི་ངད་རྒྱས་པ་ཡིད་དུ་མཆི་བའི་དྲི་གདའ་བའི་ལྗོན་ཤིང་གི་རིགས་རྣམས་དང་། གང་དག་དཔག་བསམ་གྱི་ཤིང་བདག་གི་མ་མཆིས་ཤིང་ཡོངས་སུ་འཛིན་པ་མ་མཆིས་པ་རྣམས་དང་།
D809.096.0227b06.01གང་དག་རྒྱ་མཚོའི་ནོར་བུ་རྣམ་པ་སྣ་ཚོགས་དང་། ཡིད་བཞིན་གྱི་ནོར་བུ་རྣམས་དང་། གང་དག་རི་ལྷུན་པོ་དང་། ཏི་སེ་དང་། སྤོས་ཀྱི་ངད་ལྡང་དང་། མ་ལ་ཡ་དང་། འབིགས་བྱེད་དང་། མན་དཱ་ར་དང་། རྡོ་རྗེའི་རི་ལ་སོགས་པའི་རིན་པོ་ཆེ་སྣ་ཚོགས་ཀྱི་ཐོམ་རྣམས་ལ། རིན་
D809.096.0227b07.01