完整藏文原文 · 德格版页 当前仅加载第 96 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
དོག་དང་། སྟོབས་དང་། གཟི་བྱིན་དང་། ལོངས་སྤྱོད་དང་། དབང་ཕྱུག་དང་། ཤེས་རབ་དང་། སྤོབས་པ་ཕུན་སུམ་ཚོགས་པར་གྱུར་ཅིག །སྦྱིན་བདག་གི་བསོད་ནམས་མ་སྐྱེས་པ་རྣམས་ནི་སྐྱེ་བར་གྱུར་ཅིག །སྦྱིན་བདག་གི་ལོངས་སྤྱོད་སྐྱེས་ཟིན་པ་རྣམས་ནི་
D815.096.0255a01.01འཕེལ་ཞིང་རྒྱས་པར་གྱུར་ཅིག །དེ་བཞིན་དུ་སྦྱིན་བདག་གི་ཕ་མ་མཆོག་ཏུ་དཀའ་བ་བྱེད་བྱེད་པ། གསོ་གསོ། གནམ་གནམ། བསྐྱེད་བསྐྱེད། བསྲིང་བསྲིང་ལ་འཛམ་བུའི་གླིང་བཀྲ་ཡེར་ཡེར་མིག་གིས་མཐོང་བར་བྱེད་པས་ཀྱང་བསོད་ནམས་ཀྱི་ཕུད་ཀྱི་སྐལ་ཤས་ཐོབ་
D815.096.0255a02.01པར་གྱུར་ཅིག །དེ་བཞིན་དུ་སྦྱིན་བདག་གི་ཆུང་མ་རྣམས་དང་། བུ་རྣམས་དང་། བུ་མོ་རྣམས་དང་། སྦྱིན་བདག་གི་གཉེན་འདབ་མཛའ་བཤེས་རྒྱས་བའི་ཚན་རིས་གང་དག་འཁོད་ཅིང་འཚོལ་གནས་པ་དེ་དག་ཀྱང་ཚེ་རིང་ཞིང་། ལོངས་སྤྱོད་ཆེ་ལ་གཡོག་འཁོར་
D815.096.0255a03.01མང་བར་གྱུར་ཅིག །གང་དག་འདས་ཤིང་ཚེ་འཕོས་པ་དེ་དག་ཀྱང་འགྲོ་བ་དང་། སྐྱེ་བའི་གནས་དང་གནས་ཐ་དད་པའི་ཁྱད་པར་ཐོབ་པར་གྱུར་ཏེ། ལྷའི་གནས་སུ་སྐྱེས་པར་གྱུར་ནས། འཕགས་པ་བྱམས་པའི་ཞལ་སྔ་ནས་མཉེས་པར་བྱེད་པར་གྱུར་ཅིག །དེ་
D815.096.0255a04.01བཞིན་དུ་རྒྱལ་པོའི་མཆོག་རྒྱལ་པོ་ཆེན་པོ་མངའ་བདག་དམ་པ་དཔལ་ལྷ་བཙན་པོས་མ་ཕེབས་པ་རྣམས་ནི་ཕེབས་པར་གྱུར་ཅིག །ཕེབས་ཟིན་པ་རྣམས་ནི་ཆམ་དུ་ཕེབས་པར་གྱུར་ཅིག །སྟོབས་ཀྱི་འཁོར་ལོས་སྒྱུར་བའི་རྒྱལ་སྲིད་ཀྱང་བརྙེས་པར་གྱུར་ཅིག །དེ་བཞིན་
D815.096.0255a05.01དུ་ཉེ་འཁོར་གྱི་གྲོང་ན་གནས་པའི་རིགས་བཞི་སྟེ། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་ལ་སོགས་པ་ཡུལ་གྱི་མི་རྣམས་ལ་ནད་མེད་ཅིང་གནོད་པ་མེད་པར་གྱུར་ཅིག །དེ་བཞིན་དུ་མི་མཇེད་ཀྱི་བདག་པོ་ཚངས་པ་དང་། ལྷའི་དབང་པོ་བརྒྱ་
D815.096.0255a06.01བྱིན་དང་། འཇིག་རྟེན་སྐྱོང་བ་བཞི་དང་། གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་དང་། ཀླུའི་རྒྱལ་པོ་དགའ་བོ་དང་། བསྙེན་དགའ་བོ་དང་། གནོད་སྦྱིན་གྱི་སྡེ་དཔོན་བདེ་བའི་རི་བོ་དང་། གངས་ཅན་དང་། ལྔས་རྩེན་དང་། ལྔ་ལེན་ལ་སོགས་པ་དང་། ནོར་བུ་
D815.096.0255a07.01