完整藏文原文 · 德格版页 当前仅加载第 99 函德格 66b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་བཤད་པར་བྱ། །དང་པོའི་ལས་ནི་རྒྱས་དང་གསང་། །དགུག་དང་གཏད་དང་བཅིང་དང་དགྲོལ། །སྦྱོར་བའི་གདུག་པ་མ་ལུས་ཀུན། །ཕྲིན་ལས་འདི་ཡིས་བྱེད་པར་འགྱུར། །དང་པོར་བཙལ་བའི་བཙལ་ཐབས་ནི། །རྣམ་པ་དྲུག་དང་ལྡན་པས་བཙལ། །སྟག་
D838.099.0066b01.01མོ་གད་ལ་མཆོང་སྟབས་དང་། །སེང་གེ་གངས་ལ་འགྱིང་ཚུལ་དང་། །ཁྭ་སྤྱང་གཟན་ལ་རྒྱུག་ཚུལ་དང་། །བྱ་རྒོད་གཟན་ལ་འབབས་ཚུལ་དང་། །དོམ་ཆེན་རྨི་ལམ་རྨི་ཚུལ་དང་། །ཁྭ་སྐེག་ཐང་ཤིང་སྙེག་ཚུལ་གྱིས། །རོ་ཡི་ཕུང་པོ་བཙལ་བར་བྱ། །རི་ལ་
D838.099.0066b02.01འདུག་ན་འགྱིང་བས་བཙལ། །སྲིབས་ལ་འདུག་ན་མཆོང་བས་བཙལ། །གདགས་ལ་འདུག་ན་འདུག་པས་བཙལ། །འོར་ན་འདུག་ན་འབབས་པས་བཙལ། །བྲག་ལ་འདུག་ན་རྨི་བས་བཙལ། །ནགས་ལ་འདུག་ན་སྙེག་པས་བཙལ། །རྒྱལ་རིགས་
D838.099.0066b03.01ཡིན་ན་སེང་གེ་སྟངས། །བྲམ་ཟེ་ཡིན་ན་སྟག་མོ་སྟངས། །རྗེའུ་རིགས་ཡིན་ན་བྱ་རྒོད་སྟངས། །དམངས་རིགས་ཡིན་ན་དོམ་གྱིས་བྱ། །མ་ནིང་ཡིན་ན་སྤྲེའུ་ཡིས་བྱ། །དོག་ལ་ཡིན་ན་ཁྭ་སྤྱང་སྟངས། །དེ་ལྟར་རོ་ཡི་ཚོལ་སྟངས་ནི། །རྣམ་པ་དྲུག་དང་ལྡན་པས་བཙལ། །བརྟགས་
D838.099.0066b04.01ནས་འོངས་པ་གྱུར་པ་དང་། །གཤིན་རྗེ་རྒྱལ་པོའི་ཚམ་ངམ་བྱ། །ཁྲོ་བོ་བཅུ་ཡིས་སྟང་སྟབས་ཀྱིས། །རོ་ལ་ཀུན་ཏུ་བསྐོར་བྱས་ལ། །དཀྱིལ་འཁོར་ཆེན་པོའི་དབུས་སུ་གཞག །དེ་ལྟར་གཞག་པའི་ལས་བྱས་ནས། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་
D838.099.0066b05.01མཚམས་སུ་བསྟན། །ལག་པ་གཡས་པ་ལྷོ་ཡི་ཕྱོགས། །ལག་པ་གཡོན་པ་ནུབ་ཀྱི་ཕྱོགས། །རྐང་པ་གཡས་པ་ཤར་གྱི་ཕྱོགས། །རྐང་པ་གཡོན་པ་བྱང་གི་ཕྱོགས། །དེ་ལྟར་གན་རྐྱལ་བཞག་བྱས་ལ། །ད་ནི་ཕུར་བ་དགོད་བྱ་སྟེ། །མིག་དང་རྣ་བ་སྣ་དང་ལྕེ། །ལག་
D838.099.0066b06.01གཉིས་རྐང་གཉིས་ཕོ་མཚན་དང་། །ལྐོག་མ་དེ་བཞིན་སྙིང་ག་དང་། །ལྟེ་བ་པུས་མོ་དཔུང་བ་གཉིས། །གྲུ་མོ་དེ་བཞིན་ལོང་བུ་གཉིས། །མཚོག་མ་དེ་བཞིན་སྤྱི་བོ་དང་། །དཀུ་དང་དེ་བཞིན་མཆན་ཁུང་གཉིས། །དཔྲལ་བ་རྣམས་སུ་གདབ་བྱས་ལ། །ཕུར་བ་དེ་དག་
D838.099.0066b07.01