完整藏文原文 · 德格版页 当前仅加载第 100 函德格 79a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་པར་འགྱུར། དེ་བཞིན་གཤེགས་པའི་སྐུ་གཟུགས་ཀྱང་མཐོང་བར་འགྱུར། ཟླ་བ་ཕྱེད་ཀྱི་བར་དུ་བཟླས་པ་བྱས་ན་འཕགས་པ་སྤྱན་རས་གཟིགས་དབང་ཕྱུག་དང་། ཟླ་འོད་གཞོན་ནུར་གྱུར་
D857.100.0079a01.01པ་མཐོང་བར་འགྱུར། མཚམས་མེད་པ་ལྔའི་སྡིག་བྱས་པ་ཡང་འབྱང་བར་འགྱུར། སྐྱེ་བ་དྲན་པར་འགྱུར། ཚེ་བརྗེས་ནས་ཀྱང་ལྷ་རྣམས་ཀྱི་ནང་དུ་སྐྱེ་བར་འགྱུར། ཁྱིམ་བདག་ཆེན་པོ་སྐྱིད་པ་དག་གི་ནང་དུ་སྐྱེ་པར་འགྱུར། སྐྱེ་བོ་ཐམས་ཅད་དགའ་བར་འགྱུར་རོ། །
D857.100.0079a02.01འདི་ལྟར་ས་ཆེན་པོ་མ་ལུས་པ་འདི་ནི་གྲུམ་པར་འགྱུར་ཡང་སྲིད། རྒྱ་མཚོ་ནི་སྐམས་ཀྱང་སྲིད། དེ་བཞིན་དུ་རིའི་རྒྱལ་པོ་རི་རབ་ནི་འཇིག་པར་འགྱུར་ཡང་སྲིད། རླུང་ནི་ཞགས་པས་བཅིང་དུ་རུང་ཡང་སྲིད། ཟླ་བ་དང་ཉི་མ་ནི་སའི་སྟེང་དུ་ལྷུང་ཡང་སྲིད། ནམ་མཁའ་
D857.100.0079a03.01ནི་ལག་པ་གཉིས་ཀྱིས་མནན་དུ་རུང་ཡང་སྲིད། མེ་ནི་ཆུར་འགྱུར་ཡང་སྲིད། འབྱུང་བ་ཆེན་པོ་བཞི་ནི་གཞན་དུ་འགྱུར་ཡང་སྲིད། སེམས་ཅན་ཐམས་ཅད་ཀྱི་སེམས་ནི་གཅིག་ཏུ་འགྱུར་ཡང་སྲིད་ཀྱི། དེ་བཞིན་གཤེགས་པས་གསུངས་ཤིང་བྱིན་གྱིས་བརླབས་པ་
D857.100.0079a04.01ནི་གཞན་དུ་འགྱུར་མི་སྲིད་དེ། སུས་ཀྱང་བསྐྱོད་པའམ། བསྒུལ་བར་མི་ནུས་སོ། །འདི་ལ་ནི་བདུད་སྡིག་ཅན་གྱིས་གླགས་རྙེད་པར་མི་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས། བཅོམ་ལྡན་
D857.100.0079a05.01འདས་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀྱང་གཟུངས་འདིའི་ཆོ་ག་བཤད་པར་བགྱིའོ། །ཆོས་ཀྱི་རྒྱལ་པོའི་མཆོད་རྟེན་རིང་བསྲེལ་དང་བཅས་པའམ། སངས་རྒྱས་ཀྱི་སྐུ་གཟུགས་ཀྱི་སྤྱན་སྔར་ཙནྡན་དཀར་པོའི་དཀྱིལ་འཁོར་
D857.100.0079a06.01བགྱིས་ཏེ། མེ་ཏོག་སིལ་མ་གཏོར་ལ་ཙནྡན་གྱི་བདུག་པས་བདུགས་ཏེ། ཟླ་བ་ཚེས་པ་ནས་བརྩམས་ནས་ཚེས་{བཅྭ་,བཅོ་}ལྔའི་བར་དུ་དུས་གསུམ་དུ་ཁྲུས་བགྱི་ཞིང་གོས་ཀྱང་ལན་གསུམ་དུ་བརྗེས་ཏེ། ཁ་ཟས་བསྲེག་བྱ་འཚལ་ཞིང་གསོ་སྦྱོང་དང་ལྡན་པ། སེམས་ཅན་
D857.100.0079a07.01