完整藏文原文 · 德格版页 当前仅加载第 100 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱ་གར་སྐད་དུ། ཨཱརྱ་ཨ་བྷི་ཥིཉྩ་ནི་ནཱ་མ་དྷཱ་ར་ཎཱི། བོད་སྐད་དུ། འཕགས་པ་དབང་བསྐུར་བ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན།
D859.100.0085b01.01བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་དགེ་སློང་བརྒྱད་སྟོང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་གྲངས་མེད་པ་བྱེ་བ་སྔོན་གྱི་རྒྱལ་བ་ལ་ལྷག་པར་བྱ་བ་བྱས་པ་རྣམས་དང་ཐབས་ཅིག་ཏུ་བཞུགས་
D859.100.0085b02.01ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་ཁྱོད་ཀྱིས་འདི་ལྟ་སྟེ། བྱང་ཆུབ་སེམས་དཔའི་མ་དང་། བྱང་ཆུབ་སེམས་དཔའི་སྔོན་གྱི་སྤྱོད་པ་དང་། བདེན་པའི་སྨོན་ལམ་དང་། བྱང་ཆུབ་སེམས་དཔས་ཡོངས་སུ་
D859.100.0085b03.01བཟུང་བ། བྱང་ཆུབ་སེམས་དཔའི་ཆོས་འདི་དག་སྒོམས་ཤིག །སྟོན་ཅིག །འདི་ལྟ་སྟེ། གཟུངས་ཀྱི་ཆོས་ཀྱི་རྣམ་གྲངས་སོ། །དེ་ནས་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གཟུངས་ནི་ཡུལ་ན་མི་
D859.100.0085b04.01གནས། ཕྱོགས་ན་མི་གནས་ན་བཅོམ་ལྡན་འདས་གཟུངས་གཟུངས་ཞེས་བགྱི་བ་ལ། བཅོམ་ལྡན་འདས་གཟུངས་ཞེས་བགྱི་བ་འདིའི་ཚིག་གི་དོན་གང་ལགས། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་
D859.100.0085b05.01ཅེས་བཀའ་སྩལ་ཏོ། །ཤཱ་རིའི་བུ་ལེགས་སོ་ལེགས་སོ། །ཤཱ་རིའི་བུ་ཁྱོད་འདི་ལྟར་ཐེག་པ་ཆེན་པོ་ལ་ཡང་དག་པར་ཞུགས་པ་དང་། ཐེག་པ་ཆེན་པོ་ལ་མངོན་པར་བརྩོན་པ་དང་། ཐེག་པ་ཆེན་པོ་ལ་ལྷག་པར་བྱ་བ་བྱེད་པ་དང་། ཁྱོད་གཟུངས་ཡུལ་ན་
D859.100.0085b06.01མི་གནས། ཕྱོགས་ན་མི་གནས་པར་སྟོན་པ་ཡང་ལེགས་སོ། །དེ་ཅིའི་ཕྱིར་ཞེ་ན། ཤཱ་རིའི་བུ་གཟུངས་ནི་ཆོས་ཉིད་ཀྱིས་འདས་པ་དང་། མ་འོངས་པ་དང་། ད་ལྟར་བྱུང་བ་མ་ཡིན་ཏེ། ཤཱ་རིའི་བུ་གཟུངས་ནི་འདས་པ་ཞེས་མི་འཆད། མ་འོངས་པ་ཞེས་
D859.100.0085b07.01