完整藏文原文 · 德格版页 当前仅加载第 100 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འདུས་པ་ལས་གྱུར་པ་དང་། ཀླད་པ་ན་བ་དང་། ཕོལ་མིག་དང་། གཡན་པ་དང་། ཚད་
D872.100.0093b01.01པ་དང་། མིག་ནད་ལ་སོགས་པ་ཉེ་བར་སྒྲུབ་བོ། །འདི་ལྟ་སྟེ། ཆར་ཆེ་བ་དང་། ཐན་པ་དང་། དུས་མ་ཡིན་པའི་ཆར་གྱིས་ལོ་ཏོག་ཕུན་སུམ་ཚོགས་པའི་འོངས་འཕྲོག །སེམས་ཅན་རྣམས་ཀྱི་མདངས་འཕྲོག །ཚེ་དང་། སྟོབས་དང་། མདོག་དང་། གཟུགས་
D872.100.0093b02.01འཕྲོག་སྟེ། དེའི་ཚེ་འཛམ་བུའི་གླིང་ན་སེམས་ཅན་ཐམས་ཅད་ནད་སྣ་ཚོགས་ཀྱིས་ཡོངས་སུ་ཉེན་ཏོ། །གཏུམ་པོ་སེང་གེ་དང་། སྤྱང་ཀི་དང་། སྟག་དང་། སྦྲུལ་ལ་སོགས་པའི་གཟུགས་ཀྱིས་སེམས་ཅན་རྣམས་ཀྱི་མདངས་འཕྲོག་སྟེ། འཛམ་བུའི་གླིང་གི་སེམས་ཅན་
D872.100.0093b03.01རྣམས་ལ་དུས་མ་ཡིན་པར་ཆུད་ཟ་བར་ཉེ་བར་གནས་པས་སེམས་ཅན་རྣམས་ནད་ལས་ཐར་བར་བྱ་བ་ཡང་དཀའ་སྟེ། འཛམ་བུའི་གླིང་འདིར་སེམས་ཅན་རྒན་པ་དང་། བར་མ་དང་། གཞོན་པ་དག་ལས་དཀྲིགས་ཕྲག་སུམ་ཅུ་འཆི་བར་འགྱུར་རོ། །དེའི་ཕྱིར་ང་དགེ་
D872.100.0093b04.01སློང་ཁྱོད་ཀྱི་གན་དུ་འོངས་ཀྱིས། ཁྱོད་ཀྱིས་འཛམ་བུའི་གླིང་གི་སེམས་ཅན་ཐམས་ཅད་ལ་ཆོས་ཀྱི་རྣམ་གྲངས་འདི་སྒྲོགས་ཤིག །དེ་ཅིའི་ཕྱིར་ཞེ་ན། འཛམ་བུའི་གླིང་པའི་སེམས་ཅན་ཐམས་ཅད་ནི་འདི་སྙམ་དུ་བདག་ཅག་ཇི་ལྟར་སྡུག་བསྔལ་གྱིས་བཅིངས་པ་ཐམས་ཅད་
D872.100.0093b05.01ལས་ཐར་བར་འགྱུར་སྙམ་དུ་རེ་བའི་ཕྱིར་རོ། །དེ་ལྟ་བས་ན་དགེ་སློང་ཁྱོད་ཀྱིས་སེམས་ཅན་ཐམས་ཅད་ལ་མདོ་འདི་སྒྲོགས་ཏེ། སེམས་ཅན་ཐམས་ཅད་ལ་དགེ་བའི་རྩ་བ་བསྐྱེད་པའི་ཕྱིར་ནན་ཏན་གྱིས་ཤིག །དཀོན་མཆོག་གསུམ་ལ་རྟག་པར་རྒྱུན་དུ་དད་པར་
D872.100.0093b06.01གྱིས་ཤིག །ལྷ་རྗེད་ཅིག །དེ་བཞིན་གཤེགས་པའི་མཆོད་རྟེན་རྣམས་སམ། སྐུ་གཟུགས་རྣམས་ལ་སྤོས་དང་། མེ་ཏོག་དང་། བདུག་པ་རྣམས་ཀྱིས་མཆོད་པར་གྱིས་ཤིག །ཁྱད་པར་ཅན་གྱི་གཟུངས་ཀྱང་ལྷོགས་ཤིག །ཉི་མ་བདུན་ཡན་ལག་
D872.100.0093b07.01