完整藏文原文 · 德格版页 当前仅加载第 100 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །འཕགས་པ་བྱམས་པའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། བྱང་ཆུབ་
D875.100.0103a02.01སེམས་དཔའ་སེམས་དཔའ་ཆེན་པོ་བྱམས་པ་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་རང་གི་སྙིང་པོ་སྨྲས་པ། ན་མ་སྟྲཻ་ཡཱ་དྷྭི་ཀཱ་ནཱཾ། སརྦ་ཏ་ཐཱ་ག་ཏཱ་ནཱཾ། ཏདྱ་ཐཱ། ཨོྃ་ས་ར་ས་ར། སུ་རུ་སུ་རུ། དྷ་ར་དྷ་ར། མ་ཧཱ་དྷ་ར།
D875.100.0103a03.01ཙ་ར་ཙ་ར། མ་ཧཱ་ཙ་ར། བྷ་ར་བྷ་ར། མ་ཧཱ་བྷ་ར། ཀམྤ་ཀམྤ། མ་ཧཱ་གམྤ་ཧཱུྃ་མ་ཧཱ་སྥ་ར་ཎ། དྷརྨཱ་གྲ་སཱ་ག་ར་སྭཱ་ཧཱ། དེ་ནས་དེ་བཞིན་གཤེགས་པ་ཐམས་ཅད་ཀྱིས་འདི་སྐད་ཅེས་བཀའ་སྩལ་ཏོ། །ཀྱེ་མ་གཟུངས་ཆེན་མོ་འདི་ནི་ཡོན་ཏན་ཆེ་བ་སྟེ་མཐའ་ཡས་པར་ཁྱབ་པ།
D875.100.0103a04.01བསྐལ་པ་བྱེ་བ་ཕྲག་མང་པོར་ཡང་ཤིན་ཏུ་ཐོས་པར་དཀའ་བ། སངས་རྒྱས་འབྱུང་བ་ཐམས་ཅད་སྟོན་པ། དེ་བཞིན་གཤེགས་པ་གྲངས་མེད་པ་འཇིག་རྟེན་གྱི་ཁམས་ཐམས་ཅད་སྙེད་ཀྱིས་བསྙེན་བཀུར་མཛད་མཛད་པ། སྒྲིབ་པ་དང་། སྡུག་བསྔལ་བ་དང་། འཁྲུག་པ་དང་།
D875.100.0103a05.01རྨི་ལམ་ངན་པ་དང་། ལྟས་ངན་པ་ཐམས་ཅད་ལས་ཐར་བར་བྱེད་པ། སེམས་ཅན་གྱི་ཁམས་མཐའ་ཡས་མུ་མེད་པ་ཡོངས་སུ་ཐར་བར་བྱེད་པ་སྟེ་ཤིན་ཏུ་དཀོན་པའོ། །དེ་ནས་རྡོ་རྗེའི་དཀྱིལ་འཁོར་གྱི་འཁོར་ལྷ་དང་ལྷ་མ་ཡིན་དུ་བཅས་པ། ནོར་བུའི་ཅོད་པན་གྱིས་བསྒྱིངས་པ། །
D875.100.0103a06.01རྒྱན་ཕྲེང་རབ་ཏུ་གཡོ་བ་རྣམས་ཀྱིས་སྤྱི་བོར་ཐལ་མོ་སྦྱར་ནས་བྱང་ཆུབ་སེམས་དཔའི་མཆོག་འཕགས་པ་བྱམས་པ་ལ་མཚན་བརྒྱ་རྩ་བརྒྱད་ཀྱིས་མངོན་པར་བསྟོད་པ། དཔའ་བོ་ཆེན་པོ་ཐབས་བརྙེས་པ། །རྒྱལ་ཚབ་མི་ཡི་བདག་པོ་སྟེ། །འཇིག་རྟེན་བདག་པོ་རྣམ་པར་གསལ། །
D875.100.0103a07.01