完整藏文原文 · 德格版页 当前仅加载第 100 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
སོགས་པ་འཇིག་པ་དང་། སྡང་བ་དང་། བྱད་སྟེམས་དང་། རོ་ལངས་ཀྱི་སྦྱོར་བ་ཆེན་པོ་དང་། སྐྲོད་པ་དང་། སྲོག་འཇིག་པའི་ཚེ་དང་། འཇིགས་པ་ཆེན་པོ་བྱུང་བ་ན། ནང་པར་ལངས་ནས་ལུས་ཁྲུས་བགྱིས་ལ། གོས་
D878.100.0112a01.01དཀར་པོ་འཚལ་ཏེ། ཁ་ཤར་ཤར་ཕྱོགས་སུ་བལྟས་ལ། བཅོམ་ལྡན་འདས་རྡོ་རྗེ་འཆང་གི་གདོང་དུ་ལྟ་ཞིང་ལན་བདུན་བརྗོད་ན། བརྗོད་པ་ཙམ་གྱིས་འཇིགས་པ་ཐམས་ཅད་ལས་ཐར་བར་འགྱུར་ཞིང་། གྲུབ་པ་ཆེན་པོ་ཡང་ཐོབ་པར་འགྱུར་ལ། ཐམས་
D878.100.0112a02.01ཅད་དུ་ཡང་རྒྱལ་བར་འགྱུར་ཏེ། སེམས་ཅན་རྣམས་ལ་སྲུང་བ་དང་། སྐྱོབ་པ་དང་། སྦེད་པ་ནི་གཟུངས་ཆེན་མོ་འདི་ལས་ལྷག་པ་མ་མཆིས་སོ། །དེ་ནས་འཁོར་ཐམས་ཅད་ངོ་མཚར་དུ་གྱུར་ནས། རྡོ་རྗེ་འཆང་ལ་མཚན་བརྒྱ་རྩ་བརྒྱད་ཀྱིས་མངོན་པར་
D878.100.0112a03.01བསྟོད་པ། །རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་རྒྱལ་པོ་བདེ་བ་ཆེ། །རྡོ་རྗེ་འཇིགས་པ་དགྱེས་པ་ཆེ། །རྡོ་རྗེ་སྙིང་པོ་སྟོབས་པོ་ཆེ། །རྡོ་རྗེ་འཁྲུགས་པ་ཞགས་པ་ཆེ། །རྡོ་རྗེ་འཇིགས་བྱེད་འཇིགས་པར་མཛད། །རྡོ་རྗེ་ཧཱུྃ་གི་ཧཱུྃ་ལགས་ཏེ། །རྡོ་
D878.100.0112a04.01རྗེ་ས་འོག་འཇིགས་པ་པོ། །ཆགས་པའི་རྡོ་རྗེ་ཆགས་པ་ཆེ། །ཆགས་པའི་ཞགས་པ་མགྱོགས་པ་ཆེ། །ཕྱག་དམར་ཕྱག་ནི་རིང་བ་སྟེ། །སྤྱན་དམར་སྤྱན་དང་ལྡན་པ་ལགས། །རྡོ་རྗེ་མཐོན་ཀ་མཐོན་ཀ་ཆེ། །མཐོན་མཐིང་དབུ་སྐྲས་བརྒྱན་པ་ལགས། །
D878.100.0112a05.01རལ་གྲི་སྔོན་པོ་རལ་གྲི་ཆེ། །དཀྱིལ་འཁོར་སྔོན་པོའི་དཀྱིལ་འཁོར་ཅན། །མཐོན་ཀའི་སྤྱན་ཏེ་དབུ་སྔོ་བ། །འོད་ཆེན་མཐོན་ཀའི་འོད་དང་ལྡན། །རྡོ་རྗེ་སྔོན་པོ་སྟོབས་མི་མཚུངས། །རྡོ་རྗེ་སྤྲོ་བའི་སྟོབས་པོ་ཆེ། །ཁྲོ་བོའི་རྡོ་རྗེ་ཁྲོ་བོ་ཆེ། །སེལ་མཛད་
D878.100.0112a06.01ཁྲོ་བོའི་རྒྱགས་པ་སེལ། །ཁྲོས་པའི་སྤྱན་ནི་རབ་ཏུ་བསྟོད། །ཁྲོ་བོ་བགེགས་རིགས་སེལ་བར་མཛད། །གཞུ་བསྣམས་ཞགས་པ་བསྣམས་པ་སྟེ། །རྡོ་རྗེའི་མདས་ནི་ངེས་པར་འགུམས། །དབྱིག་ཐོགས་རྡོ་རྗེའི་རལ་གྲི་བསྣམས། །རྡོ་རྗེའི་ཞགས་པས་
D878.100.0112a07.01