完整藏文原文 · 德格版页 当前仅加载第 100 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བློ་གྲོས་ཆོས་ཀྱི་སྤྲིན། །ས་ཆེན་དམ་པ་དེ་དག་ཀྱང་། །གང་ཞིག་ངེས་གནས་འདོད་པ་ཡི། །སེམས་ཅན་ཆེན་པོས་མི་ཐོགས་པར། །ཚེ་ཟད་ནས་ནི་ཐོབ་པར་འགྱུར། །སྡིག་པ་ཐམས་ཅད་རྣམ་དག་དང་། །སེམས་ཅན་
D879.100.0117a01.01ཀུན་ལ་སྡུག་པ་དང་། །སྤྲོས་པ་ཐམས་ཅད་ཞི་བ་ཡི། །བྱང་ཆུབ་བླ་མེད་ཐོབ་པར་འགྱུར། །རིག་སྔགས་འཆང་ཀུན་བསྐྱེད་པ་དང་། །སྡིག་པ་ཐམས་ཅད་ཞི་བྱེད་པ། །བཀྲ་ཤིས་མཆོག་ཏུ་དགེ་བ་ཡི། །མིང་བརྒྱ་རྩ་བརྒྱད་ཡིད་འོང་འདི། །
D879.100.0117a02.01སོར་མོ་བཅུ་ཡི་ཐལ་སྦྱར་ནས། །འཇམ་པའི་དབྱངས་ཀྱི་མདུན་འདུག་ལ། །ཤིན་ཏུ་དང་བའི་སེམས་ཀྱིས་སུ། །ནང་པར་ལངས་ནས་སུ་བརྗོད་པ། །དེ་ལ་རིག་སྔགས་འཆང་ཀུན་དང་། །དེ་བཞིན་ལྷ་ཡི་བདག་པོ་རྣམས། །གནོད་སྦྱིན་སྲིན་པོ་
D879.100.0117a03.01མང་པོ་དག །རྟག་ཏུ་ཡང་ནི་སྲུང་བར་བྱེད། །དེ་བཞིན་གཤེགས་པའི་སྲས་ཀུན་དང་། །དེ་བཞིན་གཤེགས་པ་ཉིད་རྣམས་དང་། །དེ་བཞིན་རྡོ་རྗེའི་མཚོན་འཆང་རྣམས། །དེ་ལ་ངེས་པར་སྲུང་བར་བྱེད། །དེ་ནི་སངས་རྒྱས་སྐུར་བཞུགས་ཤིང་། །
D879.100.0117a04.01མཉམ་པར་གཞག་པར་སྣང་བར་འགྱུར། །གནོད་སྦྱིན་ལྷ་ཡི་བདག་པོ་རྣམས། །བགེགས་དང་ལོག་འདྲེན་ཆེན་པོ་དག །དགའ་ཞིང་བསམ་པ་དམ་པ་ཡིས། །རྒྱང་མ་དག་ནས་ཕྱག་ཀྱང་འཚལ། །དེ་ཕྱིར་བགེགས་རྣམས་དགའ་གྱུར་པས། །
D879.100.0117a05.01འཚེ་བར་བྱེད་ཀྱང་མི་ནུས་སོ། །ལན་ཅིག་བཀླགས་ན་ཚངས་ཆེན་དང་། །བསོད་ནམས་མཉམ་པ་ཐོབ་པར་འགྱུར། །ཤེས་རབ་ཆེན་པོ་གང་ཞིག་གིས། །ཉིན་རེ་མཚན་མཆོག་བརྗོད་བྱས་ན། །དྲི་མ་མེད་ཅིང་རབ་དག་ལ། །རབ་ཏུ་འོད་གསལ་སྒྲ་
D879.100.0117a06.01སྙན་དང་། །སེམས་ཅན་ཐམས་ཅད་དགའ་བ་ཡི། །ཡིད་དུ་འོང་བའི་གནས་ཀྱང་འཐོབ། །མཚུངས་པ་མེད་ཅིང་སྟོབས་བསྐྱེད་ལམ་མཆོག་འགྲོ་བ་དང་། །འོད་གསལ་དམ་ཚིག་ཅན་གྱི་ལྷ་རྣམས་ཀྱིས་བསྟོད་ཅིང་། །ཡིད་འཕྲོག་ལྷ་དང་ལྷ་མིན་ཚོགས་
D879.100.0117a07.01