完整藏文原文 · 德格版页 当前仅加载第 100 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འཚང་རྒྱ་བར་འགྱུར་རོ། །ཕྱག་འཚལ་བ་གཅིག་དང་། བསྐོར་བ་གཅིག་གིས་མནར་མེད་པ་ལ་ཐུག་པ་ལ་སོགས་པ་རྣམས་ལས་ཡོངས་སུ་ཐར་བར་འགྱུར་ཞིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །
D883.100.0127a01.01གནས་གང་ན་མཆོད་རྟེན་ནམ། གཟུགས་བརྙན་འདི་ལྟ་བུ་གནས་པའི་ས་ཕྱོགས་དེ་ཡང་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ། །ཕྱོགས་དེར་ཀླུ་མི་སྲུན་པས་ཀྱང་མི་ཚུགས་པར་འགྱུར། སད་དང་སེར་བས་ཀྱང་མི་ཚུགས་པར་འགྱུར། གནས་
D883.100.0127a02.01དེར་སྲོག་ཆགས་མི་སྲུན་པའམ། གདུག་པས་ཀྱང་མི་ཚུགས་པར་འགྱུར། གཅན་གཟན་གྱིས་མི་ཚུགས་པར་འགྱུར། བྱ་མི་སྲུན་པ་དང་། ནེ་ཙོ་དང་། རི་སྐེགས་དང་། བྱི་བ་དང་། སྲེ་མོ་དང་། ཤ་སྦྲང་དང་། སྦྲང་བུ་དང་། བྱེ་བ་དང་། སྦྲང་མ་མཆུ་གསུམ་
D883.100.0127a03.01པ་དང་། མཆུ་{རིངས་,རིང་}དང་། རྟ་བླ་བའི་འཇིགས་པ་ཡང་མི་འབྱུང་བར་འགྱུར། སྦྲུལ་གདུག་པས་ཚུགས་པར་མི་འགྱུར་རོ། །ཕྱོགས་དེར་ཡམས་ཀྱི་ནད་དང་། ནད་འགོ་བ་དང་། འཁྲུག་པ་ཡང་མི་འབྱུང་བར་འགྱུར། གནོད་སྦྱིན་དང་། སྲིན་པོ་དང་།
D883.100.0127a04.01འབྱུང་པོ་དང་། {ཡི་དགས་,ཡི་དྭགས་}དང་། འདྲེ་དང་། བརྗེད་བྱེད་ཀྱི་འཇིགས་པ་ཡང་མི་འབྱུང་བར་འགྱུར། གདོན་ཐམས་ཅད་ཀྱིས་ཀྱང་མི་ཚུགས་པར་འགྱུར། རིམས་ཐམས་ཅད་ཀྱིས་ཀྱང་མི་ཚུགས་པར་འགྱུར། ནད་ཐམས་ཅད་དང་། འབྲས་དང་། ཕོལ་མིག་དང་།
D883.100.0127a05.01ལྷོག་པ་དང་། མཚན་བར་རྡོལ་བ་དང་། རྐང་ཤུ་དང་། གཡན་པ་དང་། མཛེས་ཀྱང་མི་ཚུགས་པར་འགྱུར་ཞིང་། མཆོད་རྟེན་དེ་མཐོང་བ་ཙམ་གྱིས་ཐམས་ཅད་འབྱང་བར་འགྱུར་རོ། །ཕྱོགས་དེར་བ་ལང་གི་ནད་དང་། ཕྱུགས་ནད་དང་། དུད་འགྲོའི་སྐྱེ་
D883.100.0127a06.01གནས་རྣམ་པ་མང་པོ་གཞན་དག་གི་ནད་དང་། སྐྱེས་པ་དང་། བུད་མེད་དང་། ཁྱེའུ་དང་། བུ་མོའི་ནད་ཀྱིས་ཀྱང་ནམ་ཡང་མི་ཚུགས་པར་འགྱུར། དུས་མ་ཡིན་པར་འཆི་བས་ཀྱང་དུས་མ་ཡིན་པར་འཆི་བར་མི་འགྱུར། དུག་གིས་མ་ཡིན། མཚོན་གྱིས་མ་
D883.100.0127a07.01