完整藏文原文 · 德格版页 当前仅加载第 100 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱབ་སྟེ། འགྲོ་བ་མང་པོའི་དོན་བྱེད་པར་འགྱུར་རོ། །འོད་ཟེར་གྱི་སྤྲིན་ཕུང་དེ་དག་སླར་འབི་འབིའི་ནང་དུ་འདུས་པས་ཀྱང་དེ་ཉིད་ཡེ་ཤེས་རིན་པོ་ཆེའི་རང་བཞིན་ཤེལ་སྒང་ལྟར་ཡོངས་སུ་དག་པར་འགྱུར་རོ། །དེ་བཞིན་དུ་ཡིད་ཀྱིས་ཀྱང་དམིགས་སོ། །དེ་ནས་འབི་
D884.100.0132b01.01འབིའི་ནང་དུ་བི་མ་ལ་ཨུཥྞཱི་ཥའི་སྙིང་པོ་མུ་དྲའི་ཕྱག་རྒྱར་བྱས་པའམ། གྲོ་གའམ། རས་སམ། ཤོག་ཤོག་གམ། ཤིང་ཤུན་ལ་སྔགས་བྲིས་པ་དང་། དེའི་ནང་དུ་རིགས་ལྔ་སོ་སོའི་སྙིང་པོ། ཨོྃ་ཧཱུྃ་ཏྲཱྃ་ཧྲཱིཿཨཿ། དེ་རྣམས་ཕྲུགས་སུ་སྦྱར་ཏེ། མུ་དྲའི་ཕྱག་
D884.100.0132b02.01རྒྱར་བྱས་པའམ། ཡི་གེར་བྲིས་བའམ། གང་ཡང་རུང་སྟེ་ནང་དུ་སྩལ་ན། དེ་བཞིན་གཤེགས་པའི་ཐུགས་ཡེ་ཤེས་དང་ལྡན་པར་འགྱུར་རོ། །ནང་དུ་སྩོལ་བའི་ཚེ་རིག་པའི་སྔགས་འདི་བརྗོད་པར་བྱའོ། །ཨོྃ་བཛྲ་གརྦྷེ་སྭཱ་ཧཱ་ཞེས་བྱ་བ་བཟླས་ན་དེ་བཞིན་གཤེགས་
D884.100.0132b03.01པ་ཐམས་ཅད་ཀྱི་ཐུགས་ཡེ་ཤེས་དེའི་ནང་དུ་འདུས་ཤིང་ཞུགས་པར་འགྱུར་རོ། །ཡིད་ཀྱིས་ཀྱང་དམིགས་སོ། །དེ་ནས་ཙཻ་ཏྱའི་ཕོར་བུའི་ནང་དུ་ཡུངས་ཀར་རམ། ཏིལ་མར་གྱིས་བསྐུ་བའི་སྔགས་རིག་པ་ཆེན་མོ་འདི་བརྗོད་པར་བྱའོ། །ཨོྃ་ཨ་ར་ཛེ་བི་ར་ཛེ་སྭཱ་ཧཱ་ཞེས་
D884.100.0132b04.01ལན་གསུམ་བཟླས་ཤིང་བྱིན་གྱིས་བརླབས་ན་དེ་ཉིད་ཐབས་དང་ཤེས་རབ་འབྲེལ་བ་ལས་ཆོས་ཀྱི་དབྱིངས་ཉིད་ཀྱི་མཆོད་རྟེན་དུ་འགྱུར་རོ། །དེ་བཞིན་དུ་ཡིད་ཀྱིས་ཀྱང་དམིགས་སོ། །དེ་ནས་མཆོད་རྟེན་འདེབས་པའི་ཚེ་རིག་པ་ཆེན་མོ་འདི་བརྗོད་པར་བྱའོ། །ཨོྃ་བཛྲ་མུཏྒ་ར་ཨཱ་
D884.100.0132b05.01ཀོ་ཊ་ཡ་ཨཱ་ཀོ་ཊ་ཡ་ཧཱུྃ་ཕཊ་ཅེས་བཟླས་ཤིང་མཆོད་རྟེན་བཏབ་ན་དབྱིངས་དང་ཡེ་ཤེས་གཉིས་སུ་མེད་པར་འབྲེལ་བ་ལས་ཆོས་ཀྱི་སྐུའི་མཆོད་རྟེན་དུ་འགྱུར་རོ། །དེ་ནས་བི་མ་ལ་ཨུཥྞཱི་ཥའི་སྙིང་པོ་གོང་ནས་བྱུང་བས་ཀྱང་མཆོད་རྟེན་བཏབ་ན་དབྱིངས་དང་ཡེ་ཤེས་གཉིས་སུ་མེད་པར་འབྲེལ་
D884.100.0132b06.01བ་ལས་ཆོས་ཀྱི་སྐུའི་མཆོད་རྟེན་འབྱམ་ཀླས་པར་འགྱུར་རོ། །དེ་ནས་མཆོད་རྟེན་ཕོར་བུའི་ནང་ནས་འབྱུང་བའི་རིག་པ་ཆེན་མོའི་སྔགས་འདི་བརྗོད་ལ་དབྱུང་ངོ་། །ཨོྃ་དྷརྨ་དྷཱ་ཏུ་ཡེ་སྭཱ་ཧཱ། དྷརྨ་དྷཱ་ཏུ་གརྦྷེ་སྭཱ་ཧཱ་ཞེས་ལན་བདུན་བཟླས་ཏེ་མཆོད་རྟེན་ཕྱུང་ན་ཐབས་དང་ཤེས་རབ་
D884.100.0132b07.01