完整藏文原文 · 德格版页 当前仅加载第 100 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
གདུག་པ་སེལ། །ཆུ་སྲིན་འཛིན་ཁྲིའི་འཇིགས་ལས་སྒྲོལ། །ལྷ་མོ་སྒྲོལ་མ་རྗེས་སུ་འབྲང་། །ཁྲོ་གཉེར་ཅན་ནི་བཀའ་བཞིན་བྱེད། །རྒྱལ་བ་ཅན་ནི་ཚུལ་དང་ལྡན། །མཐུ་ཆེན་ལྡན་ཞིང་དྲན་དང་ལྡན། །ཡོན་ཏན་ལྡན་ཞིང་
D900.100.0217a01.01བྱམས་དང་ལྡན། །ཤེས་རབ་ལྡན་ཞིང་དཔལ་དང་ལྡན། །ཚུལ་ཁྲིམས་ལྡན་ཞིང་དོན་དང་ལྡན། །དོན་རྣམས་ཀུན་ནི་རིག་པ་པོ། །ཐེ་ཚོམ་ཐམས་ཅད་གཅོད་པ་པོ། །ཆོས་རྣམས་ཐམས་ཅད་སྨྲ་བ་པོ། །འཇིག་རྟེན་རྣམས་ཀྱི་སྟོན་པ་པོ། །
D900.100.0217a02.01ཞལ་བཟང་ཟླ་བ་ཉ་བ་འདྲ། །སྐུ་སྨད་རིན་ཆེན་ཀུན་གྱིས་བརྒྱན། །གསེར་གྱི་མཆོད་སྡོང་འདྲ་བར་གནས། །འོད་ཟེར་ཉི་མ་སྟོང་བས་ལྷག །ཚངས་པ་ལ་སོགས་ཕྱག་བགྱིས་པའོ། །འཕགས་པ་སྤྱན་རས་གཟིགས་དབང་ཕྱུག་ལ་མཚན་བརྒྱ་རྩ་
D900.100.0217a03.01བརྒྱད་ཀྱིས་གང་ཞིག་སྟོད་པ་བྱེད་པ་དེ་མཚམས་མེད་པ་ལྔ་བྱས་པའི་ལས་ཀྱི་སྒྲིབ་པ་ཡོངས་སུ་བྱང་བར་འགྱུར་རོ། །དཀྱིལ་འཁོར་ཐམས་ཅད་དུ་ཞུགས་པར་འགྱུར་རོ། །གསང་སྔགས་ཐམས་ཅད་ཀྱང་འགྲུབ་པར་འགྱུར་རོ། །བསྐལ་པ་སྟོང་གི་བར་དུ་
D900.100.0217a04.01ཡང་ངན་འགྲོར་མི་སྐྱེའོ། །མནར་མེད་པར་མི་འགྲོའོ། །སུ་ཞིག་ནང་པར་ལངས་ནས་ཀློག་གམ། ཀློག་ཏུ་འཇུག་གམ། ཁ་ཏོན་དུ་འདོན་ན་མི་དེའི་ལུས་ལ་མཛེ་དང་། ཤུ་བ་དང་གློ་ན་བ་དང་དབུགས་མི་བདེ་བ་ལ་སོགས་པའི་ནད་ཐམས་ཅད་ལས་
D900.100.0217a05.01ཐར་བར་འགྱུར་རོ། །སྐྱེས་སོ་ཅོག་ཏུ་སྐྱེ་བ་དྲན་པར་འགྱུར་རོ། །ལྷའི་བུ་དང་འདྲ་བར་འགྱུར་རོ། །འཆི་བའི་དུས་ཀྱི་ཚེ་ན་ཡང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། །གར་སྐྱེས་གར་གནས་ཀྱང་འཕགས་པ་སྤྱན་རས་གཟིགས་ཀྱི་དབང་
D900.100.0217a06.01ཕྱུག་དང་མི་འབྲལ་བར་འགྱུར་རོ། །རྟག་ཏུ་བཟླས་བརྗོད་བྱས་ན་ཡིད་གཞུངས་པར་འགྱུར་རོ། །སེམས་དཔའ་བར་འགྱུར་རོ། །དབྱངས་སྙན་པར་འགྱུར་རོ། །སྐལ་བ་བཟང་པོར་འགྱུར་རོ། །གཙུག་ལག་ཐམས་ཅད་ལ་མཁས་པར་འགྱུར་རོ། །
D900.100.0217a07.01