完整藏文原文 · 德格版页 当前仅加载第 100 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
རྩ་བ་མཚུངས་པ་མེད་པར་སྐྱེད་པར་འགྱུར་ཞིང་། ངའི་སངས་རྒྱས་ཀྱི་ཞིང་དུ་སྐྱེ་བར་འགྱུར། ཁྱོད་ཀྱིས་དོན་ཡོད་ཞགས་པའི་པདྨའི་གཙུག་ཏོར་གྱི་སྙིང་པོ་དང་། གསང་བའི་དཀྱིལ་འཁོར་དང་། ཕྱག་རྒྱ་ཆེན་པོའི་རིམ་པར་ཕྱེ་བ་འགྲུབ་ཅིང་།
D902.100.0225a01.01རིག་སྔགས་འཆང་ཁྱོད་སྡིག་པ་དང་སྒྲིབ་པ་ཐམས་ཅད་སྤངས་ཀྱིས་བྱ་བ་ཐམས་ཅད་ཀྱིས་ཤིག །ཡིད་ལ་བྱ་བའི་སྒྲུབ་པ་ཐམས་ཅད་ཇི་ལྟར་འདོད་པ་བཞིན་དུ་དེ་དག་ཐམས་ཅད་ཤིན་ཏུ་གྲུབ་པར་འགྱུར་རོ། །ས་ལྔ་བའོ། །ཨོྃ་པདྨ་ལོ་ཀི་ཏེ། གཟུངས་སྔགས་ཡི་གེ་དྲུག་
D902.100.0225a02.01པ་འབུམ་བཟླས་བརྗོད་བྱས་ན་ས་དྲུག་པ་འཐོབ་སྟེ་འཇུག་པར་འགྱུར། དེ་བཞིན་གཤེགས་པ་ཐམས་ཅད་སྣང་བར་མཛད་པར་འགྱུར། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་རྡུལ་ཕྲ་མོ་སྙེད་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་
D902.100.0225a03.01རྫོགས་པའི་སངས་རྒྱས་རྣམས་གཟིགས་ཤིང་མངོན་སུམ་དུ་སྟོན་པར་མཛད། དབུགས་འབྱིན་པར་མཛད་དོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པདྨ་གཟིགས་པའི་རྒྱལ་མཚན་དེས་རིག་སྔགས་འཆང་དེ་ལ་ཡང་དག་པར་
D902.100.0225a04.01དབུགས་འབྱིན་པར་མཛད་དེ། རིག་སྔགས་འཆང་ཁྱོད་ངའི་སངས་རྒྱས་ཀྱི་ཞིང་ནས་བྱང་ཆུབ་སྙིང་པོའི་མཐར་ཐུག་གི་བར་དུ་ཚུར་ཤོག །ལས་བྱས་པ་ཤིན་ཏུ་ཡོངས་སུ་ཟད་ཅིང་། ཁྱོད་ཀྱིས་སེམས་ཅན་དམྱལ་བའི་སྒོ་རྣམས་ནི་བཅད། ཁྱོད་ཀྱིས་སངས་རྒྱས་ཀྱི་ཞིང་
D902.100.0225a05.01ཐམས་ཅད་ཀྱི་སྒོ་རྣམས་ནི་ཕྱེ། ཁྱོད་ཀྱིས་དེ་བཞིན་གཤེགས་པ་རྣམས་ཀྱི་ས་བོན་དང་རིགས་སྤྱི་ནི་ཁོང་དུ་ཆུད། ཁྱོད་ཀྱིས་དོན་ཡོད་པའི་པདྨའི་གཙུག་ཏོར་གྱི་སྙིང་པོ་དང་། གསང་བའི་དཀྱིལ་འཁོར་ནི་གྲུབ། ཁྱོད་ཀྱིས་ཐམས་ཅད་དུ་གནས་ཀྱི་སྒོ་རྣམས་ནི་ཕྱེ་བས།
D902.100.0225a06.01འཇིག་རྟེན་དང་འཇིག་རྟེན་ལས་འདས་པའི་ལས་སྒྲུབ་པ་རྣམས་ཇི་ལྟར་ཡིད་ལ་བྱས་པ་བཞིན་ལས་ཐམས་ཅད་བྱོས་ཤིག །ཨོྃ་པདྨ་ཛྭ་ལ་ཧཱུྃ་དྷྲྀ་ཀ །ཡི་གེ་བདུན་པ་འབུམ་བཟླས་བརྗོད་བྱས་མ་ཐག་ཏུ་ཏིང་ངེ་འཛིན་པདྨ་དྲི་མ་མེད་པ་སྒྲིབ་པ་དང་བྲལ་བ་དག་པ་ཞེས་བྱ་བ་
D902.100.0225a07.01