完整藏文原文 · 德格版页 当前仅加载第 100 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
སོ་ན་ན་སོ་ཤིང་ལ་ལན་ཉི་ཤུ་རྩ་གཅིག་ཡོངས་སུ་བཟླས་ཏེ་བཅའ་བར་བགྱིའོ། །རྣ་བ་ན་ན་རས་བལ་གྱི་ས་བོན་འབྲུ་མར་དང་ལྷན་ཅིག་ཏུ་བསྐོལ་བ་ལ་ལན་བདུན་བཟླས་བརྗོད་བགྱིས་ཏེ་ཟངས་ཀྱི་སྣོད་ཀྱིས་རྣ་བར་བླུགས་པར་བགྱིའོ། །ཀླད་པ་ན་བ་ལ་འབྲུ་མར་རོ། །
D904.100.0230a01.01ལྟོ་ན་བ་ལ་བྱ་བ་པར་བགྱིའོ། །གདོན་གྱིས་བཏབ་པ་ལ་ཚོན་སྐུད་སྣ་ལྔ་ལ་ལན་བརྒྱ་རྩ་བརྒྱད་བཟླས་ཏེ་མགུལ་དུ་གདགས་སོ། །མཁའ་འགྲོ་མའི་གདོན་གྱིས་བཏབ་ན་འབྲུ་མར་ལ་ལན་བདུན་བཟླས་ཏེ་གཤིས་ཐམས་ཅད་དུ་བྱུག་གོ། །ནད་ཐམས་ཅད་ལ་བྱབ་པར་བགྱིའོ། །འདི་
D904.100.0230a02.01ནི་སྒྲུབ་པ་མ་མཆིས་པའི་ཆོ་གའོ། །ཇི་སྟེ་སངས་རྒྱས་དང་། བྱང་ཆུབ་སེམས་དཔའ་མཐོང་བ་དང་། གཟུངས་དང་། ཏིང་ངེ་འཛིན་འཐོབ་པ་དང་། རྫུ་འཕྲུལ་གྱིས་འགྲོ་བ་དང་། མི་སྣང་བར་བགྱི་བ་དང་། མིག་བསྐུ་བ་དང་། ལྡོང་རོས་ལ་སོགས་པ་བསྒྲུབ་པར་འཚལ་ན། དེས་
D904.100.0230a03.01སྐུ་གདུང་དང་བཅས་པའི་མཆོད་རྟེན་དང་སྐུ་གཟུགས་ཀྱི་སྤྱན་སྔར་དཀྱིལ་འཁོར་བགྱིས་ཏེ། བུམ་པ་གང་པ་བརྒྱ་རྩ་བརྒྱད་བཞག་ལ། གདུགས་དང་རྒྱལ་མཚན་དང་བ་དན་བྲེས་ཏེ། མེ་ཏོག་སྣ་ཚོགས་ཀྱིས་ཆལ་པར་བཀང་ལ། ཙནྡན་དང་ཨ་ཀ་རུ་དང་ཀུན་དུ་རུའི་
D904.100.0230a04.01བདུག་པས་བདུགས་ཏེ། མར་མེ་བརྒྱ་རྩ་བརྒྱད་བུད་ཅིང་མཆོད་པ་ཆེན་པོ་བགྱིས་ཏེ། ཚངས་པར་སྤྱོད་པ་གཙང་བས་གོས་གཙང་མ་བགོས་ལ་གཟུངས་ཀྱི་གསང་སྔགས་འདི་དག་གིས་མཚམས་གཅད་པར་བགྱིའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ།
D904.100.0230a05.01བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཏི་ལི་བན་དྷཱ་མི། མི་ལི་བན་དྷཱ་མི། ཙི་ལི་མི་ལི་བན་དྷཱ་མི། སཱི་མི་བན་དྷཱ་མི། བདག་གི་མཚམས་ལས་སུ་ཡང་འདའ་བར་མ་གྱུར་ཅིག་སྭཱ་ཧཱ། ཆུ་ལ་ལན་ཉི་ཤུ་རྩ་གཅིག་ཡོངས་སུ་བཟླས་ཏེ་ཕྱོགས་བཅུར་
D904.100.0230a06.01མཚམས་གཅད་པར་བགྱིའོ། །གང་གིས་འགུགས་པར་འགྱུར་བའི་གཟུངས་འདི་དག་ཀྱང་ཐོག་མར་བརྗོད་པར་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཙི་ལི་ཙི་ལི། མི་ལི་མི་ལི། ཙི་ལེ་ལི། ཨེ་ཧི་
D904.100.0230a07.01