完整藏文原文 · 德格版页 当前仅加载第 100 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
གྲོང་ཁྱེར་མཚམས་གཅད་པར་བྱའོ། །རིག་སྔགས་ཐམས་ཅད་གཅོད་པར་འདོད་པས་སྣ་ཚོགས་པའི་མཚོན་ཆ་ལ་ལན་བདུན་བཟླས་བརྗོད་བྱས་ཏེ་ཆུ་ལ་གཅད་པར་བྱའོ། །སྣོད་སར་པར་ཆུ་བླུགས་ནས་ལན་བདུན་བཟླས་བརྗོད་བྱས་ཏེ། ཁྲུས་བྱས་ན་
D907.100.0238b01.01ལོག་འདྲེན་ཐམས་ཅད་བཅིང་བ་བྱས་པར་འགྱུར་རོ། །མེ་ཏོག་དཀར་པོ་དག་ལ་བཟླས་བརྗོད་བྱས་ཏེ་བསྣུན་ན་དུག་མེད་པར་འགྱུར་རོ། །ནད་ཐམས་ཅད་ལ་ཤིང་ཀ་ར་བཱི་རའི་ལྕུག་མས་བྱབ་པར་བྱ་སྟེ། བདག་བསྲུང་བ་བྱས་ན་གང་དུ་གདོན་གྱི་ཕྱིར་
D907.100.0238b02.01ཡང་ལས་ཐམས་ཅད་བྱའོ། །འཐབ་མོ་དང་། རྩོད་པ་དང་། འགྱེད་པ་དང་། རྒྱལ་པོའི་ཕོ་བྲང་འཁོར་དུ་སྣ་མའི་མེ་ཏོག་གི་འབྲུ་མར་གྱི་ནང་དུ་ཨ་ཏི་མུག་ཏ་ཀ་སྨྱུགས་པའི་ཡམ་སྲེག་ཤིང་ལ་འགྲོ་ལྡིང་བའི་རིག་སྔགས་ཀྱིས་བཏབ་སྟེ་ལན་བཅུ་བཞིར་
D907.100.0238b03.01སྦྱིན་སྲེག་བྱའོ། །འབྱུང་པོ་དབང་དུ་བྱ་བར་འདོད་པས་རའི་འོ་མ་དང་། རའི་མར་དང་། ཤིང་ཨ་པ་མརྒའི་ཡམ་སྲེག་ཤིང་དག་ལ་འགྲོ་ལྡིང་བའི་རིག་སྔགས་བཏབ་སྟེ་ལན་ལྔར་སྦྱིན་སྲེག་བྱའོ། །འགྲོ་བ་ཐམས་ཅད་ཀྱི་ཆེད་དུ་སྦྱིན་སྲེག་བྱ་བར་
D907.100.0238b04.01འདོད་པས་འབྲས་ཐུག་པོ་ཆེ་དང་། བའི་འོ་མ་དང་། རུ་རྟ་དང་། རྒྱམ་ཚ་དང་། ཤིང་ཀ་ར་བཱི་ར་དཀར་པོའི་ཡམ་སྲེག་ཤིང་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ། སྦྱིན་སྲེག་བྱས་ན་སེམས་ཅན་ཐམས་ཅད་ཀྱི་ཆེད་དུ་སྦྱིན་སྲེག་བྱས་པར་
D907.100.0238b05.01འགྱུར་རོ། །རྙེད་པར་བྱ་བའི་དོན་དུ་རུ་རྟ་དང་། འབྲུ་མར་ལས་འགྲོ་ལྡིང་བའི་རིག་སྔགས་ཀྱིས་ལན་བདུན་བཟླས་བརྗོད་བྱས་ཏེ་གདོང་ལ་བསྐུས་ནས་སྨྲས་ན་གང་བསླངས་པ་དེ་ཐོབ་པར་འགྱུར་རོ། །ཐམས་ཅད་དུ་ཡང་དེ་བཞིན་གཤེགས་པའམ། དེ་བཞིན་
D907.100.0238b06.01གཤེགས་པའི་མཆོད་རྟེན་ལ་སྤོས་དང་། ཕྲེང་བ་དང་། བྱུག་པ་དང་། མེ་ཏོག་དང་། བདུག་པ་དང་། ཕྱེ་མ་དང་། བྱུག་པ་རྣམས་ཀྱིས་བྱུག་ཅིང་ཅི་ནུས་ཀྱིས་ལྷ་བཤོས་ཀྱང་དབུལ་བར་བྱ་སྟེ་འདི་དངོས་སུ་གྲུབ་བོ། །བཅོམ་ལྡན་འདས་ཀྱིས་
D907.100.0238b07.01