完整藏文原文 · 德格版页 当前仅加载第 101 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
རུངས་པ་ལ་སོགས་ཏེ། ཀླུ་བྱེ་བ་ཁྲག་ཁྲིག་བརྒྱ་སྟོང་གིས་བཅོམ་ལྡན་འདས་ཀྱི་ཞབས་ལ་མགོ་བོས་གཏུགས་ཏེ་ཕྱག་འཚལ་ནས། ཀླུ་ཐམས་ཅད་ཀྱིས་དུས་ཕྱི་མའི་ཚེ་འཛམ་བུའི་གླིང་གི་སེམས་ཅན་ཐམས་ཅད་ལ་གནོད་པར་མི་བགྱིད། མེ་ཏོག་དང་།
D965.101.0081a01.01འབྲས་བུ་དང་། ལོ་ཏོག་དང་། ལོ་མ་དང་། ཡལ་ག་ཐམས་ཅད་སྲུང་བར་བགྱིད། རླུང་དང་། སེར་བ་ཐམས་ཅད་དགག་པར་བགྱིད། དུས་དུས་སུ་ཆར་དབབ་པར་བགྱིད་པར་རང་གི་བྲོའི་ཚིག་གི་ཡི་དམ་དང་། དེ་བཞིན་གཤེགས་པའི་དམ་ཚིག་རྗེས་སུ་བསྲུང་བར་
D965.101.0081a02.01བགྱིའོ། །སེམས་ཅན་ཐམས་ཅད་ཀྱི་རེ་བ་ཡོངས་སུ་སྐོང་བ་དང་ཡིད་ལ་བསམ་པ་ཡོངས་སུ་རྫོགས་པར་བགྱིད། གནོད་པར་མི་བགྱིད་དོ། །བཅོམ་ལྡན་འདས་ཡོན་ཏན་གྱི་ཁྱད་པར་འདི་དག་ལ་འགལ་བར་བགྱིད་ན། བདག་ཅག་བྱང་ཆུབ་ཏུ་མངོན་པར་རྫོགས་པར་འཚང་རྒྱ་
D965.101.0081a03.01བར་མ་གྱུར་ཅིག །བྲོའི་ཚིག་ཀྱང་འདི་ལགས་ཏེ། ཏདྱ་ཐཱ། ཨོྃ་ཏ་གི་ཙ་གི་གྷུ་ལི་གྷུ་ལི། མུ་ལི་ཤ་ཤ། །གུ་གུ་ཤི་ཏི། བི་ར་མ་ཏི། ཧུ་ཡུ་ཧུ་ཡུ་སྭཱ་ཧཱ། ཆར་ཆེ་བའམ། ཆར་མི་འབབ་པའམ། དུས་མ་ཡིན་པར་ཆར་འབབ་པའམ། རླུང་དང་། སྤྲིན་དང་། སེར་
D965.101.0081a04.01བ་དང་། གྲང་བའི་རླུང་དང་། གནམ་ལྕགས་ལྷུང་བའི་ཚེ་རིག་འཛིན་གྱི་བྲོ་ཚིག་འདི་ཁང་ཐོག་གམ་ས་མཐོན་པོའམ་རིའི་སྟེང་དུ་ཡང་རུང་ཁ་ཤར་ཕྱོགས་སུ་བལྟས་ཏེ་ལན་བདུན་སྐད་ཆེན་པོར་བཟླས་ཡུངས་ཀར་ལ་ལན་བདུན་བཟླས་ཏེ་གྱེན་དུ་གཏོར་ན། གཏོར་མ་ཐག་ཏུ་ཀླུ་ཐམས་
D965.101.0081a05.01ཅད་དུམ་བུར་འགྱུར་ཞིང་ནན་ཏན་བྱས་བས་མྱུར་དུ་ཆར་འབེབས་སོ། །གཟུངས་འདི་ཉིད་ཀྱིས་དྲིལ་བུ་ལ་ལན་ཉི་ཤུ་རྩ་གཅིག་བཟླས་ཏེ་ཡུངས་ཀར་ལ་ལན་ཉི་ཤུ་རྩ་གཅིག་བཟླས་ནས་ནན་ཏུར་དྲག་པོར་བྱས་ཏེ་ཕྱོགས་བཞིར་གཏོར་ན་མཚམས་བཅད་པར་འགྱུར། རྡོ་རྗེ་གནམ་ལྕགས་
D965.101.0081a06.01མཆུ་ལན་བརྒྱད་དུ་བཟླས་པས་ཀླུ་དགུག་པར་བྱ་ལན་ཅིག་དྲན་པས་རླུང་དང་སེར་བ་སླར་བཟློག་པར་བྱའོ། །གནམ་ལྕགས་ལྷུང་ན་ཡང་ཆུར་འགྱུར་རོ། །རྡོ་རྗེ་སྐོར་ན་ཕྱོགས་གང་དུ་བསྐོར་བ་དེར་སེར་བ་འབྱོལ་ལོ། །ནང་བར་སྔར་ས་དབེན་པར་འདུག་སྟེ་སྔགས་འདི་ལན་སུམ་ཅུ་རྩ་གཉིས་
D965.101.0081a07.01