完整藏文原文 · 德格版页 当前仅加载第 101 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་བཱིརྱ་པ་རཱ་ཀྲྀ་ཏ། ད་ར་ཙི། པྲ་མེ་རུ། ཕཊ་ཕཊ་དུ། གཟུངས་འདི་བརྗོད་མ་ཐག་ཏུ་ས་ཆེན་པོ་རྣམས་གཡོ་བར་འགྱུར་རོ། །ཀླུའི་རྒྱལ་པོ་ཆེན་པོ་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་ཅུ་ཁས་སྦུབ་ཏུ་འགྱེལ་ནས་རབ་ཏུ་འདར་ཏེ་བརྒྱལ་ནས་འགྲེ་ལྡོག་
D966.101.0083a01.01ཅིང་ངུའོ། །དེ་ནས་ཀླུའི་རྒྱལ་པོ་རྣམས་ཀྱིས་བཅོམ་ལྡན་འདས་ལ་སྨྲེ་ཞིང་སྔགས་འདིས་ཀླུ་རྣམས་ཤིན་ཏུ་ཚིག་གོ། །མ་རུངས་ལགས་སོ་ཞེས་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། ཀླུའི་རྒྱལ་པོ་རྣམས་ཀྱིས་འཛམ་བུའི་གླིང་གི་སེམས་ཅན་ལ་ཕན་པ་དང་བདེ་བ་
D966.101.0083a02.01དང་ལོ་ལེགས་པ་དང་བསྲུང་བ་དང་བསྐྱབ་པ་དང་ཞིང་རྣམས་ཀྱི་མིག་ཤིན་ཏུ་གང་བར་གྱིས་ཤིག །ལོ་ཏོག་ཕུན་སུམ་ཚོགས་པ་སྒྲུབས་ཤིག །མི་རྣམས་དང་མི་མ་ཡིན་པ་རྣམས་ལ་རྣམ་པར་འཚེ་བར་མ་བྱེད་ཅིག་ཆར་གྱི་རྒྱུན་ཕོབ་ཤིག །འོན་ཀྱང་ཁྱེད་ཀྱིས་ཡུན་རིང་པོའི་བདེ་བ་དང་ཀླུའི་
D966.101.0083a03.01གནོད་པ་ཀུན་དང་བྲལ་བར་འགྱུར་རོ། །རྐང་{མངས་,མང་}ཁྱེད་ཅག་བདེ་ལེགས་ཤོག །རྐང་བཞི་ཁྱེད་ཅག་བདེ་ལེགས་ཤོག །རྐང་གཉིས་ཁྱེད་ཅག་བདེ་ལེགས་ཤོག །རྐང་མེད་ཁྱེད་ཅག་བདེ་ལེགས་ཤོག །ཁྱེད་ཅག་ལམ་འགྲོ་བདེ་ལེགས་ཤོག །ཕྱིར་འོང་རྣམས་ཀྱང་བདེ་ལེགས་ཤོག །
D966.101.0083a04.01ཁྱེད་ཅག་སྡིག་པར་མ་གྱུར་ཅིག །སངས་རྒྱས་ལྷ་རྣམས་སྟོང་དག་གིས། །ཡོངས་སུ་བསྐོར་ཏེ་གཤེགས་མཛད་ཀྱིས། །སྡང་སེམས་ལྡན་པ་རྣམས་བྱེར་ཅིག །སྙིང་རྗེའི་བདག་ཉིད་ཅན་རྣམས་འཁོང་། །གླིང་འདིར་ཆར་ཕོབ་དོན་རྣམས་ཀྱིས། །ས་དང་བར་སྣང་གནས་པ་རྣམས། །སྐྱེ་དགུ་
D966.101.0083a05.01རྣམས་ལ་བྱམས་བྱེད་ཤོག །ཆར་མེད་ཐན་པ་བྱུང་བའི་ཚེ་སྔགས་ཚན་དང་པོ་བརྒྱ་བཟླས་སོ། །བར་མ་ལྔ་བཅུ་བཟླས། ཐ་མ་བདུན་བཟླས་པར་བྱའོ། །སྤྲིན་ལ་བལྟ་ཞིང་བར་པར་སུས་ཀྱང་མ་ཚོར་བར་ཤིབ་བུར་བཟླས་སོ། །གྲངས་ལས་ཐལ་ན་སེར་བར་འགྱུར་བས་སྡིག་ཆེའོ། །ཀླུ་གནད་
D966.101.0083a06.01ལ་གཏད་པ་ཡིན་པས་སྡིག་ཆེའོ། །ལན་གྲངས་ཡང་ཡང་མི་གདབ་བོ། །ཞག་གཅིག་གམ། ཞག་གཉིས་སམ། ཞག་ལྔར་ཆར་གྱི་རྒྱུན་མི་འབབ་མི་སྲིད་དོ། །ཆོས་ཀྱི་རྒྱལ་བོ་རྒ་ཤི་མི་མངའ་བ། །ཀུན་གྱི་སྨོན་ལམ་མྱུར་དུ་འགྲུབ་འགྱུར་ཤོག །བཅོམ་ལྡན་འདས་ཀྱིས་དེ་སྐད་
D966.101.0083a07.01