完整藏文原文 · 德格版页 当前仅加载第 101 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
འཐོབ་པར་འགྱུར་རོ། །ཡང་གང་གིས་བདུན་སྟོང་ཚང་བར་བཏོན་ན་བྱང་ཆུབ་སེམས་དཔའི་ས་དང་པོ་འཐོབ་པར་འགྱུར་རོ། །ཡང་གང་གིས་བརྒྱད་སྟོང་ཚང་བར་བཏོན་ན་བྱང་ཆུབ་སེམས་དཔའ་ས་ལྔ་པ་གནོན་པར་འགྱུར་རོ། །ཡང་གང་གིས་དགུ་སྟོང་ཚང་བར་
D982.101.0107b01.01བཏོན་ན་རིག་སྔགས་དང་གསང་སྔགས་རྣམས་ཀྱི་བདག་པོ་གསང་བ་པའི་ལུས་འཐོབ་པར་འགྱུར་རོ། །ཡང་གང་གིས་ཁྲི་ཚང་བར་བཏོན་ན་བྱང་ཆུབ་སེམས་དཔའི་ས་བརྒྱད་པ་མི་གཡོ་བ་གནོན་པར་འགྱུར་རོ། །ཡང་གང་གིས་ཉི་ཁྲི་ཚང་བར་བཏོན་ན་བླ་ན་མེད་པ་ཡང་དག་
D982.101.0107b02.01པར་རྫོགས་པའི་སངས་རྒྱས་ཀྱི་སྐུ་འཐོབ་པར་འགྱུར་ཏེ། སེང་གེའི་སྒྲ་ཆེན་པོ་སྒྲོགས་པར་འགྱུར་རོ། །ཡང་གང་ལ་ལ་ཞིག་གིས་ཕ་མའི་དོན་གྱི་ཕྱིར་བསོད་ནམས་ཀྱི་ལས་བྱ་བར་འདོད་ན། མཆོད་རྟེན་རྙིང་པ་རིང་བསྲེལ་ཅན་ཞིག་རལ་དུ་གྱུར་པ་གསོས་ལ་བཅོས་ལེགས་
D982.101.0107b03.01བྱས་ཏེ། གཡས་ཕྱོགས་སུ་བསྐོར་བ་བྱེད་ཅིང་སྔགས་ལན་བརྒྱ་རྩ་བརྒྱད་ཚང་གི་བར་དུ་བསྐོར་བ་བྱས་ན་བསམ་པ་ཐམས་ཅད་ཡིད་བཞིན་དུ་འགྲུབ་པར་འགྱུར་རོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་ལ་ལེགས་སོ་
D982.101.0107b04.01ཞེས་བྱ་བ་བྱིན་ཏེ། ལེགས་སོ་ལེགས་སོ། །རིགས་ཀྱི་བུ་ཁྱོད་ཀྱིས་ངའི་གྲོགས་བྱས་ཏེ། དེ་བཞིན་གཤེགས་པའི་གསང་སྔགས་ཀྱི་ཆོ་ག་ཚུལ་བཞིན་དུ་བཤད་པ་དེ་ཁོ་ན་བཞིན་ནོ། །དེ་ནས་གནོད་སྦྱིན་ཐམས་ཅད་ཀྱི་རྒྱལ་པོ་གསང་བ་བའི་བདག་པོས་བཅོམ་
D982.101.0107b05.01ལྡན་འདས་ལ་གསོལ་པ། བཅོམ་ལྡན་འདས་ཀྱིས་གསང་སྔགས་ཀྱི་རྒྱལ་པོ། གསང་སྔགས་ཀྱི་ཆོ་ག་འདི་དག་དེ་བཞིན་གཤེགས་པ་རྣམས་དང་འདྲ་བ། དེ་བཞིན་གཤེགས་པའི་ཆོས་ཀྱི་སྐུ་ལས་བྱུང་བ་ལགས་ན། བཅོམ་ལྡན་འདས་སྙིང་པོ་དམ་པ་འདི་དག་
D982.101.0107b06.01འཛམ་བུའི་གླིང་ན་གནས་པའི་སེམས་ཅན་རྣམས་ཀྱི་ལས་ཀྱི་སྒྲིབ་པ་དང་། སྡིག་པ་ཐམས་ཅད་བསལ་ནས་དེ་ཕྱིན་ཅད་བཅོམ་ལྡན་འདས་ཀྱི་བསྟན་པ་ལ་འཇུག་པར་འགྱུར་རོ། །དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་གསང་བ་པའི་བདག་
D982.101.0107b07.01