完整藏文原文 · 德格版页 当前仅加载第 101 函德格 145b 版页；藏文 NFD、目录标记与异常页序保留在来源切片中，重复版页行以稳定序号区分。
དྲིང་ལ་མི་འཇོག་ཅིང་རང་གི་ཆོས་ལ་ཞུགས་སོ། །སངས་རྒྱས་ལ་ལྷག་པར་བྱ་བ་བྱས་པའོ། །རིགས་པའི་ཆོ་ག་ལ་ཞུགས་པའོ། །ལེགས་པར་གནས་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་མི་ཆགས་སོ། །མི་འཆང་ངོ་། །མི་འགྲོལ་ལོ། །
D991.101.0145b01.01ལེགས་པར་གནས་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་མི་ཆགས། མི་འཆད། མི་འགྲོལ་བ་དེའི་ཚེ་སངས་རྒྱས་ཀྱི་རིགས་དང་། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་རིག་སྔགས་ཀྱི་མིང་
D991.101.0145b02.01གཞན་གྱི་གསང་སྔགས་ཀྱི་གཞི་རྣམས་ཀྱིས་དབྱིག་དང་ལྡན་པའི་གཟུངས་འཐོབ་བོ། །ཏདྱ་ཐཱ། ཀུ་ཊི་ཀུ་ཊི། ཀུ་ཙ་ལ། ཨེ་ལཱ་ཨི་མི་རི་ཏོ། ཀོ་ཐཱ་ལ། ཨི་རེ་རི། ཨི་མི་རི་ཎི། ལེགས་པར་གནས་འདི་དག་ནི་འདས་པའི་སངས་རྒྱས་བཅོམ་ལྡན་འདས་ཀྱི་རིག་སྔགས་ཀྱི་
D991.101.0145b03.01མིང་གཞན་ནོ། །མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་ཀྱི་རིག་སྔགས་ཀྱི་མིང་གཞན་ནོ། །ལེགས་པར་གནས་དབྱིག་དང་ལྡན་པའི་གཟུངས་འདི་ནི་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་
D991.101.0145b04.01ཡུམ་མོ། །དེ་ཅིའི་ཕྱིར་ཞེ་ན། འདས་པའི་དོན་ལ་མི་གནས་མ་འོངས་པ་དང་། ད་ལྟར་བྱུང་བའི་དོན་ལ་མི་གནས་པའི་ཕྱིར་རོ། །ལེགས་པར་གནས་བྱང་ཆུབ་སེམས་དཔའ་སེམས་དཔའ་ཆེན་པོ་གང་ལ་ལ་དབྱིག་དང་ལྡན་པའི་གཟུངས་འདི་འཛིན་པ་དེས་སངས་རྒྱས་
D991.101.0145b05.01བཅོམ་ལྡན་འདས་གྲངས་མེད་པ་ལ་མཆོད་པ་དང་བསྙེན་བཀུར་བྱས་པ་ཡིན་ནོ། །སངས་རྒྱས་བཅོམ་ལྡན་འདས་གྲངས་མེད་པ་དག་གིས་བསྒྲགས་པ་དང་། ཁོང་དུ་ཆུད་པར་བྱས་པ་ཡིན་ནོ། །སངས་རྒྱས་བཅོམ་ལྡན་འདས་གྲངས་མེད་པ་དག་གིས་བླ་ན་མེད་པ་
D991.101.0145b06.01ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་ཡིན་ནོ། །ལེགས་པར་གནས་དབྱིག་དང་ལྡན་པའི་གཟུངས་འདི་འཛིན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་འདི་སྙམ་དུ་བདག་གིས་སངས་རྒྱས་བཅོམ་ལྡན་འདས་གྲངས་མེད་པ་དག་འདི་ལྟ་སྟེ། སངས་
D991.101.0145b07.01