完整藏文原文 · 德格版页 当前仅加载第 101 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་རྣམས་ཀྱི་བདག་པོ་བརྒྱ་བྱིན་དང་། མི་མཇེད་ཀྱི་བདག་པོ་ཚངས་པ་ཡང་རྗེས་སུ་ཡི་རང་ངོ་། །ཀུན་དགའ་བོ་གང་གིས་རིག་སྔགས་འདི་དུས་གསུམ་དུ་བརྗོད་ན་དེ་ལ་ཐིབས་པོར་འགྱུར་བའམ། རབ་རིབ་བམ། ལིང་ཏོག་གམ། མིག་ནད་སྔོན་པོར་མཐོང་བའམ། མིག་
D1008.101.0177b01.01གི་ཡུལ་གྱི་སྐྱོན་ལྷ་ལས་གྱུར་པ་རྣམས་སམ། ཀླུ་ལས་གྱུར་པ་རྣམས་སམ། དྲི་ཟ་ལས་གྱུར་པ་རྣམས་སམ། གནོད་སྦྱིན་ལས་གྱུར་པ་རྣམས་སམ། སྲིན་པོ་ལས་གྱུར་པ་རྣམས་སམ། ཤ་ཟ་ལས་གྱུར་པ་རྣམས་སམ། བྱད་ལས་གྱུར་པ་རྣམས་སམ། རོ་ལངས་
D1008.101.0177b02.01ལས་གྱུར་པ་རྣམས་སམ། རོ་ལངས་དང་བྱད་ལས་གྱུར་པ་རྣམས་སམ། ཀུན་དུ་རྒྱུ་ལས་གྱུར་པ་རྣམས་སམ། ཀུན་དུ་རྒྱུ་དང་རོ་ལངས་ལས་གྱུར་པ་རྣམས་ཀྱིས་ཚུགས་པར་འགྱུར་བ་ནི་ལྷ་དང་བཅས་པ་དང་། བདུད་དང་བཅས་པ་དང་། ཚངས་པ་དང་བཅས་པ་དང་། དགེ་
D1008.101.0177b03.01སྦྱོང་དང་བྲམ་ཟེར་བཅས་པ་དང་། ལྷ་དང་། མི་དང་། ལྷ་མ་ཡིན་དུ་བཅས་པའི་སྐྱེ་དགུའི་འཇིག་རྟེན་ན་ངས་མ་མཐོང་སྟེ། དེ་ནི་གནས་མེད་དོ། །ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏེ། བཅོམ་ལྡན་འདས་དེ་བཞིན་ནོ་ཞེས་གསོལ་ནས། གསང་
D1008.101.0177b04.01སྔགས་ཀྱི་གཞི་འདི་རྣམས་བཟུང་སྟེ་ཀུན་ཆུབ་པར་བྱས་ནས་ཤཱཀྱ་བདེ་བ་ག་ལ་བ་དེར་སོང་སྟེ། བདེ་བ་མིག་རྣམ་པར་སྦྱོང་བའི་གསང་སྔགས་ཀྱི་གཞི་འདི་དག་དེ་བཞིན་གཤེགས་པས་ཁྱོད་ལ་བསྐུར་གྱིས་ཉིན་རེ་ཞིང་དུས་གསུམ་དུ་དྲན་པར་གྱིས་ཤིག་ཅེས་དེ་ལ་རྒྱས་པར་སྨྲས་སོ། །
D1008.101.0177b05.01ཤཱཀྱ་བདེ་བས་ཐོས་མ་ཐག་ཁོ་ནར་མིག་རྣམ་པར་དག་སྟེ། མིག་རྣམ་པར་དག་པས་དྲི་མ་མེད་པའི་མིག་གིས་ཐམས་ཅད་མཐོང་ངོ་། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། ཤཱཀྱ་བདེ་བ་དང་། ལྷ་དང་བཅས་པའི་
D1008.101.0177b06.01འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།འཕགས་པ་མིག་རྣམ་པར་སྦྱོང་བ་ཞེས་བྱ་བའི་རིག་སྔགས་རྫོགས་{སྷོ,སོ}།། །།
D1008.101.0177b07.01