完整藏文原文 · 德格版页 当前仅加载第 101 函德格 220b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་ཐམས་ཅད་ཀྱི་སྡོང་པོ་ཡལ་གའི་རྒྱན་གྱི་གདུགས་རྒྱ་མཚོ་སྤྲིན་རྣམས་དང་། ཉི་མ་རྣམ་པར་སྣང་བར་བྱེད་པའི་འོད་འཕྲོ་བའི་ནོར་བུའི་རྒྱལ་པོ་དང་། སྤོས་དང་། བདུག་པ་ཐམས་ཅད་ཀྱི་གདུགས་རྒྱ་མཚོ་སྤྲིན་རྣམས་དང་། ཙནྡན་གྱི་ཕྱེ་མའི་མཛོད་ཀུན་ཏུ་རྒྱས་པར་འགེངས་པའི་
D1063.101.0220b01.01གདུགས་རྒྱ་མཚོ་སྤྲིན་རྣམས་དང་། སངས་རྒྱས་ཀྱི་ཡུལ་ཆེན་པོ་སྣང་བར་བྱེད་པའི་ཀུན་ཏུ་བཀོད་པ་རྒྱས་པར་འགེངས་པའི་གདུགས་རྒྱ་མཚོ་སྤྲིན་མ་འདྲེས་པ་རྣམས་ཀྱིས་སངས་རྒྱས་དང་། བྱང་ཆུབ་སེམས་དཔའ་རྒྱ་མཚོ་ཐམས་ཅད་ལ་བསྟི་སྟང་དུ་བྱའོ། །བླ་མར་བྱའོ། །
D1063.101.0220b02.01རི་མོར་བྱའོ། །མཆོད་པར་བྱའོ། །རིན་པོ་ཆེ་ཐམས་ཅད་སྣང་བའི་དཀྱིལ་འཁོར་རྒྱ་མཚོ་སྤྲིན་རྣམས་དང་། རིན་པོ་ཆེ་འོད་འཕྲོ་བ་ཐམས་ཅད་ཀྱི་གཟུགས་ཀྱི་འོད་ཀྱི་དཀྱིལ་འཁོར་རྒྱ་མཚོ་སྤྲིན་མ་འདྲེས་པ་རྣམས་དང་། མེ་ཏོག་གི་སྤྲིན་སྣང་བར་བྱེད་པའི་འོད་ཀྱི་དཀྱིལ་
D1063.101.0220b03.01འཁོར་རྒྱ་མཚོ་སྤྲིན་རྣམས་དང་། རིན་པོ་ཆེ་ཐམས་ཅད་ཀྱི་འོད་ཟེར་སངས་རྒྱས་ཀྱི་སྤྲུལ་པའི་འོད་ཀྱི་དཀྱིལ་འཁོར་དང་ལྡན་པ་རྒྱ་མཚོ་སྤྲིན་རྣམས་དང་། སངས་རྒྱས་ཀྱི་ཞིང་ཐམས་ཅད་སྣང་བར་གཏོགས་པའི་འོད་ཀྱི་དཀྱིལ་འཁོར་རྒྱ་མཚོ་སྤྲིན་རྣམས་དང་། ཀུན་ནས་སྒོ་སངས་
D1063.101.0220b04.01རྒྱས་ཀྱི་ཡུལ་སྒྲོགས་པ་རིན་པོ་ཆེའི་ཡལ་གའི་འོད་ཀྱི་དཀྱིལ་འཁོར་རྒྱ་མཚོ་སྤྲིན་རྣམས་དང་། བཻ་ཌཱུརྱ་དང་། རིན་པོ་ཆེའི་རིགས་དང་། ནོར་བུ་རིན་པོ་ཆེའི་རིགས་དང་། ནོར་བུའི་རྒྱལ་པོ་ཐམས་ཅད་ཀྱི་འོད་ཟེར་གྱི་འོད་ཀྱི་དཀྱིལ་འཁོར་རྒྱ་མཚོ་སྤྲིན་རྣམས་དང་། སེམས་
D1063.101.0220b05.01ཅན་གྱི་གཟུགས་མཐའ་ཡས་པ་དག་སེམས་ཀྱི་སྐད་ཅིག་ལ་ཀུན་ཏུ་སྟོན་པའི་འོད་ཀྱི་དཀྱིལ་འཁོར་རྒྱ་མཚོ་སྤྲིན་རྣམས་དང་། སངས་རྒྱས་ཐམས་ཅད་ཀྱི་སྨོན་ལམ་ལས་བྱུང་བ་ཡིད་དུ་འོང་བའི་སྒྲ་རབ་ཏུ་འབྱིན་པ་དང་ལྡན་པའི་འོད་ཀྱི་དཀྱིལ་འཁོར་རྒྱ་མཚོ་སྤྲིན་རྣམས་དང་།
D1063.101.0220b06.01འཁོར་གྱི་དཀྱིལ་འཁོར་ཐམས་ཅད་དུ་སེམས་ཅན་འདུལ་བའི་དབྱངས་ཅན་ནོར་བུའི་རྒྱལ་པོ་འོད་ཀྱི་དཀྱིལ་འཁོར་རྒྱ་མཚོ་སྤྲིན་རྣམས་ཀྱིས་སངས་རྒྱས་དང་། བྱང་ཆུབ་སེམས་དཔའ་རྒྱ་མཚོ་ཐམས་ཅད་ལ་བསྟི་སྟང་དུ་བྱའོ། །བླ་མར་བྱའོ། །རི་མོར་བྱའོ། །མཆོད་པར་བྱའོ། །
D1063.101.0220b07.01