完整藏文原文 · 德格版页 当前仅加载第 101 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ནི་ཉུང་། སྡུག་བསྔལ་བ་ནི་མང་། བླ་མའི་བཅས་བཀའ་དང་ནན་ཏུར་ནི་ཕྱིར་ཞིང་ཕྱུང་། འོག་མ་ནི་སྡུག་བསྔལ་བརྒྱད་ལས་ཐར་མི་མྱོང་། ཆོས་མ་ཡིན་པ་ལ་ནི་ཡིན་ཞེས་ཟེར་ཏེ། ལོག་པར་ལྟ་བའི་སླད་དུ་སེམས་ཅན་མང་པོ་ཚེ་ཐུང་ཞིང་ཡེ་འདྲོག་
D1067.101.0236a01.01གིས་འགུམ་པ་དང་། སྡུག་བསྔལ་མང་པོ་ལས་ཐར་བར་བགྱི་ཞིང་ཕོངས་པ་རྣམས་བཟློག་པར་ཅི་གནང་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཐོགས་པ་མེད་པ་དགེའོ་དགེའོ། །བྱང་ཆུབ་སེམས་དཔའ་ཁྱོད་ཀྱིས་སེམས་ཅན་མང་པོ་ལ་ཕན་པ་དང་།
D1067.101.0236a02.01སྙིང་རྗེའི་ཕྱིར་ཞུས་པ་ངས་བཤད་ཀྱིས་ཉོན་ཅིག །སྔོན་གྱི་སངས་རྒྱས་མང་པོས་ཀྱང་བཤད་པ་ཡིན་ནོ། །ད་ལྟར་ངས་ཀྱང་བཤད་ཀྱིས་ཉོན་ཅིག །མ་འོངས་པའི་སངས་རྒྱས་རྣམས་ཀྱིས་ཀྱང་བཤད་པའི་རིགས་སོ། །ཡང་སེམས་ཅན་གྱི་ནང་ན་མི་ལས་བཙུན་པ་མེད་
D1067.101.0236a03.01དེ། མིའི་ལུས་ཐོབ་ན་ཡང་ལེགས་པའི་དཔལ་ནི་སྤྱོད་མི་ནུས། ཡང་དག་པའི་ལྟ་བ་ལས་ནི་འགལ། སྒྱུ་དང་ལྷ་མ་ཡིན་ལ་སོགས་པ་ནི་སྡིག་པའི་རྣམ་པ་མང་པོས་བྱས་པས་སྣང་བརྒྱད་འདི་ཡི་དམ་དུ་བྱས་ཏེ་བཏོན་ན། དེའི་སྡིག་པ་དང་མི་དགེ་བའི་ལས་ཐམས་ཅད་ལས་ཐར་
D1067.101.0236a04.01བར་འགྱུར་རོ། །ཚེ་འཕེལ་ཞིང་ཡེ་འདྲོག་གིས་མི་ཚུགས་པར་འགྱུར་ཏེ། ཡོན་ཏན་དང་ལྡན་པར་འགྱུར་རོ། །ཚེ་ཟད་ན་ཡང་དགྲ་བཅོམ་པའི་འབྲས་བུ་ཐོབ་པར་འགྱུར་རོ། །མི་ལ་ལ་ཞིག་ལེགས་པའི་ཆོས་མི་སྤྱོད་པས་ནད་མང་པོ་དང་། ལྟས་ངན་སྣ་ཚོགས་འབྱུང་སྟེ།
D1067.101.0236a05.01ཤིན་ཏུ་སྡུག་བསྔལ་ཆེ་བ་ལས་དགེ་བའི་བཤེས་གཉེན་དང་ཕྲད་དེ། སྣང་བརྒྱད་འདི་ལན་གསུམ་བཀླགས་ན་ནད་མང་པོ་ཡང་སོས། ལྟས་ངན་སྣ་ཚོགས་ཀྱིས་ཀྱང་མི་སྡིག་གོ། །མཚམས་མེད་པ་ལྔའི་སྡིག་པ་ཡང་འབྱུང་པར་འགྱུར་རོ། །བྱམས་པ་དང་། སྙིང་རྗེ་དང་།
D1067.101.0236a06.01དགའ་བ་དང་། བཏང་སྙོམས་དང་། སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཀྱང་ཐོབ་པར་འགྱུར་རོ། །གང་ལ་ལ་ཞིག་ཕོ་སྨོས་མཚུངས་ཏེ། མཁར་ལན་ཞིག་གཡོ་བར་སེམས་ན་སྣང་བརྒྱད་ཀྱི་ཡི་གེ་འདི་ལན་གསུམ་བཀླགས་ན་རྩིག་པ་སློང་བ་དང་། སྒོ་གདོད་པ་དང་།
D1067.101.0236a07.01