完整藏文原文 · 德格版页 当前仅加载第 101 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །དེའི་ཚེ་དཔལ་ལྷ་མོ་ནག་མོ་ཆེན་མོ་ཡང་བཅོམ་ལྡན་འདས་ཀྱི་ཐད་དུ་སོང་སྟེ། ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་སྤྱན་སྔར་ཕྱོགས་གཅིག་ཏུ་འདུག་གོ། །དེ་ནས་བྱང་ཆུབ་སེམས་དཔའ་སེང་གེ་བརྩོན་འགྲུས་ཀྱིས་བཅོམ་ལྡན་འདས་ལ་འདི་སྐད་
D1088.101.0253b01.01ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སྲིན་མོའི་ཆ་ལུགས་ཀྱིས་འཇིག་རྟེན་པའི་དོན་མཛད་པའི་མཚན་གྱི་རྣམ་གྲངས་ཇི་ལྟ་བུ་ལགས་ཞེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེང་གེ་བརྩོན་འགྲུས་ལ་དགོངས་ནས་
D1088.101.0253b02.01དཔལ་ལྷ་མོ་ནག་མོ་ལ་གཟིགས་ཏེ་འདི་སྐད་ཅེས་གསུངས་སོ། །ཐོས་བསམ་བསྒོམ་ལ་ཆེར་གནས་པའི། །རྒྱུ་འབྲས་རྐྱེན་གྱི་བདག་ཉིད་ཅན། །འགྲོ་ལ་ཕན་མཛད་མཁས་པའི་མཆོག །དཔལ་ལྡན་ལྷ་མོ་ནག་མོ་འཕགས། །བྱང་ཆུབ་སེམས་དཔའ་སྤྲུལ་
D1088.101.0253b03.01པ་སྟེ། །ས་ལྟར་བརྟེན་པའི་གཞིར་གྱུར་པ། །ཡོན་ཏན་སྡུད་བྱེད་ཆུ་དང་འདྲ། །བྱང་ཆུབ་སྨིན་བྱེད་མེ་ལྟ་བུ། །དགེ་བའི་འདུ་བྱེད་རླུང་ལྟར་གཡོ། །ཤེས་རབ་རྣམ་དག་ནམ་མཁའ་སྟེ། །ཁྱོད་ནི་འབྱུང་བ་ཆེན་པོ་འདྲ། །འབྱུང་པོ་ཕལ་ཆེན་རྣམས་ཀྱིས་བསྟོད། །
D1088.101.0253b04.01བསོད་ནམས་ཡེ་ཤེས་རབ་བསགས་པའི། །ལས་དང་རྣམ་སྨིན་དག་ལ་མཁས། །ང་རྒྱལ་གཟུགས་ཀྱིས་འདུལ་བ་གོམས། །ཤེས་རབ་སྙིང་རྗེའི་ལམ་དུ་འགྲོ། །ཁྱོད་ནི་བུམ་པ་བཟང་ལྟ་བུ། །དཔེར་ན་ཡིད་བཞིན་ནོར་བུའི་ཆུ། །ཀུན་ལ་ཕན་པའི་དཔག་བསམ་ཤིང་། །
D1088.101.0253b05.01ཉི་མ་འདྲ་བར་ཁྱོད་ལ་གསལ། །ཟླ་ལྟར་གསལ་བའི་ཐུགས་མངའ་ཞིང་། །མིང་ནི་རི་བོང་རྭ་དང་འདྲ། །རང་གི་རྒྱུད་ནི་འཁོར་ལོ་འདྲ། །ཨུ་དུམ་བཱ་ར་ལྟར་ཁྱོད་དཀོན་ཡང་། །བདུད་རྩི་ལྟ་བུར་ཡོངས་ཚིམ་མཛད། །འགྲོ་བ་ཀུན་གྱི་བདག་མོ་ལགས། །རང་བཞིན་
D1088.101.0253b06.01མེད་པའི་ཆོས་ཀྱང་སྟོན། །ཆུ་དང་ནམ་མཁའི་ཚུབ་མ་ལྟར། །གདུལ་བྱའི་སྲིད་གསུམ་ཅིས་ཀྱང་འདུལ། །དུས་གསུམ་རྒྱལ་བའི་བསྟན་པ་སྐྱོང་། །དམ་པ་རྣམས་དང་ཡང་དག་གཅིག །དམ་པ་རྣམས་ཀྱི་ལམ་དུ་འགྲོ། །ལྷ་མོ་མ་མོ་གནོད་སྦྱིན་མོ། །སྲིན་མོ་
D1088.101.0253b07.01