foxue.ai全球佛学交流 AI 平台
经藏/Mahāpadānasutta

上座部佛教

长部第 14 经

Mahāpadānasutta · Mahāsaṅgīti Tipiṭaka Buddhavasse 2500

完整原文 · 原生段落SuttaCentral DN14

完整巴利原文 · 稳定分页　当前仅加载第 7 阅读页；保留 Bilara 原生段落标识，每页最多 120 段。

3.25.3

‘evametaṁ, bhagavā, evametaṁ, sugata.

dn14:3.25.3
3.25.4

Mahā kho, bhante, etarahi bhikkhusaṅgho bandhumatiyā rājadhāniyā paṭivasati aṭṭhasaṭṭhibhikkhusatasahassaṁ.

dn14:3.25.4
3.25.5

Anujānātu, bhante, bhagavā bhikkhū—

dn14:3.25.5
3.25.6

caratha, bhikkhave, cārikaṁ bahujanahitāya bahujanasukhāya lokānukampāya atthāya hitāya sukhāya devamanussānaṁ;

dn14:3.25.6
3.25.7

mā ekena dve agamittha;

dn14:3.25.7
3.25.8

desetha, bhikkhave, dhammaṁ …pe…

dn14:3.25.8
3.25.9

santi sattā apparajakkhajātikā, assavanatā dhammassa parihāyanti, bhavissanti dhammassa aññātāroti.

dn14:3.25.9
3.25.10

Api ca, bhante, mayaṁ tathā karissāma, yathā bhikkhū channaṁ channaṁ vassānaṁ accayena bandhumatiṁ rājadhāniṁ upasaṅkamissanti pātimokkhuddesāyā’ti.

dn14:3.25.10
3.25.11

Idamavoca, bhikkhave, so mahābrahmā.

dn14:3.25.11
3.25.12

Idaṁ vatvā maṁ abhivādetvā padakkhiṇaṁ katvā tattheva antaradhāyi.

dn14:3.25.12
3.26.1

‘Anujānāmi, bhikkhave, caratha cārikaṁ bahujanahitāya bahujanasukhāya lokānukampāya atthāya hitāya sukhāya devamanussānaṁ;

dn14:3.26.1
3.26.2

mā ekena dve agamittha;

dn14:3.26.2
3.26.3

desetha, bhikkhave, dhammaṁ ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ pakāsetha.

dn14:3.26.3
3.26.4

Santi sattā apparajakkhajātikā, assavanatā dhammassa parihāyanti,

dn14:3.26.4
3.26.5

bhavissanti dhammassa aññātāro.

dn14:3.26.5
3.26.6

Api ca, bhikkhave, channaṁ channaṁ vassānaṁ accayena bandhumatī rājadhānī upasaṅkamitabbā pātimokkhuddesāyā’ti.

dn14:3.26.6
3.26.7

Atha kho, bhikkhave, bhikkhū yebhuyyena ekāheneva janapadacārikaṁ pakkamiṁsu.

dn14:3.26.7
3.27.1

Tena kho pana samayena jambudīpe caturāsīti āvāsasahassāni honti.

dn14:3.27.1
3.27.2

Ekamhi hi vasse nikkhante devatā saddamanussāvesuṁ:

dn14:3.27.2
3.27.3

‘nikkhantaṁ kho, mārisā, ekaṁ vassaṁ;

dn14:3.27.3
3.27.4

pañca dāni vassāni sesāni;

dn14:3.27.4
3.27.5

pañcannaṁ vassānaṁ accayena bandhumatī rājadhānī upasaṅkamitabbā pātimokkhuddesāyā’ti.

dn14:3.27.5
3.27.6

Dvīsu vassesu nikkhantesu …

dn14:3.27.6
3.27.7

tīsu vassesu nikkhantesu …

dn14:3.27.7
3.27.8

catūsu vassesu nikkhantesu …

dn14:3.27.8
3.27.9

pañcasu vassesu nikkhantesu devatā saddamanussāvesuṁ:

dn14:3.27.9
3.27.10

‘nikkhantāni kho, mārisā, pañcavassāni;

dn14:3.27.10
3.27.11

ekaṁ dāni vassaṁ sesaṁ;

dn14:3.27.11
3.27.12

ekassa vassassa accayena bandhumatī rājadhānī upasaṅkamitabbā pātimokkhuddesāyā’ti.

dn14:3.27.12
3.27.13

Chasu vassesu nikkhantesu devatā saddamanussāvesuṁ:

dn14:3.27.13
3.27.14

‘nikkhantāni kho, mārisā, chabbassāni,

dn14:3.27.14
3.27.15

samayo dāni bandhumatiṁ rājadhāniṁ upasaṅkamituṁ pātimokkhuddesāyā’ti.

dn14:3.27.15
3.27.16

Atha kho te, bhikkhave, bhikkhū appekacce sakena iddhānubhāvena appekacce devatānaṁ iddhānubhāvena ekāheneva bandhumatiṁ rājadhāniṁ upasaṅkamiṁsu pātimokkhuddesāyāti.

dn14:3.27.16
3.28.1

Tatra sudaṁ, bhikkhave, vipassī bhagavā arahaṁ sammāsambuddho bhikkhusaṅghe evaṁ pātimokkhaṁ uddisati:

dn14:3.28.1
3.28.2

‘Khantī paramaṁ tapo titikkhā,

dn14:3.28.2
3.28.3

Nibbānaṁ paramaṁ vadanti buddhā;

dn14:3.28.3
3.28.4

Na hi pabbajito parūpaghātī,

dn14:3.28.4
3.28.5

Na samaṇo hoti paraṁ viheṭhayanto.

dn14:3.28.5
3.28.6

Sabbapāpassa akaraṇaṁ,

dn14:3.28.6
3.28.7

kusalassa upasampadā;

dn14:3.28.7
3.28.8

Sacittapariyodapanaṁ,

dn14:3.28.8
3.28.9

etaṁ buddhānasāsanaṁ.

dn14:3.28.9
3.28.10

Anūpavādo anūpaghāto,

dn14:3.28.10
3.28.11

Pātimokkhe ca saṁvaro;

dn14:3.28.11
3.28.12

Mattaññutā ca bhattasmiṁ,

dn14:3.28.12
3.28.13

Pantañca sayanāsanaṁ;

dn14:3.28.13
3.28.14

Adhicitte ca āyogo,

dn14:3.28.14
3.28.15

Etaṁ buddhānasāsanan’ti.

dn14:3.28.15
3.29.0

17. Devatārocana

dn14:3.29.0
3.29.1

Ekamidāhaṁ, bhikkhave, samayaṁ ukkaṭṭhāyaṁ viharāmi subhagavane sālarājamūle.

dn14:3.29.1
3.29.2

Tassa mayhaṁ, bhikkhave, rahogatassa paṭisallīnassa evaṁ cetaso parivitakko udapādi:

dn14:3.29.2
3.29.3

‘na kho so sattāvāso sulabharūpo, yo mayā anāvutthapubbo iminā dīghena addhunā aññatra suddhāvāsehi devehi.

dn14:3.29.3
3.29.4

Yannūnāhaṁ yena suddhāvāsā devā tenupasaṅkameyyan’ti.

dn14:3.29.4
3.29.5

Atha khvāhaṁ, bhikkhave, seyyathāpi nāma balavā puriso samiñjitaṁ vā bāhaṁ pasāreyya, pasāritaṁ vā bāhaṁ samiñjeyya; evameva—ukkaṭṭhāyaṁ subhagavane sālarājamūle antarahito avihesu devesu pāturahosiṁ.

dn14:3.29.5
3.29.6

Tasmiṁ, bhikkhave, devanikāye anekāni devatāsahassāni anekāni devatāsatasahassāni yenāhaṁ tenupasaṅkamiṁsu; upasaṅkamitvā maṁ abhivādetvā ekamantaṁ aṭṭhaṁsu. Ekamantaṁ ṭhitā kho, bhikkhave, tā devatā maṁ etadavocuṁ:

dn14:3.29.6
3.29.7

‘ito so, mārisā, ekanavutikappe yaṁ vipassī bhagavā arahaṁ sammāsambuddho loke udapādi.

dn14:3.29.7
3.29.8

Vipassī, mārisā, bhagavā arahaṁ sammāsambuddho khattiyo jātiyā ahosi, khattiyakule udapādi.

dn14:3.29.8
3.29.9

Vipassī, mārisā, bhagavā arahaṁ sammāsambuddho koṇḍañño gottena ahosi.

dn14:3.29.9
3.29.10

Vipassissa, mārisā, bhagavato arahato sammāsambuddhassa asītivassasahassāni āyuppamāṇaṁ ahosi.

dn14:3.29.10
3.29.11

Vipassī, mārisā, bhagavā arahaṁ sammāsambuddho pāṭaliyā mūle abhisambuddho.

dn14:3.29.11
3.29.12

Vipassissa, mārisā, bhagavato arahato sammāsambuddhassa khaṇḍatissaṁ nāma sāvakayugaṁ ahosi aggaṁ bhaddayugaṁ.

dn14:3.29.12
3.29.13

Vipassissa, mārisā, bhagavato arahato sammāsambuddhassa tayo sāvakānaṁ sannipātā ahesuṁ. Eko sāvakānaṁ sannipāto ahosi aṭṭhasaṭṭhibhikkhusatasahassaṁ. Eko sāvakānaṁ sannipāto ahosi bhikkhusatasahassaṁ. Eko sāvakānaṁ sannipāto ahosi asītibhikkhusahassāni. Vipassissa, mārisā, bhagavato arahato sammāsambuddhassa ime tayo sāvakānaṁ sannipātā ahesuṁ sabbesaṁyeva khīṇāsavānaṁ.

dn14:3.29.13
3.29.14

Vipassissa, mārisā, bhagavato arahato sammāsambuddhassa asoko nāma bhikkhu upaṭṭhāko ahosi aggupaṭṭhāko.

dn14:3.29.14
3.29.15

Vipassissa, mārisā, bhagavato arahato sammāsambuddhassa bandhumā nāma rājā pitā ahosi.

dn14:3.29.15
3.29.16

Bandhumatī nāma devī mātā ahosi janetti.

dn14:3.29.16
3.29.17

Bandhumassa rañño bandhumatī nāma nagaraṁ rājadhānī ahosi.

dn14:3.29.17
3.29.18

Vipassissa, mārisā, bhagavato arahato sammāsambuddhassa evaṁ abhinikkhamanaṁ ahosi evaṁ pabbajjā evaṁ padhānaṁ evaṁ abhisambodhi evaṁ dhammacakkappavattanaṁ.

dn14:3.29.18
3.29.19

Te mayaṁ, mārisā, vipassimhi bhagavati brahmacariyaṁ caritvā kāmesu kāmacchandaṁ virājetvā idhūpapannā’ti …

dn14:3.29.19
3.29.20
3.30.1

Tasmiṁyeva kho, bhikkhave, devanikāye anekāni devatāsahassāni anekāni devatāsatasahassāni yenāhaṁ tenupasaṅkamiṁsu; upasaṅkamitvā maṁ abhivādetvā ekamantaṁ aṭṭhaṁsu. Ekamantaṁ ṭhitā kho, bhikkhave, tā devatā maṁ etadavocuṁ:

dn14:3.30.1
3.30.2

‘imasmiṁyeva kho, mārisā, bhaddakappe bhagavā etarahi arahaṁ sammāsambuddho loke uppanno.

dn14:3.30.2
3.30.3

Bhagavā, mārisā, khattiyo jātiyā khattiyakule uppanno.

dn14:3.30.3
3.30.4

Bhagavā, mārisā, gotamo gottena.

dn14:3.30.4
3.30.5

Bhagavato, mārisā, appakaṁ āyuppamāṇaṁ parittaṁ lahukaṁ yo ciraṁ jīvati, so vassasataṁ appaṁ vā bhiyyo.

dn14:3.30.5
3.30.6

Bhagavā, mārisā, assatthassa mūle abhisambuddho.

dn14:3.30.6
3.30.7

Bhagavato, mārisā, sāriputtamoggallānaṁ nāma sāvakayugaṁ ahosi aggaṁ bhaddayugaṁ.

dn14:3.30.7
3.30.8

Bhagavato, mārisā, eko sāvakānaṁ sannipāto ahosi aḍḍhateḷasāni bhikkhusatāni. Bhagavato, mārisā, ayaṁ eko sāvakānaṁ sannipāto ahosi sabbesaṁyeva khīṇāsavānaṁ.

dn14:3.30.8
3.30.9

Bhagavato, mārisā, ānando nāma bhikkhu upaṭṭhāko ahosi aggupaṭṭhāko.

dn14:3.30.9
3.30.10

Bhagavato, mārisā, suddhodano nāma rājā pitā ahosi.

dn14:3.30.10
3.30.11

Māyā nāma devī mātā ahosi janetti.

dn14:3.30.11
3.30.12

Kapilavatthu nāma nagaraṁ rājadhānī ahosi.

dn14:3.30.12
3.30.13

Bhagavato, mārisā, evaṁ abhinikkhamanaṁ ahosi evaṁ pabbajjā evaṁ padhānaṁ evaṁ abhisambodhi evaṁ dhammacakkappavattanaṁ.

dn14:3.30.13
3.30.14

Te mayaṁ, mārisā, bhagavati brahmacariyaṁ caritvā kāmesu kāmacchandaṁ virājetvā idhūpapannā’ti.

dn14:3.30.14
3.31.1

Atha khvāhaṁ, bhikkhave, avihehi devehi saddhiṁ yena atappā devā tenupasaṅkamiṁ …pe…

dn14:3.31.1
3.31.2

atha khvāhaṁ, bhikkhave, avihehi ca devehi atappehi ca devehi saddhiṁ yena sudassā devā tenupasaṅkamiṁ.

dn14:3.31.2
3.31.3

Atha khvāhaṁ, bhikkhave, avihehi ca devehi atappehi ca devehi sudassehi ca devehi saddhiṁ yena sudassī devā tenupasaṅkamiṁ. Atha khvāhaṁ, bhikkhave, avihehi ca devehi atappehi ca devehi sudassehi ca devehi sudassīhi ca devehi saddhiṁ yena akaniṭṭhā devā tenupasaṅkamiṁ. Tasmiṁ, bhikkhave, devanikāye anekāni devatāsahassāni anekāni devatāsatasahassāni yenāhaṁ tenupasaṅkamiṁsu, upasaṅkamitvā maṁ abhivādetvā ekamantaṁ aṭṭhaṁsu. Ekamantaṁ ṭhitā kho, bhikkhave, tā devatā maṁ etadavocuṁ:

dn14:3.31.3
3.31.4

‘ito so, mārisā, ekanavutikappe yaṁ vipassī bhagavā arahaṁ sammāsambuddho loke udapādi.

dn14:3.31.4
3.31.5

Vipassī, mārisā, bhagavā arahaṁ sammāsambuddho khattiyo jātiyā ahosi.

dn14:3.31.5
3.31.6

Khattiyakule udapādi.

dn14:3.31.6
3.31.7

Vipassī, mārisā, bhagavā arahaṁ sammāsambuddho koṇḍañño gottena ahosi.

dn14:3.31.7
3.31.8

Vipassissa, mārisā, bhagavato arahato sammāsambuddhassa asītivassasahassāni āyuppamāṇaṁ ahosi.

dn14:3.31.8
3.31.9

Vipassī, mārisā, bhagavā arahaṁ sammāsambuddho pāṭaliyā mūle abhisambuddho.

dn14:3.31.9
3.31.10

Vipassissa, mārisā, bhagavato arahato sammāsambuddhassa khaṇḍatissaṁ nāma sāvakayugaṁ ahosi aggaṁ bhaddayugaṁ.

dn14:3.31.10
3.31.11

Vipassissa, mārisā, bhagavato arahato sammāsambuddhassa tayo sāvakānaṁ sannipātā ahesuṁ.

dn14:3.31.11
3.31.12

Eko sāvakānaṁ sannipāto ahosi aṭṭhasaṭṭhibhikkhusatasahassaṁ.

dn14:3.31.12
3.31.13

Eko sāvakānaṁ sannipāto ahosi bhikkhusatasahassaṁ.

dn14:3.31.13
3.31.14

Eko sāvakānaṁ sannipāto ahosi asītibhikkhusahassāni.

dn14:3.31.14
3.31.15

Vipassissa, mārisā, bhagavato arahato sammāsambuddhassa ime tayo sāvakānaṁ sannipātā ahesuṁ sabbesaṁyeva khīṇāsavānaṁ.

dn14:3.31.15
3.31.16

Vipassissa, mārisā, bhagavato arahato sammāsambuddhassa asoko nāma bhikkhu upaṭṭhāko ahosi aggupaṭṭhāko.

dn14:3.31.16
3.31.17

Vipassissa, mārisā, bhagavato arahato sammāsambuddhassa bandhumā nāma rājā pitā ahosi bandhumatī nāma devī mātā ahosi janetti.

dn14:3.31.17
3.31.18

Bandhumassa rañño bandhumatī nāma nagaraṁ rājadhānī ahosi.

dn14:3.31.18
3.31.19

Vipassissa, mārisā, bhagavato arahato sammāsambuddhassa evaṁ abhinikkhamanaṁ ahosi evaṁ pabbajjā evaṁ padhānaṁ evaṁ abhisambodhi, evaṁ dhammacakkappavattanaṁ.

dn14:3.31.19
3.31.20

Te mayaṁ, mārisā, vipassimhi bhagavati brahmacariyaṁ caritvā kāmesu kāmacchandaṁ virājetvā idhūpapannā’ti.

dn14:3.31.20
3.31.21

Tasmiṁyeva kho, bhikkhave, devanikāye anekāni devatāsahassāni anekāni devatāsatasahassāni yenāhaṁ tenupasaṅkamiṁsu; upasaṅkamitvā maṁ abhivādetvā ekamantaṁ aṭṭhaṁsu. Ekamantaṁ ṭhitā kho, bhikkhave, tā devatā maṁ etadavocuṁ:

dn14:3.31.21
3.31.22

‘ito so, mārisā, ekatiṁse kappe yaṁ sikhī bhagavā …pe…

dn14:3.31.22
3.31.23

te mayaṁ, mārisā, sikhimhi bhagavati tasmiññeva kho, mārisā, ekatiṁse kappe yaṁ vessabhū bhagavā …pe…

dn14:3.31.23
3.31.24

te mayaṁ, mārisā, vessabhumhi bhagavati …pe…

dn14:3.31.24
3.31.25

imasmiṁyeva kho, mārisā, bhaddakappe kakusandho koṇāgamano kassapo bhagavā …pe…

dn14:3.31.25
3.31.26

te mayaṁ, mārisā, kakusandhamhi koṇāgamanamhi kassapamhi bhagavati brahmacariyaṁ caritvā kāmesu kāmacchandaṁ virājetvā idhūpapannā’ti.

dn14:3.31.26
3.32.1

Tasmiṁyeva kho, bhikkhave, devanikāye anekāni devatāsahassāni anekāni devatāsatasahassāni yenāhaṁ tenupasaṅkamiṁsu; upasaṅkamitvā maṁ abhivādetvā ekamantaṁ aṭṭhaṁsu. Ekamantaṁ ṭhitā kho, bhikkhave, tā devatā maṁ etadavocuṁ:

dn14:3.32.1
3.32.2

‘imasmiṁyeva kho, mārisā, bhaddakappe bhagavā etarahi arahaṁ sammāsambuddho loke uppanno.

dn14:3.32.2
3.32.3

Bhagavā, mārisā, khattiyo jātiyā, khattiyakule uppanno.

dn14:3.32.3
3.32.4

Bhagavā, mārisā, gotamo gottena.

dn14:3.32.4
3.32.5

Bhagavato, mārisā, appakaṁ āyuppamāṇaṁ parittaṁ lahukaṁ yo ciraṁ jīvati, so vassasataṁ appaṁ vā bhiyyo.

dn14:3.32.5
3.32.6

Bhagavā, mārisā, assatthassa mūle abhisambuddho.

dn14:3.32.6
3.32.7

Bhagavato, mārisā, sāriputtamoggallānaṁ nāma sāvakayugaṁ ahosi aggaṁ bhaddayugaṁ.

dn14:3.32.7
3.32.8

Bhagavato, mārisā, eko sāvakānaṁ sannipāto ahosi aḍḍhateḷasāni bhikkhusatāni.

dn14:3.32.8
3.32.9

Bhagavato, mārisā, ayaṁ eko sāvakānaṁ sannipāto ahosi sabbesaṁyeva khīṇāsavānaṁ.

dn14:3.32.9
3.32.10

Bhagavato, mārisā, ānando nāma bhikkhu upaṭṭhāko aggupaṭṭhāko ahosi.

dn14:3.32.10
3.32.11

Bhagavato, mārisā, suddhodano nāma rājā pitā ahosi.

dn14:3.32.11