Mahāpadānasutta · Mahāpadānasutta

完整巴利原文 · 稳定分页　当前仅加载第 8 阅读页；保留 Bilara 原生段落标识，每页最多 120 段。

3.32.12

Māyā nāma devī mātā ahosi janetti.

dn14:3.32.12

3.32.13

Kapilavatthu nāma nagaraṁ rājadhānī ahosi.

dn14:3.32.13

3.32.14

Bhagavato, mārisā, evaṁ abhinikkhamanaṁ ahosi, evaṁ pabbajjā, evaṁ padhānaṁ, evaṁ abhisambodhi, evaṁ dhammacakkappavattanaṁ.

dn14:3.32.14

3.32.15

Te mayaṁ, mārisā, bhagavati brahmacariyaṁ caritvā kāmesu kāmacchandaṁ virājetvā idhūpapannā’ti.

dn14:3.32.15

3.33.1

Iti kho, bhikkhave, tathāgatassevesā dhammadhātu suppaṭividdhā, yassā dhammadhātuyā suppaṭividdhattā tathāgato atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte jātitopi anussarati, nāmatopi anussarati, gottatopi anussarati, āyuppamāṇatopi anussarati, sāvakayugatopi anussarati, sāvakasannipātatopi anussarati ‘evaṁjaccā te bhagavanto ahesuṁ’ itipi.

dn14:3.33.1

3.33.2

‘Evaṁnāmā evaṅgottā evaṁsīlā evaṁdhammā evaṁpaññā evaṁvihārī evaṁvimuttā te bhagavanto ahesuṁ’ itipīti.

dn14:3.33.2

3.33.3

Devatāpi tathāgatassa etamatthaṁ ārocesuṁ, yena tathāgato atīte buddhe parinibbute chinnapapañce chinnavaṭume pariyādinnavaṭṭe sabbadukkhavītivatte jātitopi anussarati, nāmatopi anussarati, gottatopi anussarati, āyuppamāṇatopi anussarati, sāvakayugatopi anussarati, sāvakasannipātatopi anussarati ‘evaṁjaccā te bhagavanto ahesuṁ’ itipi.

dn14:3.33.3

3.33.4

‘Evaṁnāmā evaṅgottā evaṁsīlā evaṁdhammā evaṁpaññā evaṁvihārī evaṁvimuttā te bhagavanto ahesuṁ’ itipī”ti.

dn14:3.33.4

3.33.5

Idamavoca bhagavā.

dn14:3.33.5

3.33.6

Attamanā te bhikkhū bhagavato bhāsitaṁ abhinandunti.

dn14:3.33.6

3.33.7

Mahāpadānasuttaṁ niṭṭhitaṁ paṭhamaṁ.

dn14:3.33.7