Mahānidānasutta · Mahānidānasutta

完整巴利原文 · 稳定分页　当前仅加载第 3 阅读页；保留 Bilara 原生段落标识，每页最多 120 段。

33.17

Asaññasattāyatanaṁ nevasaññānāsaññāyatanameva dutiyaṁ.

34.1

Tatrānanda, yāyaṁ paṭhamā viññāṇaṭṭhiti nānattakāyā nānattasaññino, seyyathāpi manussā, ekacce ca devā, ekacce ca vinipātikā.

dn15:34.1

34.2

Yo nu kho, ānanda, tañca pajānāti, tassā ca samudayaṁ pajānāti, tassā ca atthaṅgamaṁ pajānāti, tassā ca assādaṁ pajānāti, tassā ca ādīnavaṁ pajānāti, tassā ca nissaraṇaṁ pajānāti, kallaṁ nu tena tadabhinanditun”ti?

dn15:34.2

34.3

“No hetaṁ, bhante” …pe…

dn15:34.3

34.4

“tatrānanda, yamidaṁ asaññasattāyatanaṁ.

dn15:34.4

34.5

Yo nu kho, ānanda, tañca pajānāti, tassa ca samudayaṁ pajānāti, tassa ca atthaṅgamaṁ pajānāti, tassa ca assādaṁ pajānāti, tassa ca ādīnavaṁ pajānāti, tassa ca nissaraṇaṁ pajānāti, kallaṁ nu tena tadabhinanditun”ti?

dn15:34.5

34.6

“No hetaṁ, bhante”.

dn15:34.6

34.7

“Tatrānanda, yamidaṁ nevasaññānāsaññāyatanaṁ.

dn15:34.7

34.8

dn15:34.8

34.9

“No hetaṁ, bhante”.

dn15:34.9

34.10

“Yato kho, ānanda, bhikkhu imāsañca sattannaṁ viññāṇaṭṭhitīnaṁ imesañca dvinnaṁ āyatanānaṁ samudayañca atthaṅgamañca assādañca ādīnavañca nissaraṇañca yathābhūtaṁ viditvā anupādā vimutto hoti, ayaṁ vuccatānanda, bhikkhu paññāvimutto.

dn15:34.10

35.0

6. Aṭṭhavimokkha

dn15:35.0

35.1

Aṭṭha kho ime, ānanda, vimokkhā.

dn15:35.1

35.2

Katame aṭṭha?

dn15:35.2

35.3

Rūpī rūpāni passati

dn15:35.3

35.4

ayaṁ paṭhamo vimokkho.

dn15:35.4

35.5

Ajjhattaṁ arūpasaññī bahiddhā rūpāni passati,

dn15:35.5

35.6

ayaṁ dutiyo vimokkho.

dn15:35.6

35.7

Subhanteva adhimutto hoti,

dn15:35.7

35.8

ayaṁ tatiyo vimokkho.

dn15:35.8

35.9

Sabbaso rūpasaññānaṁ samatikkamā paṭighasaññānaṁ atthaṅgamā nānattasaññānaṁ amanasikārā ‘ananto ākāso’ti ākāsānañcāyatanaṁ upasampajja viharati,

dn15:35.9

35.10

ayaṁ catuttho vimokkho.

dn15:35.10

35.11

Sabbaso ākāsānañcāyatanaṁ samatikkamma ‘anantaṁ viññāṇan’ti viññāṇañcāyatanaṁ upasampajja viharati,

dn15:35.11

35.12

ayaṁ pañcamo vimokkho.

dn15:35.12

35.13

Sabbaso viññāṇañcāyatanaṁ samatikkamma ‘natthi kiñcī’ti ākiñcaññāyatanaṁ upasampajja viharati,

dn15:35.13

35.14

ayaṁ chaṭṭho vimokkho.

dn15:35.14

35.15

Sabbaso ākiñcaññāyatanaṁ samatikkamma nevasaññānāsaññāyatanaṁ upasampajja viharati,

dn15:35.15

35.16

ayaṁ sattamo vimokkho.

dn15:35.16

35.17

Sabbaso nevasaññānāsaññāyatanaṁ samatikkamma saññāvedayitanirodhaṁ upasampajja viharati,

dn15:35.17

35.18

ayaṁ aṭṭhamo vimokkho.

dn15:35.18

35.19

Ime kho, ānanda, aṭṭha vimokkhā.

dn15:35.19

36.1

Yato kho, ānanda, bhikkhu ime aṭṭha vimokkhe anulomampi samāpajjati, paṭilomampi samāpajjati, anulomapaṭilomampi samāpajjati, yatthicchakaṁ yadicchakaṁ yāvaticchakaṁ samāpajjatipi vuṭṭhātipi.

dn15:36.1

36.2

Āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati, ayaṁ vuccatānanda, bhikkhu ubhatobhāgavimutto.

dn15:36.2

36.3

Imāya ca, ānanda, ubhatobhāgavimuttiyā aññā ubhatobhāgavimutti uttaritarā vā paṇītatarā vā natthī”ti.

dn15:36.3

36.4

Idamavoca bhagavā.

dn15:36.4

36.5

Attamano āyasmā ānando bhagavato bhāsitaṁ abhinandīti.

dn15:36.5

36.6

Mahānidānasuttaṁ niṭṭhitaṁ dutiyaṁ.

dn15:36.6