完整巴利原文 · 稳定分页 当前仅加载第 2 阅读页；保留 Bilara 原生段落标识，每页最多 120 段。
‘sakkarissanti maṁ rājāno rājamahāmattā khattiyā brāhmaṇā gahapatikā titthiyā’ti …pe…
dn25:10.16ayampi kho, nigrodha, tapassino upakkileso hoti.
dn25:10.17Puna caparaṁ, nigrodha, tapassī aññataraṁ samaṇaṁ vā brāhmaṇaṁ vā apasādetā hoti:
dn25:11.1‘kiṁ panāyaṁ sambahulājīvo sabbaṁ sambhakkheti.
dn25:11.2Seyyathidaṁ—mūlabījaṁ khandhabījaṁ phaḷubījaṁ aggabījaṁ bījabījameva pañcamaṁ, asanivicakkaṁ dantakūṭaṁ, samaṇappavādenā’ti …pe…
dn25:11.3ayampi kho, nigrodha, tapassino upakkileso hoti.
dn25:11.4Puna caparaṁ, nigrodha, tapassī passati aññataraṁ samaṇaṁ vā brāhmaṇaṁ vā kulesu sakkariyamānaṁ garukariyamānaṁ māniyamānaṁ pūjiyamānaṁ.
dn25:11.5Disvā tassa evaṁ hoti:
dn25:11.6‘imañhi nāma sambahulājīvaṁ kulesu sakkaronti garuṁ karonti mānenti pūjenti.
dn25:11.7Maṁ pana tapassiṁ lūkhājīviṁ kulesu na sakkaronti na garuṁ karonti na mānenti na pūjentī’ti, iti so issāmacchariyaṁ kulesu uppādetā hoti …pe…
dn25:11.8ayampi kho, nigrodha, tapassino upakkileso hoti.
dn25:11.9Puna caparaṁ, nigrodha, tapassī āpāthakanisādī hoti …pe…
dn25:11.10ayampi kho, nigrodha, tapassino upakkileso hoti.
dn25:11.11Puna caparaṁ, nigrodha, tapassī attānaṁ adassayamāno kulesu carati:
dn25:11.12‘idampi me tapasmiṁ idampi me tapasmin’ti …pe…
dn25:11.13ayampi kho, nigrodha, tapassino upakkileso hoti.
dn25:11.14Puna caparaṁ, nigrodha, tapassī kiñcideva paṭicchannaṁ sevati.
dn25:11.15So ‘khamati te idan’ti puṭṭho samāno akkhamamānaṁ āha: ‘khamatī’ti.
dn25:11.16Khamamānaṁ āha: ‘nakkhamatī’ti.
dn25:11.17Iti so sampajānamusā bhāsitā hoti …pe…
dn25:11.18ayampi kho, nigrodha, tapassino upakkileso hoti.
dn25:11.19Puna caparaṁ, nigrodha, tapassī tathāgatassa vā tathāgatasāvakassa vā dhammaṁ desentassa santaṁyeva pariyāyaṁ anuññeyyaṁ nānujānāti …pe…
dn25:12.1ayampi kho, nigrodha, tapassino upakkileso hoti.
dn25:12.2Puna caparaṁ, nigrodha, tapassī kodhano hoti upanāhī.
dn25:12.3Yampi, nigrodha, tapassī kodhano hoti upanāhī.
dn25:12.4Ayampi kho, nigrodha, tapassino upakkileso hoti.
dn25:12.5Puna caparaṁ, nigrodha, tapassī makkhī hoti paḷāsī …pe…
dn25:12.6issukī hoti maccharī …
dn25:12.7saṭho hoti māyāvī …
dn25:12.8thaddho hoti atimānī …
dn25:12.9pāpiccho hoti pāpikānaṁ icchānaṁ vasaṁ gato …
dn25:12.10micchādiṭṭhiko hoti antaggāhikāya diṭṭhiyā samannāgato …
dn25:12.11sandiṭṭhiparāmāsī hoti ādhānaggāhī duppaṭinissaggī.
dn25:12.12Yampi, nigrodha, tapassī sandiṭṭhiparāmāsī hoti ādhānaggāhī duppaṭinissaggī.
dn25:12.13Ayampi kho, nigrodha, tapassino upakkileso hoti.
dn25:12.14Taṁ kiṁ maññasi, nigrodha,
dn25:12.15yadime tapojigucchā upakkilesā vā anupakkilesā vā”ti?
dn25:12.16“Addhā kho ime, bhante, tapojigucchā upakkilesā, no anupakkilesā.
dn25:12.17Ṭhānaṁ kho panetaṁ, bhante, vijjati yaṁ idhekacco tapassī sabbeheva imehi upakkilesehi samannāgato assa;
dn25:12.18ko pana vādo aññataraññatarenā”ti.
dn25:12.192.2. Parisuddhapapaṭikappattakathā
dn25:13.0“Idha, nigrodha, tapassī tapaṁ samādiyati, so tena tapasā na attamano hoti na paripuṇṇasaṅkappo.
dn25:13.1Yampi, nigrodha, tapassī tapaṁ samādiyati, so tena tapasā na attamano hoti na paripuṇṇasaṅkappo.
dn25:13.2Evaṁ so tasmiṁ ṭhāne parisuddho hoti.
dn25:13.3Puna caparaṁ, nigrodha, tapassī tapaṁ samādiyati, so tena tapasā na attānukkaṁseti na paraṁ vambheti …pe…
dn25:13.4evaṁ so tasmiṁ ṭhāne parisuddho hoti.
dn25:13.5Puna caparaṁ, nigrodha, tapassī tapaṁ samādiyati, so tena tapasā na majjati na mucchati na pamādamāpajjati …pe…
dn25:13.6evaṁ so tasmiṁ ṭhāne parisuddho hoti.
dn25:13.7Puna caparaṁ, nigrodha, tapassī tapaṁ samādiyati, so tena tapasā lābhasakkārasilokaṁ abhinibbatteti, so tena lābhasakkārasilokena na attamano hoti na paripuṇṇasaṅkappo …pe…
dn25:13.8evaṁ so tasmiṁ ṭhāne parisuddho hoti.
dn25:13.9Puna caparaṁ, nigrodha, tapassī tapaṁ samādiyati, so tena tapasā lābhasakkārasilokaṁ abhinibbatteti, so tena lābhasakkārasilokena na attānukkaṁseti na paraṁ vambheti …pe…
dn25:13.10evaṁ so tasmiṁ ṭhāne parisuddho hoti.
dn25:13.11Puna caparaṁ, nigrodha, tapassī tapaṁ samādiyati, so tena tapasā lābhasakkārasilokaṁ abhinibbatteti, so tena lābhasakkārasilokena na majjati na mucchati na pamādamāpajjati …pe…
dn25:13.12evaṁ so tasmiṁ ṭhāne parisuddho hoti.
dn25:13.13Puna caparaṁ, nigrodha, tapassī bhojanesu na vodāsaṁ āpajjati:
dn25:13.14‘idaṁ me khamati, idaṁ me nakkhamatī’ti.
dn25:13.15So yañca khvassa nakkhamati, taṁ anapekkho pajahati.
dn25:13.16Yaṁ panassa khamati, taṁ agadhito amucchito anajjhāpanno ādīnavadassāvī nissaraṇapañño paribhuñjati …pe…
dn25:13.17evaṁ so tasmiṁ ṭhāne parisuddho hoti.
dn25:13.18Puna caparaṁ, nigrodha, tapassī na tapaṁ samādiyati lābhasakkārasilokanikantihetu:
dn25:13.19‘sakkarissanti maṁ rājāno rājamahāmattā khattiyā brāhmaṇā gahapatikā titthiyā’ti …pe…
dn25:13.20evaṁ so tasmiṁ ṭhāne parisuddho hoti.
dn25:13.21Puna caparaṁ, nigrodha, tapassī aññataraṁ samaṇaṁ vā brāhmaṇaṁ vā nāpasādetā hoti:
dn25:13.22‘kiṁ panāyaṁ sambahulājīvo sabbaṁ sambhakkheti.
dn25:13.23Seyyathidaṁ—mūlabījaṁ khandhabījaṁ phaḷubījaṁ aggabījaṁ bījabījameva pañcamaṁ, asanivicakkaṁ dantakūṭaṁ, samaṇappavādenā’ti …pe…
dn25:13.24evaṁ so tasmiṁ ṭhāne parisuddho hoti.
dn25:13.25Puna caparaṁ, nigrodha, tapassī passati aññataraṁ samaṇaṁ vā brāhmaṇaṁ vā kulesu sakkariyamānaṁ garu kariyamānaṁ māniyamānaṁ pūjiyamānaṁ.
dn25:14.1Disvā tassa na evaṁ hoti:
dn25:14.2‘imañhi nāma sambahulājīvaṁ kulesu sakkaronti garuṁ karonti mānenti pūjenti.
dn25:14.3Maṁ pana tapassiṁ lūkhājīviṁ kulesu na sakkaronti na garuṁ karonti na mānenti na pūjentī’ti, iti so issāmacchariyaṁ kulesu nuppādetā hoti …pe…
dn25:14.4evaṁ so tasmiṁ ṭhāne parisuddho hoti.
dn25:14.5Puna caparaṁ, nigrodha, tapassī na āpāthakanisādī hoti …pe…
dn25:14.6evaṁ so tasmiṁ ṭhāne parisuddho hoti.
dn25:14.7Puna caparaṁ, nigrodha, tapassī na attānaṁ adassayamāno kulesu carati:
dn25:14.8‘idampi me tapasmiṁ, idampi me tapasmin’ti …pe…
dn25:14.9evaṁ so tasmiṁ ṭhāne parisuddho hoti.
dn25:14.10Puna caparaṁ, nigrodha, tapassī na kiñcideva paṭicchannaṁ sevati, so:
dn25:14.11‘khamati te idan’ti puṭṭho samāno akkhamamānaṁ āha:
dn25:14.12‘nakkhamatī’ti.
dn25:14.13Khamamānaṁ āha:
dn25:14.14‘khamatī’ti.
dn25:14.15Iti so sampajānamusā na bhāsitā hoti …pe…
dn25:14.16evaṁ so tasmiṁ ṭhāne parisuddho hoti.
dn25:14.17Puna caparaṁ, nigrodha, tapassī tathāgatassa vā tathāgatasāvakassa vā dhammaṁ desentassa santaṁyeva pariyāyaṁ anuññeyyaṁ anujānāti …pe…
dn25:15.1evaṁ so tasmiṁ ṭhāne parisuddho hoti.
dn25:15.2Puna caparaṁ, nigrodha, tapassī akkodhano hoti anupanāhī.
dn25:15.3Yampi, nigrodha, tapassī akkodhano hoti anupanāhī evaṁ so tasmiṁ ṭhāne parisuddho hoti.
dn25:15.4Puna caparaṁ, nigrodha, tapassī amakkhī hoti apaḷāsī …pe…
dn25:15.5anissukī hoti amaccharī …
dn25:15.6asaṭho hoti amāyāvī …
dn25:15.7atthaddho hoti anatimānī …
dn25:15.8na pāpiccho hoti na pāpikānaṁ icchānaṁ vasaṁ gato …
dn25:15.9na micchādiṭṭhiko hoti na antaggāhikāya diṭṭhiyā samannāgato …
dn25:15.10na sandiṭṭhiparāmāsī hoti na ādhānaggāhī suppaṭinissaggī.
dn25:15.11Yampi, nigrodha, tapassī na sandiṭṭhiparāmāsī hoti na ādhānaggāhī suppaṭinissaggī.
dn25:15.12Evaṁ so tasmiṁ ṭhāne parisuddho hoti.
dn25:15.13Taṁ kiṁ maññasi, nigrodha,
dn25:15.14yadi evaṁ sante tapojigucchā parisuddhā vā hoti aparisuddhā vā”ti?
dn25:15.15“Addhā kho, bhante, evaṁ sante tapojigucchā parisuddhā hoti no aparisuddhā, aggappattā ca sārappattā cā”ti.
dn25:15.16“Na kho, nigrodha, ettāvatā tapojigucchā aggappattā ca hoti sārappattā ca;
dn25:15.17api ca kho papaṭikappattā hotī”ti.
dn25:15.182.3. Parisuddhatacappattakathā
dn25:16.0“Kittāvatā pana, bhante, tapojigucchā aggappattā ca hoti sārappattā ca?
dn25:16.1Sādhu me, bhante, bhagavā tapojigucchāya aggaññeva pāpetu, sāraññeva pāpetū”ti.
dn25:16.2“Idha, nigrodha, tapassī cātuyāmasaṁvarasaṁvuto hoti.
dn25:16.3Kathañca, nigrodha, tapassī cātuyāmasaṁvarasaṁvuto hoti?
dn25:16.4Idha, nigrodha, tapassī na pāṇaṁ atipāteti, na pāṇaṁ atipātayati, na pāṇamatipātayato samanuñño hoti.
dn25:16.5Na adinnaṁ ādiyati, na adinnaṁ ādiyāpeti, na adinnaṁ ādiyato samanuñño hoti.
dn25:16.6Na musā bhaṇati, na musā bhaṇāpeti, na musā bhaṇato samanuñño hoti.
dn25:16.7Na bhāvitamāsīsati, na bhāvitamāsīsāpeti, na bhāvitamāsīsato samanuñño hoti.
dn25:16.8Evaṁ kho, nigrodha, tapassī cātuyāmasaṁvarasaṁvuto hoti.
dn25:16.9Yato kho, nigrodha, tapassī cātuyāmasaṁvarasaṁvuto hoti, aduṁ cassa hoti tapassitāya.
dn25:16.10So abhiharati no hīnāyāvattati.
dn25:16.11So vivittaṁ senāsanaṁ bhajati araññaṁ rukkhamūlaṁ pabbataṁ kandaraṁ giriguhaṁ susānaṁ vanapatthaṁ abbhokāsaṁ palālapuñjaṁ.
dn25:16.12So pacchābhattaṁ piṇḍapātapaṭikkanto nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.
dn25:16.13So abhijjhaṁ loke pahāya vigatābhijjhena cetasā viharati, abhijjhāya cittaṁ parisodheti.
dn25:16.14Byāpādappadosaṁ pahāya abyāpannacitto viharati sabbapāṇabhūtahitānukampī, byāpādappadosā cittaṁ parisodheti.
dn25:16.15Thinamiddhaṁ pahāya vigatathinamiddho viharati ālokasaññī sato sampajāno, thinamiddhā cittaṁ parisodheti.
dn25:16.16Uddhaccakukkuccaṁ pahāya anuddhato viharati ajjhattaṁ vūpasantacitto, uddhaccakukkuccā cittaṁ parisodheti.
dn25:16.17Vicikicchaṁ pahāya tiṇṇavicikiccho viharati akathaṅkathī kusalesu dhammesu, vicikicchāya cittaṁ parisodheti.
dn25:16.18