Pāsādikasutta · Pāsādikasutta

“na tvaṁ imaṁ dhammavinayaṁ ājānāsi, ahaṁ imaṁ dhammavinayaṁ ājānāmi, kiṁ tvaṁ imaṁ dhammavinayaṁ ājānissasi? Micchāpaṭipanno tvamasi, ahamasmi sammāpaṭipanno. Sahitaṁ me, asahitaṁ te. Purevacanīyaṁ pacchā avaca, pacchāvacanīyaṁ pure avaca. Adhiciṇṇaṁ te viparāvattaṁ, āropito te vādo, niggahito tvamasi, cara vādappamokkhāya, nibbeṭhehi vā sace pahosī”ti.

dn29:1.5

1.6

Vadhoyeva kho maññe nigaṇṭhesu nāṭaputtiyesu vattati.

dn29:1.6

1.7

Yepi nigaṇṭhassa nāṭaputtassa sāvakā gihī odātavasanā, tepi nigaṇṭhesu nāṭaputtiyesu nibbinnarūpā virattarūpā paṭivānarūpā, yathā taṁ durakkhāte dhammavinaye duppavedite aniyyānike anupasamasaṁvattanike asammāsambuddhappavedite bhinnathūpe appaṭisaraṇe.

dn29:1.7

2.1

Atha kho cundo samaṇuddeso pāvāyaṁ vassaṁvuṭṭho yena sāmagāmo, yenāyasmā ānando tenupasaṅkami; upasaṅkamitvā āyasmantaṁ ānandaṁ abhivādetvā ekamantaṁ nisīdi. Ekamantaṁ nisinno kho cundo samaṇuddeso āyasmantaṁ ānandaṁ etadavoca:

dn29:2.1

2.2

“nigaṇṭho, bhante, nāṭaputto pāvāyaṁ adhunākālaṅkato.

dn29:2.2

2.3

Tassa kālaṅkiriyāya bhinnā nigaṇṭhā dvedhikajātā …pe… bhinnathūpe appaṭisaraṇe”ti.

dn29:2.3

2.4

Evaṁ vutte, āyasmā ānando cundaṁ samaṇuddesaṁ etadavoca:

dn29:2.4

2.5

“atthi kho idaṁ, āvuso cunda, kathāpābhataṁ bhagavantaṁ dassanāya.

dn29:2.5

2.6

Āyāmāvuso cunda, yena bhagavā tenupasaṅkamissāma; upasaṅkamitvā etamatthaṁ bhagavato ārocessāmā”ti.

dn29:2.6

2.7

“Evaṁ, bhante”ti kho cundo samaṇuddeso āyasmato ānandassa paccassosi.

dn29:2.7

3.1

Atha kho āyasmā ca ānando cundo ca samaṇuddeso yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinno kho āyasmā ānando bhagavantaṁ etadavoca:

dn29:3.1

3.2

“ayaṁ, bhante, cundo samaṇuddeso evamāha, ‘nigaṇṭho, bhante, nāṭaputto pāvāyaṁ adhunākālaṅkato,

dn29:3.2

3.3

tassa kālaṅkiriyāya bhinnā nigaṇṭhā …pe… bhinnathūpe appaṭisaraṇe’”ti.

dn29:3.3

4.0

1. Asammāsambuddhappaveditadhammavinaya

dn29:4.0

4.1

“Evaṁ hetaṁ, cunda, hoti durakkhāte dhammavinaye duppavedite aniyyānike anupasamasaṁvattanike asammāsambuddhappavedite.

dn29:4.1

4.2

Idha, cunda, satthā ca hoti asammāsambuddho, dhammo ca durakkhāto duppavedito aniyyāniko anupasamasaṁvattaniko asammāsambuddhappavedito,

dn29:4.2

4.3

sāvako ca tasmiṁ dhamme na dhammānudhammappaṭipanno viharati na sāmīcippaṭipanno na anudhammacārī, vokkamma ca tamhā dhammā vattati.

dn29:4.3

4.4

So evamassa vacanīyo:

dn29:4.4

4.5

‘tassa te, āvuso, lābhā, tassa te suladdhaṁ,

dn29:4.5

4.6

satthā ca te asammāsambuddho, dhammo ca durakkhāto duppavedito aniyyāniko anupasamasaṁvattaniko asammāsambuddhappavedito.

dn29:4.6

4.7

Tvañca tasmiṁ dhamme na dhammānudhammappaṭipanno viharasi, na sāmīcippaṭipanno, na anudhammacārī, vokkamma ca tamhā dhammā vattasī’ti.

dn29:4.7

4.8

Iti kho, cunda, satthāpi tattha gārayho, dhammopi tattha gārayho, sāvako ca tattha evaṁ pāsaṁso.

dn29:4.8

4.9

Yo kho, cunda, evarūpaṁ sāvakaṁ evaṁ vadeyya:

dn29:4.9

4.10

‘etāyasmā tathā paṭipajjatu, yathā te satthārā dhammo desito paññatto’ti.

dn29:4.10

4.11

Yo ca samādapeti, yañca samādapeti, yo ca samādapito tathattāya paṭipajjati. Sabbe te bahuṁ apuññaṁ pasavanti.

dn29:4.11

4.12

Taṁ kissa hetu?

dn29:4.12

4.13

Evaṁ hetaṁ, cunda, hoti durakkhāte dhammavinaye duppavedite aniyyānike anupasamasaṁvattanike asammāsambuddhappavedite.

dn29:4.13

5.1

Idha pana, cunda, satthā ca hoti asammāsambuddho, dhammo ca durakkhāto duppavedito aniyyāniko anupasamasaṁvattaniko asammāsambuddhappavedito,

dn29:5.1

5.2

sāvako ca tasmiṁ dhamme dhammānudhammappaṭipanno viharati sāmīcippaṭipanno anudhammacārī, samādāya taṁ dhammaṁ vattati.

dn29:5.2

5.3

So evamassa vacanīyo:

dn29:5.3

5.4

‘tassa te, āvuso, alābhā, tassa te dulladdhaṁ, satthā ca te asammāsambuddho, dhammo ca durakkhāto duppavedito aniyyāniko anupasamasaṁvattaniko asammāsambuddhappavedito.

dn29:5.4

5.5

Tvañca tasmiṁ dhamme dhammānudhammappaṭipanno viharasi sāmīcippaṭipanno anudhammacārī, samādāya taṁ dhammaṁ vattasī’ti.

dn29:5.5

5.6

Iti kho, cunda, satthāpi tattha gārayho, dhammopi tattha gārayho, sāvakopi tattha evaṁ gārayho.

dn29:5.6

5.7

Yo kho, cunda, evarūpaṁ sāvakaṁ evaṁ vadeyya:

dn29:5.7

5.8

‘addhāyasmā ñāyappaṭipanno ñāyamārādhessatī’ti.

dn29:5.8

5.9

Yo ca pasaṁsati, yañca pasaṁsati, yo ca pasaṁsito bhiyyoso mattāya vīriyaṁ ārabhati. Sabbe te bahuṁ apuññaṁ pasavanti.

dn29:5.9

5.10

Taṁ kissa hetu?

dn29:5.10

5.11

Evañhetaṁ, cunda, hoti durakkhāte dhammavinaye duppavedite aniyyānike anupasamasaṁvattanike asammāsambuddhappavedite.

dn29:5.11

6.0

2. Sammāsambuddhappaveditadhammavinaya

dn29:6.0

6.1

Idha pana, cunda, satthā ca hoti sammāsambuddho, dhammo ca svākkhāto suppavedito niyyāniko upasamasaṁvattaniko sammāsambuddhappavedito,

dn29:6.1

6.2

sāvako ca tasmiṁ dhamme na dhammānudhammappaṭipanno viharati, na sāmīcippaṭipanno, na anudhammacārī, vokkamma ca tamhā dhammā vattati.

dn29:6.2

6.3

So evamassa vacanīyo:

dn29:6.3

6.4

‘tassa te, āvuso, alābhā, tassa te dulladdhaṁ, satthā ca te sammāsambuddho, dhammo ca svākkhāto suppavedito niyyāniko upasamasaṁvattaniko sammāsambuddhappavedito.

dn29:6.4

6.5

Tvañca tasmiṁ dhamme na dhammānudhammappaṭipanno viharasi, na sāmīcippaṭipanno, na anudhammacārī, vokkamma ca tamhā dhammā vattasī’ti.

dn29:6.5

6.6

Iti kho, cunda, satthāpi tattha pāsaṁso, dhammopi tattha pāsaṁso, sāvako ca tattha evaṁ gārayho.

dn29:6.6

6.7

Yo kho, cunda, evarūpaṁ sāvakaṁ evaṁ vadeyya:

dn29:6.7

6.8

‘etāyasmā tathā paṭipajjatu yathā te satthārā dhammo desito paññatto’ti.

dn29:6.8

6.9

Yo ca samādapeti, yañca samādapeti, yo ca samādapito tathattāya paṭipajjati. Sabbe te bahuṁ puññaṁ pasavanti.

dn29:6.9

6.10

Taṁ kissa hetu?

dn29:6.10

6.11

Evañhetaṁ, cunda, hoti svākkhāte dhammavinaye suppavedite niyyānike upasamasaṁvattanike sammāsambuddhappavedite.

dn29:6.11

7.1

Idha pana, cunda, satthā ca hoti sammāsambuddho, dhammo ca svākkhāto suppavedito niyyāniko upasamasaṁvattaniko sammāsambuddhappavedito,

dn29:7.1

7.2

sāvako ca tasmiṁ dhamme dhammānudhammappaṭipanno viharati sāmīcippaṭipanno anudhammacārī, samādāya taṁ dhammaṁ vattati.

dn29:7.2

7.3

So evamassa vacanīyo:

dn29:7.3

7.4

‘tassa te, āvuso, lābhā, tassa te suladdhaṁ,

dn29:7.4

7.5

satthā ca te sammāsambuddho, dhammo ca svākkhāto suppavedito niyyāniko upasamasaṁvattaniko sammāsambuddhappavedito.

dn29:7.5

7.6

Tvañca tasmiṁ dhamme dhammānudhammappaṭipanno viharasi sāmīcippaṭipanno anudhammacārī, samādāya taṁ dhammaṁ vattasī’ti.

dn29:7.6

7.7

Iti kho, cunda, satthāpi tattha pāsaṁso, dhammopi tattha pāsaṁso, sāvakopi tattha evaṁ pāsaṁso.

dn29:7.7

7.8

Yo kho, cunda, evarūpaṁ sāvakaṁ evaṁ vadeyya:

dn29:7.8

7.9

‘addhāyasmā ñāyappaṭipanno ñāyamārādhessatī’ti.

dn29:7.9

7.10

Yo ca pasaṁsati, yañca pasaṁsati, yo ca pasaṁsito bhiyyoso mattāya vīriyaṁ ārabhati. Sabbe te bahuṁ puññaṁ pasavanti.

dn29:7.10

7.11

Taṁ kissa hetu?

dn29:7.11

7.12

Evañhetaṁ, cunda, hoti svākkhāte dhammavinaye suppavedite niyyānike upasamasaṁvattanike sammāsambuddhappavedite.

dn29:7.12

8.0

3. Sāvakānutappasatthu

dn29:8.0

8.1

Idha pana, cunda, satthā ca loke udapādi arahaṁ sammāsambuddho, dhammo ca svākkhāto suppavedito niyyāniko upasamasaṁvattaniko sammāsambuddhappavedito,

dn29:8.1

8.2

aviññāpitatthā cassa honti sāvakā saddhamme, na ca tesaṁ kevalaṁ paripūraṁ brahmacariyaṁ āvikataṁ hoti uttānīkataṁ sabbasaṅgāhapadakataṁ sappāṭihīrakataṁ yāva devamanussehi suppakāsitaṁ.

dn29:8.2

8.3

Atha nesaṁ satthuno antaradhānaṁ hoti.

dn29:8.3

8.4

Evarūpo kho, cunda, satthā sāvakānaṁ kālaṅkato anutappo hoti.

dn29:8.4

8.5

Taṁ kissa hetu?

dn29:8.5

8.6

‘Satthā ca no loke udapādi arahaṁ sammāsambuddho, dhammo ca svākkhāto suppavedito niyyāniko upasamasaṁvattaniko sammāsambuddhappavedito, aviññāpitatthā camha saddhamme, na ca no kevalaṁ paripūraṁ brahmacariyaṁ āvikataṁ hoti uttānīkataṁ sabbasaṅgāhapadakataṁ sappāṭihīrakataṁ yāva devamanussehi suppakāsitaṁ.

dn29:8.6

8.7

Atha no satthuno antaradhānaṁ hotī’ti.

dn29:8.7

8.8

Evarūpo kho, cunda, satthā sāvakānaṁ kālaṅkato anutappo hoti.

dn29:8.8

9.0

4. Sāvakānanutappasatthu

dn29:9.0

9.1

Idha pana, cunda, satthā ca loke udapādi arahaṁ sammāsambuddho. Dhammo ca svākkhāto suppavedito niyyāniko upasamasaṁvattaniko sammāsambuddhappavedito.

dn29:9.1

9.2

Viññāpitatthā cassa honti sāvakā saddhamme, kevalañca tesaṁ paripūraṁ brahmacariyaṁ āvikataṁ hoti uttānīkataṁ sabbasaṅgāhapadakataṁ sappāṭihīrakataṁ yāva devamanussehi suppakāsitaṁ.

dn29:9.2

9.3

Atha nesaṁ satthuno antaradhānaṁ hoti.

dn29:9.3

9.4

Evarūpo kho, cunda, satthā sāvakānaṁ kālaṅkato ananutappo hoti.

dn29:9.4

9.5

Taṁ kissa hetu?

dn29:9.5

9.6

‘Satthā ca no loke udapādi arahaṁ sammāsambuddho.

dn29:9.6

9.7

Dhammo ca svākkhāto suppavedito niyyāniko upasamasaṁvattaniko sammāsambuddhappavedito.

dn29:9.7

9.8

Viññāpitatthā camha saddhamme, kevalañca no paripūraṁ brahmacariyaṁ āvikataṁ hoti uttānīkataṁ sabbasaṅgāhapadakataṁ sappāṭihīrakataṁ yāva devamanussehi suppakāsitaṁ.

dn29:9.8

9.9

Atha no satthuno antaradhānaṁ hotī’ti.

dn29:9.9

9.10

Evarūpo kho, cunda, satthā sāvakānaṁ kālaṅkato ananutappo hoti.

dn29:9.10

10.0

5. Brahmacariyaaparipūrādikathā

dn29:10.0

10.1

Etehi cepi, cunda, aṅgehi samannāgataṁ brahmacariyaṁ hoti, no ca kho satthā hoti thero rattaññū cirapabbajito addhagato vayoanuppatto.

dn29:10.1

10.2

Evaṁ taṁ brahmacariyaṁ aparipūraṁ hoti tenaṅgena.

dn29:10.2

10.3

Yato ca kho, cunda, etehi ceva aṅgehi samannāgataṁ brahmacariyaṁ hoti, satthā ca hoti thero rattaññū cirapabbajito addhagato vayoanuppatto.

dn29:10.3

10.4

Evaṁ taṁ brahmacariyaṁ paripūraṁ hoti tenaṅgena.

dn29:10.4

11.1

Etehi cepi, cunda, aṅgehi samannāgataṁ brahmacariyaṁ hoti, satthā ca hoti thero rattaññū cirapabbajito addhagato vayoanuppatto, no ca khvassa therā bhikkhū sāvakā honti viyattā vinītā visāradā pattayogakkhemā.

dn29:11.1

11.2

Alaṁ samakkhātuṁ saddhammassa, alaṁ uppannaṁ parappavādaṁ sahadhammehi suniggahitaṁ niggahetvā sappāṭihāriyaṁ dhammaṁ desetuṁ.

dn29:11.2

11.3

Evaṁ taṁ brahmacariyaṁ aparipūraṁ hoti tenaṅgena.

dn29:11.3

12.1

Yato ca kho, cunda, etehi ceva aṅgehi samannāgataṁ brahmacariyaṁ hoti, satthā ca hoti thero rattaññū cirapabbajito addhagato vayoanuppatto, therā cassa bhikkhū sāvakā honti viyattā vinītā visāradā pattayogakkhemā.

dn29:12.1

12.2

Alaṁ samakkhātuṁ saddhammassa, alaṁ uppannaṁ parappavādaṁ sahadhammehi suniggahitaṁ niggahetvā sappāṭihāriyaṁ dhammaṁ desetuṁ.

dn29:12.2

12.3

Evaṁ taṁ brahmacariyaṁ paripūraṁ hoti tenaṅgena.

dn29:12.3

12.4

Etehi cepi, cunda, aṅgehi samannāgataṁ brahmacariyaṁ hoti, satthā ca hoti thero rattaññū cirapabbajito addhagato vayoanuppatto, therā cassa bhikkhū sāvakā honti viyattā vinītā visāradā pattayogakkhemā.

dn29:12.4

12.5

Alaṁ samakkhātuṁ saddhammassa, alaṁ uppannaṁ parappavādaṁ sahadhammehi suniggahitaṁ niggahetvā sappāṭihāriyaṁ dhammaṁ desetuṁ.

dn29:12.5

12.6

No ca khvassa majjhimā bhikkhū sāvakā honti …pe…

dn29:12.6

12.7

majjhimā cassa bhikkhū sāvakā honti, no ca khvassa navā bhikkhū sāvakā honti …pe…

dn29:12.7

12.8

navā cassa bhikkhū sāvakā honti, no ca khvassa therā bhikkhuniyo sāvikā honti …pe…

dn29:12.8

12.9

therā cassa bhikkhuniyo sāvikā honti, no ca khvassa majjhimā bhikkhuniyo sāvikā honti …pe…

dn29:12.9

12.10

majjhimā cassa bhikkhuniyo sāvikā honti, no ca khvassa navā bhikkhuniyo sāvikā honti …pe…

dn29:12.10

12.11

navā cassa bhikkhuniyo sāvikā honti, no ca khvassa upāsakā sāvakā honti gihī odātavasanā brahmacārino …pe…

dn29:12.11

12.12

upāsakā cassa sāvakā honti gihī odātavasanā brahmacārino, no ca khvassa upāsakā sāvakā honti gihī odātavasanā kāmabhogino …pe…

dn29:12.12

12.13

upāsakā cassa sāvakā honti gihī odātavasanā kāmabhogino, no ca khvassa upāsikā sāvikā honti gihiniyo odātavasanā brahmacāriniyo …pe…

dn29:12.13

12.14

upāsikā cassa sāvikā honti gihiniyo odātavasanā brahmacāriniyo, no ca khvassa upāsikā sāvikā honti gihiniyo odātavasanā kāmabhoginiyo …pe…

dn29:12.14

12.15

upāsikā cassa sāvikā honti gihiniyo odātavasanā kāmabhoginiyo, no ca khvassa brahmacariyaṁ hoti iddhañceva phītañca vitthārikaṁ bāhujaññaṁ puthubhūtaṁ yāva devamanussehi suppakāsitaṁ …pe…

dn29:12.15

12.16

brahmacariyañcassa hoti iddhañceva phītañca vitthārikaṁ bāhujaññaṁ puthubhūtaṁ yāva devamanussehi suppakāsitaṁ, no ca kho lābhaggayasaggappattaṁ.

dn29:12.16

12.17

Evaṁ taṁ brahmacariyaṁ aparipūraṁ hoti tenaṅgena.

dn29:12.17

13.1

dn29:13.1

13.2

Alaṁ samakkhātuṁ saddhammassa, alaṁ uppannaṁ parappavādaṁ sahadhammehi suniggahitaṁ niggahetvā sappāṭihāriyaṁ dhammaṁ desetuṁ.

dn29:13.2

13.3

Majjhimā cassa bhikkhū sāvakā honti …

dn29:13.3

13.4

navā cassa bhikkhū sāvakā honti …

dn29:13.4

13.5

therā cassa bhikkhuniyo sāvikā honti …

dn29:13.5

13.6

majjhimā cassa bhikkhuniyo sāvikā honti …

dn29:13.6

13.7

navā cassa bhikkhuniyo sāvikā honti …

dn29:13.7