完整巴利原文 · 稳定分页 当前仅加载第 4 阅读页；保留 Bilara 原生段落标识，每页最多 120 段。
sayaṅkataṁ sukhadukkhaṁ …
dn29:34.21paraṅkataṁ sukhadukkhaṁ …
dn29:34.22sayaṅkatañca paraṅkatañca sukhadukkhaṁ …
dn29:34.23asayaṅkāraṁ aparaṅkāraṁ adhiccasamuppannaṁ sukhadukkhaṁ, idameva saccaṁ moghamaññan’ti.
dn29:34.24Tatra, cunda, ye te samaṇabrāhmaṇā evaṁvādino evaṁdiṭṭhino:
dn29:35.1‘sassato attā ca loko ca, idameva saccaṁ moghamaññan’ti.
dn29:35.2Tyāhaṁ upasaṅkamitvā evaṁ vadāmi:
dn29:35.3‘atthi nu kho idaṁ, āvuso, vuccati:
dn29:35.4“sassato attā ca loko cā”’ti?
dn29:35.5Yañca kho te evamāhaṁsu:
dn29:35.6‘idameva saccaṁ moghamaññan’ti.
dn29:35.7Taṁ tesaṁ nānujānāmi.
dn29:35.8Taṁ kissa hetu?
dn29:35.9Aññathāsaññinopi hettha, cunda, santeke sattā.
dn29:35.10Imāyapi kho ahaṁ, cunda, paññattiyā neva attanā samasamaṁ samanupassāmi kuto bhiyyo.
dn29:35.11Atha kho ahameva tattha bhiyyo yadidaṁ adhipaññatti.
dn29:35.12Tatra, cunda, ye te samaṇabrāhmaṇā evaṁvādino evaṁdiṭṭhino:
dn29:36.1‘asassato attā ca loko ca …
dn29:36.2sassato ca asassato ca attā ca loko ca …
dn29:36.3nevasassato nāsassato attā ca loko ca …
dn29:36.4sayaṅkato attā ca loko ca …
dn29:36.5paraṅkato attā ca loko ca …
dn29:36.6sayaṅkato ca paraṅkato ca attā ca loko ca …
dn29:36.7asayaṅkāro aparaṅkāro adhiccasamuppanno attā ca loko ca …
dn29:36.8sassataṁ sukhadukkhaṁ …
dn29:36.9asassataṁ sukhadukkhaṁ …
dn29:36.10sassatañca asassatañca sukhadukkhaṁ …
dn29:36.11nevasassataṁ nāsassataṁ sukhadukkhaṁ …
dn29:36.12sayaṅkataṁ sukhadukkhaṁ …
dn29:36.13paraṅkataṁ sukhadukkhaṁ …
dn29:36.14sayaṅkatañca paraṅkatañca sukhadukkhaṁ …
dn29:36.15asayaṅkāraṁ aparaṅkāraṁ adhiccasamuppannaṁ sukhadukkhaṁ, idameva saccaṁ moghamaññan’ti.
dn29:36.16Tyāhaṁ upasaṅkamitvā evaṁ vadāmi:
dn29:36.17‘atthi nu kho idaṁ, āvuso, vuccati:
dn29:36.18“asayaṅkāraṁ aparaṅkāraṁ adhiccasamuppannaṁ sukhadukkhan”’ti?
dn29:36.19Yañca kho te evamāhaṁsu:
dn29:36.20‘idameva saccaṁ moghamaññan’ti.
dn29:36.21Taṁ tesaṁ nānujānāmi.
dn29:36.22Taṁ kissa hetu?
dn29:36.23Aññathāsaññinopi hettha, cunda, santeke sattā.
dn29:36.24Imāyapi kho ahaṁ, cunda, paññattiyā neva attanā samasamaṁ samanupassāmi kuto bhiyyo.
dn29:36.25Atha kho ahameva tattha bhiyyo yadidaṁ adhipaññatti.
dn29:36.26Ime kho te, cunda, pubbantasahagatā diṭṭhinissayā, ye vo mayā byākatā, yathā te byākātabbā.
dn29:36.27Yathā ca te na byākātabbā, kiṁ vo ahaṁ te tathā byākarissāmi?
dn29:36.2816. Aparantasahagatadiṭṭhinissaya
dn29:37.0Katame ca te, cunda, aparantasahagatā diṭṭhinissayā, ye vo mayā byākatā, yathā te byākātabbā.
dn29:37.1Yathā ca te na byākātabbā, kiṁ vo ahaṁ te tathā byākarissāmi?
dn29:37.2Santi, cunda, eke samaṇabrāhmaṇā evaṁvādino evaṁdiṭṭhino:
dn29:37.3‘rūpī attā hoti arogo paraṁ maraṇā, idameva saccaṁ moghamaññan’ti.
dn29:37.4Santi pana, cunda, eke samaṇabrāhmaṇā evaṁvādino evaṁdiṭṭhino:
dn29:37.5‘arūpī attā hoti …
dn29:37.6rūpī ca arūpī ca attā hoti …
dn29:37.7nevarūpī nārūpī attā hoti …
dn29:37.8saññī attā hoti …
dn29:37.9asaññī attā hoti …
dn29:37.10nevasaññīnāsaññī attā hoti …
dn29:37.11attā ucchijjati vinassati na hoti paraṁ maraṇā, idameva saccaṁ moghamaññan’ti.
dn29:37.12Tatra, cunda, ye te samaṇabrāhmaṇā evaṁvādino evaṁdiṭṭhino:
dn29:38.1‘rūpī attā hoti arogo paraṁ maraṇā, idameva saccaṁ moghamaññan’ti.
dn29:38.2Tyāhaṁ upasaṅkamitvā evaṁ vadāmi:
dn29:38.3‘atthi nu kho idaṁ, āvuso, vuccati:
dn29:38.4“rūpī attā hoti arogo paraṁ maraṇā”’ti?
dn29:38.5Yañca kho te evamāhaṁsu:
dn29:38.6‘idameva saccaṁ moghamaññan’ti.
dn29:38.7Taṁ tesaṁ nānujānāmi.
dn29:38.8Taṁ kissa hetu?
dn29:38.9Aññathāsaññinopi hettha, cunda, santeke sattā.
dn29:38.10Imāyapi kho ahaṁ, cunda, paññattiyā neva attanā samasamaṁ samanupassāmi kuto bhiyyo.
dn29:38.11Atha kho ahameva tattha bhiyyo yadidaṁ adhipaññatti.
dn29:38.12Tatra, cunda, ye te samaṇabrāhmaṇā evaṁvādino evaṁdiṭṭhino:
dn29:39.1‘arūpī attā hoti …
dn29:39.2rūpī ca arūpī ca attā hoti …
dn29:39.3nevarūpīnārūpī attā hoti …
dn29:39.4saññī attā hoti …
dn29:39.5asaññī attā hoti …
dn29:39.6nevasaññīnāsaññī attā hoti …
dn29:39.7attā ucchijjati vinassati na hoti paraṁ maraṇā, idameva saccaṁ moghamaññan’ti.
dn29:39.8Tyāhaṁ upasaṅkamitvā evaṁ vadāmi:
dn29:39.9‘atthi nu kho idaṁ, āvuso, vuccati:
dn29:39.10“attā ucchijjati vinassati na hoti paraṁ maraṇā”’ti?
dn29:39.11Yañca kho te, cunda, evamāhaṁsu:
dn29:39.12‘idameva saccaṁ moghamaññan’ti.
dn29:39.13Taṁ tesaṁ nānujānāmi.
dn29:39.14Taṁ kissa hetu?
dn29:39.15Aññathāsaññinopi hettha, cunda, santeke sattā.
dn29:39.16Imāyapi kho ahaṁ, cunda, paññattiyā neva attanā samasamaṁ samanupassāmi, kuto bhiyyo.
dn29:39.17Atha kho ahameva tattha bhiyyo yadidaṁ adhipaññatti.
dn29:39.18Ime kho te, cunda, aparantasahagatā diṭṭhinissayā, ye vo mayā byākatā, yathā te byākātabbā.
dn29:39.19Yathā ca te na byākātabbā, kiṁ vo ahaṁ te tathā byākarissāmi?
dn29:39.20Imesañca, cunda, pubbantasahagatānaṁ diṭṭhinissayānaṁ imesañca aparantasahagatānaṁ diṭṭhinissayānaṁ pahānāya samatikkamāya evaṁ mayā cattāro satipaṭṭhānā desitā paññattā.
dn29:40.1Katame cattāro?
dn29:40.2Idha, cunda, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṁ.
dn29:40.3Vedanāsu vedanānupassī …pe…
dn29:40.4citte cittānupassī …pe…
dn29:40.5dhammesu dhammānupassī viharati ātāpī sampajāno satimā, vineyya loke abhijjhādomanassaṁ.
dn29:40.6Imesañca, cunda, pubbantasahagatānaṁ diṭṭhinissayānaṁ imesañca aparantasahagatānaṁ diṭṭhinissayānaṁ pahānāya samatikkamāya. Evaṁ mayā ime cattāro satipaṭṭhānā desitā paññattā”ti.
dn29:40.7Tena kho pana samayena āyasmā upavāṇo bhagavato piṭṭhito ṭhito hoti bhagavantaṁ bījayamāno.
dn29:41.1Atha kho āyasmā upavāṇo bhagavantaṁ etadavoca:
dn29:41.2“acchariyaṁ, bhante, abbhutaṁ, bhante.
dn29:41.3Pāsādiko vatāyaṁ, bhante, dhammapariyāyo;
dn29:41.4supāsādiko vatāyaṁ, bhante, dhammapariyāyo, ko nāmāyaṁ, bhante, dhammapariyāyo”ti?
dn29:41.5“Tasmātiha tvaṁ, upavāṇa, imaṁ dhammapariyāyaṁ ‘pāsādiko’ tveva naṁ dhārehī”ti.
dn29:41.6Idamavoca bhagavā.
dn29:41.7Attamano āyasmā upavāṇo bhagavato bhāsitaṁ abhinandīti.
dn29:41.8Pāsādikasuttaṁ niṭṭhitaṁ chaṭṭhaṁ.
dn29:41.9