完整巴利原文 · 稳定分页 当前仅加载第 3 阅读页；保留 Bilara 原生段落标识，每页最多 120 段。
Sīlapaññāṇañca pana lokasmiṁ aggamakkhāyatī”ti.
dn4:21.12“Evametaṁ, brāhmaṇa, evametaṁ, brāhmaṇa, sīlaparidhotā hi, brāhmaṇa, paññā, paññāparidhotaṁ sīlaṁ.
dn4:22.1Yattha sīlaṁ tattha paññā, yattha paññā tattha sīlaṁ.
dn4:22.2Sīlavato paññā, paññavato sīlaṁ.
dn4:22.3Sīlapaññāṇañca pana lokasmiṁ aggamakkhāyati.
dn4:22.4Seyyathāpi, brāhmaṇa, hatthena vā hatthaṁ dhoveyya, pādena vā pādaṁ dhoveyya;
dn4:22.5evameva kho, brāhmaṇa, sīlaparidhotā paññā, paññāparidhotaṁ sīlaṁ.
dn4:22.6Yattha sīlaṁ tattha paññā, yattha paññā tattha sīlaṁ.
dn4:22.7Sīlavato paññā, paññavato sīlaṁ.
dn4:22.8Sīlapaññāṇañca pana lokasmiṁ aggamakkhāyati.
dn4:22.9Katamaṁ pana taṁ, brāhmaṇa, sīlaṁ?
dn4:22.10Katamā sā paññā”ti?
dn4:22.11“Ettakaparamāva mayaṁ, bho gotama, etasmiṁ atthe.
dn4:22.12Sādhu vata bhavantaṁyeva gotamaṁ paṭibhātu etassa bhāsitassa attho”ti.
dn4:22.13“Tena hi, brāhmaṇa, suṇohi, sādhukaṁ manasikarohi, bhāsissāmī”ti.
dn4:23.1“Evaṁ, bho”ti kho soṇadaṇḍo brāhmaṇo bhagavato paccassosi.
dn4:23.2Bhagavā etadavoca:
dn4:23.3“idha, brāhmaṇa, tathāgato loke uppajjati arahaṁ sammāsambuddho …pe…
dn4:23.4Evaṁ kho, brāhmaṇa, bhikkhu sīlasampanno hoti.
dn4:23.5Idaṁ kho taṁ, brāhmaṇa, sīlaṁ …pe…
dn4:23.6paṭhamaṁ jhānaṁ upasampajja viharati …
dn4:23.7dutiyaṁ jhānaṁ …
dn4:23.8tatiyaṁ jhānaṁ …
dn4:23.9catutthaṁ jhānaṁ upasampajja viharati …pe…
dn4:23.10ñāṇadassanāya cittaṁ abhinīharati, abhininnāmeti …pe…
dn4:23.11Idampissa hoti paññāya …pe…
dn4:23.12nāparaṁ itthattāyāti pajānāti.
dn4:23.13Idampissa hoti paññāya
dn4:23.14ayaṁ kho sā, brāhmaṇa, paññā”ti.
dn4:23.157. Soṇadaṇḍaupāsakattapaṭivedanā
dn4:24.0Evaṁ vutte, soṇadaṇḍo brāhmaṇo bhagavantaṁ etadavoca:
dn4:24.1“abhikkantaṁ, bho gotama, abhikkantaṁ, bho gotama.
dn4:24.2Seyyathāpi, bho gotama, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya: ‘cakkhumanto rūpāni dakkhantī’ti; evamevaṁ bhotā gotamena anekapariyāyena dhammo pakāsito.
dn4:24.3Esāhaṁ bhavantaṁ gotamaṁ saraṇaṁ gacchāmi, dhammañca, bhikkhusaṅghañca.
dn4:24.4Upāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gataṁ.
dn4:24.5Adhivāsetu ca me bhavaṁ gotamo svātanāya bhattaṁ saddhiṁ bhikkhusaṅghenā”ti.
dn4:24.6Adhivāsesi bhagavā tuṇhībhāvena.
dn4:24.7Atha kho soṇadaṇḍo brāhmaṇo bhagavato adhivāsanaṁ viditvā uṭṭhāyāsanā bhagavantaṁ abhivādetvā padakkhiṇaṁ katvā pakkāmi.
dn4:24.8Atha kho soṇadaṇḍo brāhmaṇo tassā rattiyā accayena sake nivesane paṇītaṁ khādanīyaṁ bhojanīyaṁ paṭiyādāpetvā bhagavato kālaṁ ārocāpesi:
dn4:24.9“kālo, bho gotama, niṭṭhitaṁ bhattan”ti.
dn4:24.10Atha kho bhagavā pubbaṇhasamayaṁ nivāsetvā pattacīvaramādāya saddhiṁ bhikkhusaṅghena yena soṇadaṇḍassa brāhmaṇassa nivesanaṁ tenupasaṅkami; upasaṅkamitvā paññatte āsane nisīdi.
dn4:25.1Atha kho soṇadaṇḍo brāhmaṇo buddhappamukhaṁ bhikkhusaṅghaṁ paṇītena khādanīyena bhojanīyena sahatthā santappesi sampavāresi.
dn4:25.2Atha kho soṇadaṇḍo brāhmaṇo bhagavantaṁ bhuttāviṁ onītapattapāṇiṁ aññataraṁ nīcaṁ āsanaṁ gahetvā ekamantaṁ nisīdi.
dn4:26.1Ekamantaṁ nisinno kho soṇadaṇḍo brāhmaṇo bhagavantaṁ etadavoca:
dn4:26.2“ahañceva kho pana, bho gotama, parisagato samāno āsanā vuṭṭhahitvā bhavantaṁ gotamaṁ abhivādeyyaṁ, tena maṁ sā parisā paribhaveyya.
dn4:26.3Yaṁ kho pana sā parisā paribhaveyya, yasopi tassa hāyetha.
dn4:26.4Yassa kho pana yaso hāyetha, bhogāpi tassa hāyeyyuṁ.
dn4:26.5Yasoladdhā kho panamhākaṁ bhogā.
dn4:26.6Ahañceva kho pana, bho gotama, parisagato samāno añjaliṁ paggaṇheyyaṁ, āsanā me taṁ bhavaṁ gotamo paccuṭṭhānaṁ dhāretu.
dn4:26.7Ahañceva kho pana, bho gotama, parisagato samāno veṭhanaṁ omuñceyyaṁ, sirasā me taṁ bhavaṁ gotamo abhivādanaṁ dhāretu.
dn4:26.8Ahañceva kho pana, bho gotama, yānagato samāno yānā paccorohitvā bhavantaṁ gotamaṁ abhivādeyyaṁ, tena maṁ sā parisā paribhaveyya.
dn4:26.9Yaṁ kho pana sā parisā paribhaveyya, yasopi tassa hāyetha, yassa kho pana yaso hāyetha, bhogāpi tassa hāyeyyuṁ.
dn4:26.10Yasoladdhā kho panamhākaṁ bhogā.
dn4:26.11Ahañceva kho pana, bho gotama, yānagato samāno patodalaṭṭhiṁ abbhunnāmeyyaṁ, yānā me taṁ bhavaṁ gotamo paccorohanaṁ dhāretu.
dn4:26.12Ahañceva kho pana, bho gotama, yānagato samāno chattaṁ apanāmeyyaṁ, sirasā me taṁ bhavaṁ gotamo abhivādanaṁ dhāretū”ti.
dn4:26.13Atha kho bhagavā soṇadaṇḍaṁ brāhmaṇaṁ dhammiyā kathāya sandassetvā samādapetvā samuttejetvā sampahaṁsetvā uṭṭhāyāsanā pakkāmīti.
dn4:27.1Soṇadaṇḍasuttaṁ niṭṭhitaṁ catutthaṁ.
dn4:27.2