Poṭṭhapādasutta · Poṭṭhapādasutta

完整巴利原文 · 稳定分页　当前仅加载第 4 阅读页；保留 Bilara 原生段落标识，每页最多 120 段。

41.4

‘saṅkilesikā dhammā pahīyissanti, vodāniyā dhammā abhivaḍḍhissanti, paññāpāripūriṁ vepullattañca diṭṭheva dhamme sayaṁ abhiññā sacchikatvā upasampajja viharissati, dukkho ca kho vihāro’ti.

dn9:41.4

41.5

Na kho panetaṁ, poṭṭhapāda, evaṁ daṭṭhabbaṁ.

dn9:41.5

41.6

Saṅkilesikā ceva dhammā pahīyissanti, vodāniyā ca dhammā abhivaḍḍhissanti, paññāpāripūriṁ vepullattañca diṭṭheva dhamme sayaṁ abhiññā sacchikatvā upasampajja viharissati, pāmujjañceva bhavissati pīti ca passaddhi ca sati ca sampajaññañca sukho ca vihāro.

dn9:41.6

42.1

Arūpassapi kho ahaṁ, poṭṭhapāda, attapaṭilābhassa pahānāya dhammaṁ desemi:

dn9:42.1

42.2

‘yathāpaṭipannānaṁ vo saṅkilesikā dhammā pahīyissanti, vodāniyā dhammā abhivaḍḍhissanti, paññāpāripūriṁ vepullattañca diṭṭheva dhamme sayaṁ abhiññā sacchikatvā upasampajja viharissathā’ti.

dn9:42.2

42.3

Siyā kho pana te, poṭṭhapāda, evamassa:

dn9:42.3

42.4

dn9:42.4

42.5

Na kho panetaṁ, poṭṭhapāda, evaṁ daṭṭhabbaṁ.

dn9:42.5

42.6

dn9:42.6

43.1

Pare ce, poṭṭhapāda, amhe evaṁ puccheyyuṁ:

dn9:43.1

43.2

‘katamo pana so, āvuso, oḷāriko attapaṭilābho, yassa tumhe pahānāya dhammaṁ desetha, yathāpaṭipannānaṁ vo saṅkilesikā dhammā pahīyissanti, vodāniyā dhammā abhivaḍḍhissanti, paññāpāripūriṁ vepullattañca diṭṭheva dhamme sayaṁ abhiññā sacchikatvā upasampajja viharissathā’ti, tesaṁ mayaṁ evaṁ puṭṭhā evaṁ byākareyyāma:

dn9:43.2

43.3

‘ayaṁ vā so, āvuso, oḷāriko attapaṭilābho, yassa mayaṁ pahānāya dhammaṁ desema, yathāpaṭipannānaṁ vo saṅkilesikā dhammā pahīyissanti, vodāniyā dhammā abhivaḍḍhissanti, paññāpāripūriṁ vepullattañca diṭṭheva dhamme sayaṁ abhiññā sacchikatvā upasampajja viharissathā’ti.

dn9:43.3

44.1

Pare ce, poṭṭhapāda, amhe evaṁ puccheyyuṁ:

dn9:44.1

44.2

‘katamo pana so, āvuso, manomayo attapaṭilābho, yassa tumhe pahānāya dhammaṁ desetha, yathāpaṭipannānaṁ vo saṅkilesikā dhammā pahīyissanti, vodāniyā dhammā abhivaḍḍhissanti, paññāpāripūriṁ vepullattañca diṭṭheva dhamme sayaṁ abhiññā sacchikatvā upasampajja viharissathā’ti?

dn9:44.2

44.3

Tesaṁ mayaṁ evaṁ puṭṭhā evaṁ byākareyyāma:

dn9:44.3

44.4

‘ayaṁ vā so, āvuso, manomayo attapaṭilābho yassa mayaṁ pahānāya dhammaṁ desema, yathāpaṭipannānaṁ vo saṅkilesikā dhammā pahīyissanti, vodāniyā dhammā abhivaḍḍhissanti, paññāpāripūriṁ vepullattañca diṭṭheva dhamme sayaṁ abhiññā sacchikatvā upasampajja viharissathā’ti.

dn9:44.4

45.1

Pare ce, poṭṭhapāda, amhe evaṁ puccheyyuṁ:

dn9:45.1

45.2

‘katamo pana so, āvuso, arūpo attapaṭilābho, yassa tumhe pahānāya dhammaṁ desetha, yathāpaṭipannānaṁ vo saṅkilesikā dhammā pahīyissanti, vodāniyā dhammā abhivaḍḍhissanti, paññāpāripūriṁ vepullattañca diṭṭheva dhamme sayaṁ abhiññā sacchikatvā upasampajja viharissathā’ti?

dn9:45.2

45.3

Tesaṁ mayaṁ evaṁ puṭṭhā evaṁ byākareyyāma:

dn9:45.3

45.4

‘ayaṁ vā so, āvuso, arūpo attapaṭilābho yassa mayaṁ pahānāya dhammaṁ desema, yathāpaṭipannānaṁ vo saṅkilesikā dhammā pahīyissanti, vodāniyā dhammā abhivaḍḍhissanti, paññāpāripūriṁ vepullattañca diṭṭheva dhamme sayaṁ abhiññā sacchikatvā upasampajja viharissathā’ti.

dn9:45.4

45.5

Taṁ kiṁ maññasi, poṭṭhapāda,

dn9:45.5

45.6

nanu evaṁ sante sappāṭihīrakataṁ bhāsitaṁ sampajjatī”ti?

dn9:45.6

45.7

“Addhā kho, bhante, evaṁ sante sappāṭihīrakataṁ bhāsitaṁ sampajjatī”ti.

dn9:45.7

46.1

“Seyyathāpi, poṭṭhapāda, puriso nisseṇiṁ kareyya pāsādassa ārohaṇāya tasseva pāsādassa heṭṭhā.

dn9:46.1

46.2

Tamenaṁ evaṁ vadeyyuṁ:

dn9:46.2

46.3

‘ambho purisa, yassa tvaṁ pāsādassa ārohaṇāya nisseṇiṁ karosi, jānāsi taṁ pāsādaṁ, puratthimāya vā disāya dakkhiṇāya vā disāya pacchimāya vā disāya uttarāya vā disāya ucco vā nīco vā majjhimo vā’ti?

dn9:46.3

46.4

So evaṁ vadeyya:

dn9:46.4

46.5

‘ayaṁ vā so, āvuso, pāsādo, yassāhaṁ ārohaṇāya nisseṇiṁ karomi, tasseva pāsādassa heṭṭhā’ti.

dn9:46.5

46.6

Taṁ kiṁ maññasi, poṭṭhapāda,

dn9:46.6

46.7

nanu evaṁ sante tassa purisassa sappāṭihīrakataṁ bhāsitaṁ sampajjatī”ti?

dn9:46.7

46.8

“Addhā kho, bhante, evaṁ sante tassa purisassa sappāṭihīrakataṁ bhāsitaṁ sampajjatī”ti.

dn9:46.8

47.1

“Evameva kho, poṭṭhapāda, pare ce amhe evaṁ puccheyyuṁ:

dn9:47.1

47.2

‘katamo pana so, āvuso, oḷāriko attapaṭilābho …pe…

dn9:47.2

47.3

katamo pana so, āvuso, manomayo attapaṭilābho …pe…

dn9:47.3

47.4

katamo pana so, āvuso, arūpo attapaṭilābho, yassa tumhe pahānāya dhammaṁ desetha, yathāpaṭipannānaṁ vo saṅkilesikā dhammā pahīyissanti, vodāniyā dhammā abhivaḍḍhissanti, paññāpāripūriṁ vepullattañca diṭṭheva dhamme sayaṁ abhiññā sacchikatvā upasampajja viharissathā’ti?

dn9:47.4

47.5

Tesaṁ mayaṁ evaṁ puṭṭhā evaṁ byākareyyāma:

dn9:47.5

47.6

‘ayaṁ vā so, āvuso, arūpo attapaṭilābho, yassa mayaṁ pahānāya dhammaṁ desema, yathāpaṭipannānaṁ vo saṅkilesikā dhammā pahīyissanti, vodāniyā dhammā abhivaḍḍhissanti, paññāpāripūriṁ vepullattañca diṭṭheva dhamme sayaṁ abhiññā sacchikatvā upasampajja viharissathā’ti.

dn9:47.6

47.7

Taṁ kiṁ maññasi, poṭṭhapāda, nanu evaṁ sante sappāṭihīrakataṁ bhāsitaṁ sampajjatī”ti?

dn9:47.7

47.8

“Addhā kho, bhante, evaṁ sante sappāṭihīrakataṁ bhāsitaṁ sampajjatī”ti.

dn9:47.8

48.1

Evaṁ vutte, citto hatthisāriputto bhagavantaṁ etadavoca:

dn9:48.1

48.2

“yasmiṁ, bhante, samaye oḷāriko attapaṭilābho hoti, moghassa tasmiṁ samaye manomayo attapaṭilābho hoti, mogho arūpo attapaṭilābho hoti;

dn9:48.2

48.3

oḷāriko vāssa attapaṭilābho tasmiṁ samaye sacco hoti.

dn9:48.3

48.4

Yasmiṁ, bhante, samaye manomayo attapaṭilābho hoti, moghassa tasmiṁ samaye oḷāriko attapaṭilābho hoti, mogho arūpo attapaṭilābho hoti;

dn9:48.4

48.5

manomayo vāssa attapaṭilābho tasmiṁ samaye sacco hoti.

dn9:48.5

48.6

Yasmiṁ, bhante, samaye arūpo attapaṭilābho hoti, moghassa tasmiṁ samaye oḷāriko attapaṭilābho hoti, mogho manomayo attapaṭilābho hoti;

dn9:48.6

48.7

arūpo vāssa attapaṭilābho tasmiṁ samaye sacco hotī”ti.

dn9:48.7

49.1

“Yasmiṁ, citta, samaye oḷāriko attapaṭilābho hoti, neva tasmiṁ samaye manomayo attapaṭilābhoti saṅkhaṁ gacchati, na arūpo attapaṭilābhoti saṅkhaṁ gacchati;

dn9:49.1

49.2

oḷāriko attapaṭilābhotveva tasmiṁ samaye saṅkhaṁ gacchati.

dn9:49.2

49.3

Yasmiṁ, citta, samaye manomayo attapaṭilābho hoti, neva tasmiṁ samaye oḷāriko attapaṭilābhoti saṅkhaṁ gacchati, na arūpo attapaṭilābhoti saṅkhaṁ gacchati;

dn9:49.3

49.4

manomayo attapaṭilābhotveva tasmiṁ samaye saṅkhaṁ gacchati.

dn9:49.4

49.5

Yasmiṁ, citta, samaye arūpo attapaṭilābho hoti, neva tasmiṁ samaye oḷāriko attapaṭilābhoti saṅkhaṁ gacchati, na manomayo attapaṭilābhoti saṅkhaṁ gacchati;

dn9:49.5

49.6

arūpo attapaṭilābhotveva tasmiṁ samaye saṅkhaṁ gacchati.

dn9:49.6

49.7

Sace taṁ, citta, evaṁ puccheyyuṁ:

dn9:49.7

49.8

‘ahosi tvaṁ atītamaddhānaṁ, na tvaṁ nāhosi;

dn9:49.8

49.9

bhavissasi tvaṁ anāgatamaddhānaṁ, na tvaṁ na bhavissasi;

dn9:49.9

49.10

atthi tvaṁ etarahi, na tvaṁ natthī’ti.

dn9:49.10

49.11

Evaṁ puṭṭho tvaṁ, citta, kinti byākareyyāsī”ti?

dn9:49.11

49.12

“Sace maṁ, bhante, evaṁ puccheyyuṁ:

dn9:49.12

49.13

‘ahosi tvaṁ atītamaddhānaṁ, na tvaṁ na ahosi;

dn9:49.13

49.14

bhavissasi tvaṁ anāgatamaddhānaṁ, na tvaṁ na bhavissasi;

dn9:49.14

49.15

atthi tvaṁ etarahi, na tvaṁ natthī’ti.

dn9:49.15

49.16

Evaṁ puṭṭho ahaṁ, bhante, evaṁ byākareyyaṁ:

dn9:49.16

49.17

‘ahosāhaṁ atītamaddhānaṁ, nāhaṁ na ahosiṁ;

dn9:49.17

49.18

bhavissāmahaṁ anāgatamaddhānaṁ, nāhaṁ na bhavissāmi;

dn9:49.18

49.19

atthāhaṁ etarahi, nāhaṁ natthī’ti.

dn9:49.19

49.20

Evaṁ puṭṭho ahaṁ, bhante, evaṁ byākareyyan”ti.

dn9:49.20

50.1

“Sace pana taṁ, citta, evaṁ puccheyyuṁ:

dn9:50.1

50.2

‘yo te ahosi atīto attapaṭilābho, sova te attapaṭilābho sacco, mogho anāgato, mogho paccuppanno?

dn9:50.2

50.3

Yo te bhavissati anāgato attapaṭilābho, sova te attapaṭilābho sacco, mogho atīto, mogho paccuppanno?

dn9:50.3

50.4

Yo te etarahi paccuppanno attapaṭilābho, sova te attapaṭilābho sacco, mogho atīto, mogho anāgato’ti.

dn9:50.4

50.5

Evaṁ puṭṭho tvaṁ, citta, kinti byākareyyāsī”ti?

dn9:50.5

50.6

“Sace pana maṁ, bhante, evaṁ puccheyyuṁ:

dn9:50.6

50.7

‘yo te ahosi atīto attapaṭilābho, sova te attapaṭilābho sacco, mogho anāgato, mogho paccuppanno.

dn9:50.7

50.8

Yo te bhavissati anāgato attapaṭilābho, sova te attapaṭilābho sacco, mogho atīto, mogho paccuppanno.

dn9:50.8

50.9

Yo te etarahi paccuppanno attapaṭilābho, sova te attapaṭilābho sacco, mogho atīto, mogho anāgato’ti.

dn9:50.9

50.10

Evaṁ puṭṭho ahaṁ, bhante, evaṁ byākareyyaṁ:

dn9:50.10

50.11

‘yo me ahosi atīto attapaṭilābho, sova me attapaṭilābho tasmiṁ samaye sacco ahosi, mogho anāgato, mogho paccuppanno.

dn9:50.11

50.12

Yo me bhavissati anāgato attapaṭilābho, sova me attapaṭilābho tasmiṁ samaye sacco bhavissati, mogho atīto, mogho paccuppanno.

dn9:50.12

50.13

Yo me etarahi paccuppanno attapaṭilābho, sova me attapaṭilābho sacco, mogho atīto, mogho anāgato’ti.

dn9:50.13

50.14

Evaṁ puṭṭho ahaṁ, bhante, evaṁ byākareyyan”ti.

dn9:50.14

51.1

“Evameva kho, citta, yasmiṁ samaye oḷāriko attapaṭilābho hoti, neva tasmiṁ samaye manomayo attapaṭilābhoti saṅkhaṁ gacchati, na arūpo attapaṭilābhoti saṅkhaṁ gacchati.

dn9:51.1

51.2

Oḷāriko attapaṭilābhotveva tasmiṁ samaye saṅkhaṁ gacchati.

dn9:51.2

51.3

Yasmiṁ, citta, samaye manomayo attapaṭilābho hoti …pe…

dn9:51.3

51.4

yasmiṁ, citta, samaye arūpo attapaṭilābho hoti, neva tasmiṁ samaye oḷāriko attapaṭilābhoti saṅkhaṁ gacchati, na manomayo attapaṭilābhoti saṅkhaṁ gacchati;

dn9:51.4

51.5

arūpo attapaṭilābhotveva tasmiṁ samaye saṅkhaṁ gacchati.

dn9:51.5

52.1

Seyyathāpi, citta, gavā khīraṁ, khīramhā dadhi, dadhimhā navanītaṁ, navanītamhā sappi, sappimhā sappimaṇḍo.

dn9:52.1

52.2

Yasmiṁ samaye khīraṁ hoti, neva tasmiṁ samaye dadhīti saṅkhaṁ gacchati, na navanītanti saṅkhaṁ gacchati, na sappīti saṅkhaṁ gacchati, na sappimaṇḍoti saṅkhaṁ gacchati;

dn9:52.2

52.3

khīrantveva tasmiṁ samaye saṅkhaṁ gacchati.

dn9:52.3

52.4

Yasmiṁ samaye dadhi hoti …pe…

dn9:52.4

52.5

navanītaṁ hoti …

dn9:52.5

52.6

sappi hoti …

dn9:52.6

52.7

sappimaṇḍo hoti, neva tasmiṁ samaye khīranti saṅkhaṁ gacchati, na dadhīti saṅkhaṁ gacchati, na navanītanti saṅkhaṁ gacchati, na sappīti saṅkhaṁ gacchati;

dn9:52.7

52.8

sappimaṇḍotveva tasmiṁ samaye saṅkhaṁ gacchati.

dn9:52.8

53.1

Evameva kho, citta, yasmiṁ samaye oḷāriko attapaṭilābho hoti …pe…

dn9:53.1

53.2

yasmiṁ, citta, samaye manomayo attapaṭilābho hoti …pe…

dn9:53.2

53.3

yasmiṁ, citta, samaye arūpo attapaṭilābho hoti, neva tasmiṁ samaye oḷāriko attapaṭilābhoti saṅkhaṁ gacchati, na manomayo attapaṭilābhoti saṅkhaṁ gacchati;

dn9:53.3

53.4

arūpo attapaṭilābhotveva tasmiṁ samaye saṅkhaṁ gacchati.

dn9:53.4

53.5

Imā kho, citta, lokasamaññā lokaniruttiyo lokavohārā lokapaññattiyo, yāhi tathāgato voharati aparāmasan”ti.

dn9:53.5

54.1

Evaṁ vutte, poṭṭhapādo paribbājako bhagavantaṁ etadavoca:

dn9:54.1

54.2

“abhikkantaṁ, bhante, abhikkantaṁ, bhante.

dn9:54.2

54.3

Seyyathāpi, bhante, nikkujjitaṁ vā ukkujjeyya, paṭicchannaṁ vā vivareyya, mūḷhassa vā maggaṁ ācikkheyya, andhakāre vā telapajjotaṁ dhāreyya: ‘cakkhumanto rūpāni dakkhantī’ti; evamevaṁ bhagavatā anekapariyāyena dhammo pakāsito.

dn9:54.3

54.4

Esāhaṁ, bhante, bhagavantaṁ saraṇaṁ gacchāmi dhammañca bhikkhusaṅghañca.

dn9:54.4

54.5

Upāsakaṁ maṁ bhagavā dhāretu ajjatagge pāṇupetaṁ saraṇaṁ gatan”ti.

dn9:54.5

55.0

2.3. Cittahatthisāriputtaupasampadā

dn9:55.0

55.1

Citto pana hatthisāriputto bhagavantaṁ etadavoca:

dn9:55.1

55.2

“abhikkantaṁ, bhante, abhikkantaṁ, bhante.

dn9:55.2

55.3

dn9:55.3

55.4

Esāhaṁ, bhante, bhagavantaṁ saraṇaṁ gacchāmi dhammañca bhikkhusaṅghañca.

dn9:55.4

55.5

Labheyyāhaṁ, bhante, bhagavato santike pabbajjaṁ, labheyyaṁ upasampadan”ti.

dn9:55.5

56.1

Alattha kho citto hatthisāriputto bhagavato santike pabbajjaṁ, alattha upasampadaṁ.

dn9:56.1

56.2

Acirūpasampanno kho panāyasmā citto hatthisāriputto eko vūpakaṭṭho appamatto ātāpī pahitatto viharanto na cirasseva—yassatthāya kulaputtā sammadeva agārasmā anagāriyaṁ pabbajanti, tadanuttaraṁ—brahmacariyapariyosānaṁ diṭṭheva dhamme sayaṁ abhiññā sacchikatvā upasampajja vihāsi.

dn9:56.2

56.3

“khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthAttāyā”ti abbhaññāsi.

dn9:56.3

56.4

Aññataro kho panāyasmā citto hatthisāriputto arahataṁ ahosīti.

dn9:56.4

56.5

Poṭṭhapādasuttaṁ niṭṭhitaṁ navamaṁ.

dn9:56.5