完整巴利原文 · 稳定分页 当前仅加载第 10 阅读页；保留 Bilara 原生段落标识，每页最多 120 段。
Na vattabbaṁ—
kv1.1:160.1“puggalo sandhāvati asmā lokā paraṁ lokaṁ, parasmā lokā imaṁ lokan”ti?
kv1.1:160.2Āmantā.
kv1.1:160.3Nanu vuttaṁ bhagavatā—
kv1.1:160.4“anamataggoyaṁ, bhikkhave, saṁsāro.
kv1.1:160.5Pubbakoṭi na paññāyati, avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsaratan”ti.
kv1.1:160.6Attheva suttantoti?
kv1.1:160.7Āmantā.
kv1.1:160.8Tena hi puggalo sandhāvati asmā lokā paraṁ lokaṁ, parasmā lokā imaṁ lokanti.
kv1.1:160.9Puggalo sandhāvati asmā lokā paraṁ lokaṁ, parasmā lokā imaṁ lokanti?
kv1.1:161.1Āmantā.
kv1.1:161.2Sveva puggalo sandhāvati asmā lokā paraṁ lokaṁ, parasmā lokā imaṁ lokanti?
kv1.1:161.3Na hevaṁ vattabbe …pe….
kv1.1:161.4Sveva puggalo sandhāvati asmā lokā paraṁ lokaṁ, parasmā lokā imaṁ lokanti?
kv1.1:162.1Āmantā.
kv1.1:162.2Atthi koci manusso hutvā devo hotīti?
kv1.1:162.3Āmantā.
kv1.1:162.4Sveva manusso so devoti?
kv1.1:162.5Na hevaṁ vattabbe …pe….
kv1.1:162.6Sveva manusso so devoti?
kv1.1:163.1Āmantā.
kv1.1:163.2Manusso hutvā devo hoti, devo hutvā manusso hoti, manussabhūto añño, devo añño, manussabhūto svevāyaṁ sandhāvatīti micchā …pe….
kv1.1:163.3Sace hi sandhāvati sveva puggalo ito cuto paraṁ lokaṁ anañño, hevaṁ maraṇaṁ na hehiti, pāṇātipātopi nupalabbhati.
kv1.1:164.1Kammaṁ atthi, kammavipāko atthi, katānaṁ kammānaṁ vipāko atthi, kusalākusale vipaccamāne svevāyaṁ sandhāvatīti micchā.
kv1.1:164.2Sveva puggalo sandhāvati asmā lokā paraṁ lokaṁ, parasmā lokā imaṁ lokanti?
kv1.1:165.1Āmantā.
kv1.1:165.2Atthi koci manusso hutvā yakkho hoti, peto hoti, nerayiko hoti, tiracchānagato hoti, oṭṭho hoti, goṇo hoti, gadrabho hoti, sūkaro hoti, mahiṁso hotīti?
kv1.1:165.3Āmantā.
kv1.1:165.4Sveva manusso so mahiṁsoti?
kv1.1:165.5Na hevaṁ vattabbe …pe….
kv1.1:165.6Sveva manusso so mahiṁsoti?
kv1.1:166.1Āmantā.
kv1.1:166.2Manusso hutvā mahiṁso hoti, mahiṁso hutvā manusso hoti, manussabhūto añño, mahiṁso añño, manussabhūto svevāyaṁ sandhāvatīti micchā …pe….
kv1.1:166.3Sace hi sandhāvati sveva puggalo ito cuto paraṁ lokaṁ anañño, hevaṁ maraṇaṁ na hehiti, pāṇātipātopi nupalabbhati.
kv1.1:167.1Kammaṁ atthi, kammavipāko atthi, katānaṁ kammānaṁ vipāko atthi, kusalākusale vipaccamāne svevāyaṁ sandhāvatīti micchā.
kv1.1:167.2Sveva puggalo sandhāvati asmā lokā paraṁ lokaṁ, parasmā lokā imaṁ lokanti?
kv1.1:168.1Āmantā.
kv1.1:168.2Atthi koci khattiyo hutvā brāhmaṇo hotīti?
kv1.1:168.3Āmantā.
kv1.1:168.4Sveva khattiyo so brāhmaṇoti?
kv1.1:168.5Na hevaṁ vattabbe …pe….
kv1.1:168.6Atthi koci khattiyo hutvā vesso hoti, suddo hotīti?
kv1.1:169.1Āmantā.
kv1.1:169.2Sveva khattiyo so suddoti?
kv1.1:169.3Na hevaṁ vattabbe …pe….
kv1.1:169.4Atthi koci brāhmaṇo hutvā vesso hoti, suddo hoti, khattiyo hotīti?
kv1.1:170.1Āmantā.
kv1.1:170.2Sveva brāhmaṇo so khattiyoti?
kv1.1:170.3Na hevaṁ vattabbe …pe….
kv1.1:170.4Atthi koci vesso hutvā suddo hoti, khattiyo hoti, brāhmaṇo hotīti?
kv1.1:171.1Āmantā.
kv1.1:171.2Sveva vesso so brāhmaṇoti?
kv1.1:171.3Na hevaṁ vattabbe …pe….
kv1.1:171.4Atthi koci suddo hutvā khattiyo hoti, brāhmaṇo hoti, vesso hotīti?
kv1.1:172.1Āmantā.
kv1.1:172.2Sveva suddo so vessoti?
kv1.1:172.3Na hevaṁ vattabbe …pe….
kv1.1:172.4Sveva puggalo sandhāvati asmā lokā paraṁ lokaṁ, parasmā lokā imaṁ lokanti?
kv1.1:173.1Āmantā.
kv1.1:173.2Hatthacchinno hatthacchinnova hoti, pādacchinno pādacchinnova hoti, hatthapādacchinno hatthapādacchinnova hoti, kaṇṇacchinno … nāsacchinno … kaṇṇanāsacchinno … aṅgulicchinno … aḷacchinno … kaṇḍaracchinno … kuṇihatthako … phaṇahatthako … kuṭṭhiyo … gaṇḍiyo … kilāsiyo … sosiyo … apamāriyo … oṭṭho … goṇo … gadrabho … sūkaro … mahiṁso mahiṁsova hotīti?
kv1.1:173.3Na hevaṁ vattabbe …pe….
kv1.1:173.4Na vattabbaṁ—
kv1.1:174.1“sveva puggalo sandhāvati asmā lokā paraṁ lokaṁ, parasmā lokā imaṁ lokan”ti?
kv1.1:174.2Āmantā.
kv1.1:174.3Nanu sotāpanno puggalo manussalokā cuto devalokaṁ upapanno tatthapi sotāpannova hotīti?
kv1.1:174.4Āmantā.
kv1.1:174.5Hañci sotāpanno puggalo manussalokā cuto devalokaṁ upapanno tatthapi sotāpannova hoti, tena vata re vattabbe—
kv1.1:175.1“sveva puggalo sandhāvati asmā lokā paraṁ lokaṁ, parasmā lokā imaṁ lokan”ti.
kv1.1:175.2Sotāpanno puggalo manussalokā cuto devalokaṁ upapanno tatthapi sotāpannova hotīti katvā tena ca kāraṇena sveva puggalo sandhāvati asmā lokā paraṁ lokaṁ, parasmā lokā imaṁ lokanti?
kv1.1:176.1Āmantā.
kv1.1:176.2Sotāpanno puggalo manussalokā cuto devalokaṁ upapanno tatthapi manusso hotīti katvā?
kv1.1:176.3Na hevaṁ vattabbe …pe….
kv1.1:176.4Sveva puggalo sandhāvati asmā lokā paraṁ lokaṁ, parasmā lokā imaṁ lokanti?
kv1.1:177.1Āmantā.
kv1.1:177.2Anañño avigato sandhāvatīti?
kv1.1:177.3Na hevaṁ vattabbe …pe….
kv1.1:177.4Anañño avigato sandhāvatīti?
kv1.1:178.1Āmantā.
kv1.1:178.2Hatthacchinno hatthacchinnova hoti, pādacchinno pādacchinnova hoti, hatthapādacchinno hatthapādacchinnova hoti, kaṇṇacchinno … nāsacchinno … kaṇṇanāsacchinno … aṅgulicchinno … aḷacchinno … kaṇḍaracchinno … kuṇihatthako … phaṇahatthako … kuṭṭhiyo … gaṇḍiyo … kilāsiyo … sosiyo … apamāriyo … oṭṭho … goṇo … gadrabho … sūkaro … mahiṁso mahiṁsova hotīti?
kv1.1:178.3Na hevaṁ vattabbe …pe….
kv1.1:178.4Sveva puggalo sandhāvati asmā lokā paraṁ lokaṁ, parasmā lokā imaṁ lokanti?
kv1.1:179.1Āmantā.
kv1.1:179.2Sarūpo sandhāvatīti?
kv1.1:179.3Na hevaṁ vattabbe …pe…
kv1.1:179.4sarūpo sandhāvatīti?
kv1.1:179.5Āmantā.
kv1.1:179.6Taṁ jīvaṁ taṁ sarīranti?
kv1.1:179.7Na hevaṁ vattabbe …pe….
kv1.1:179.8Savedano …pe…
kv1.1:180.1sasañño …pe…
kv1.1:180.2sasaṅkhāro …pe…
kv1.1:180.3saviññāṇo sandhāvatīti?
kv1.1:180.4Na hevaṁ vattabbe …pe…
kv1.1:180.5saviññāṇo sandhāvatīti?
kv1.1:180.6Āmantā.
kv1.1:180.7Taṁ jīvaṁ taṁ sarīranti?
kv1.1:180.8Na hevaṁ vattabbe …pe….
kv1.1:180.9Sveva puggalo sandhāvati asmā lokā paraṁ lokaṁ, parasmā lokā imaṁ lokanti?
kv1.1:181.1Āmantā.
kv1.1:181.2Arūpo sandhāvatīti?
kv1.1:181.3Na hevaṁ vattabbe …pe…
kv1.1:181.4arūpo sandhāvatīti?
kv1.1:181.5Āmantā.
kv1.1:181.6Aññaṁ jīvaṁ aññaṁ sarīranti?
kv1.1:181.7Na hevaṁ vattabbe …pe….
kv1.1:181.8Avedano …pe…
kv1.1:182.1asañño …pe…
kv1.1:182.2asaṅkhāro …pe…
kv1.1:182.3aviññāṇo sandhāvatīti?
kv1.1:182.4Na hevaṁ vattabbe …pe…
kv1.1:182.5aviññāṇo sandhāvatīti?
kv1.1:182.6Āmantā.
kv1.1:182.7Aññaṁ jīvaṁ aññaṁ sarīranti?
kv1.1:182.8Na hevaṁ vattabbe …pe….
kv1.1:182.9Sveva puggalo sandhāvati asmā lokā paraṁ lokaṁ, parasmā lokā imaṁ lokanti?
kv1.1:183.1Āmantā.
kv1.1:183.2Rūpaṁ sandhāvatīti?
kv1.1:183.3Na hevaṁ vattabbe …pe…
kv1.1:183.4rūpaṁ sandhāvatīti?
kv1.1:183.5Āmantā.
kv1.1:183.6