完整巴利原文 · 稳定分页 当前仅加载第 30 阅读页；保留 Bilara 原生段落标识，每页最多 120 段。
Kathāvatthu
kv1.4:0.1Mahāpaṇṇāsaka
kv1.4:0.2Paṭhamavagga
kv1.4:0.3Odhisokathā
kv1.4:0.4Odhisodhiso kilese jahatīti?
kv1.4:1.1Āmantā.
kv1.4:1.2Sotāpattiphalasacchikiriyāya paṭipanno puggalo dukkhadassanena kiṁ jahatīti?
kv1.4:1.3Sakkāyadiṭṭhiṁ vicikicchaṁ sīlabbataparāmāsaṁ tadekaṭṭhe ca kilese ekadese jahatīti.
kv1.4:1.4Ekadesaṁ sotāpanno, ekadesaṁ na sotāpanno, ekadesaṁ sotāpattiphalappatto paṭiladdho adhigato sacchikato upasampajja viharati, kāyena phusitvā viharati, ekadesaṁ na kāyena phusitvā viharati, ekadesaṁ sattakkhattuparamo, kolaṅkolo, ekabījī, buddhe aveccappasādena samannāgato, dhamme …pe…
kv1.4:1.5saṅghe …pe…
kv1.4:1.6ariyakantehi sīlehi samannāgato ekadesaṁ ariyakantehi sīlehi na samannāgatoti?
kv1.4:1.7Na hevaṁ vattabbe …pe….
kv1.4:1.8Samudayadassanena kiṁ jahatīti?
kv1.4:2.1Sakkāyadiṭṭhiṁ jahati, vicikicchaṁ sīlabbataparāmāsaṁ tadekaṭṭhe ca kilese ekadese jahatīti.
kv1.4:2.2Ekadesaṁ sotāpanno, ekadesaṁ na sotāpanno …pe…
kv1.4:2.3ekadesaṁ ariyakantehi sīlehi samannāgato, ekadesaṁ ariyakantehi sīlehi na samannāgatoti?
kv1.4:2.4Na hevaṁ vattabbe …pe….
kv1.4:2.5Nirodhadassanena kiṁ jahatīti?
kv1.4:3.1Vicikicchaṁ sīlabbataparāmāsaṁ tadekaṭṭhe ca kilese ekadese jahatīti.
kv1.4:3.2Ekadesaṁ sotāpanno, ekadesaṁ na sotāpanno …pe…
kv1.4:3.3ekadesaṁ ariyakantehi sīlehi samannāgato, ekadesaṁ ariyakantehi sīlehi na samannāgatoti?
kv1.4:3.4Na hevaṁ vattabbe …pe….
kv1.4:3.5Maggadassanena kiṁ jahatīti?
kv1.4:4.1Sīlabbataparāmāsaṁ tadekaṭṭhe ca kilese jahatīti.
kv1.4:4.2Ekadesaṁ sotāpanno, ekadesaṁ na sotāpanno, ekadesaṁ sotāpattiphalappatto paṭiladdho adhigato sacchikato upasampajja viharati, kāyena phusitvā viharati, ekadesaṁ na kāyena phusitvā viharati, ekadesaṁ sattakkhattuparamo, kolaṅkolo, ekabījī, buddhe aveccappasādena samannāgato, dhamme …pe…
kv1.4:4.3saṅghe …pe…
kv1.4:4.4ariyakantehi sīlehi samannāgato, ekadesaṁ ariyakantehi sīlehi na samannāgatoti?
kv1.4:4.5Na hevaṁ vattabbe …pe….
kv1.4:4.6Sakadāgāmiphalasacchikiriyāya paṭipanno puggalo dukkhadassanena kiṁ jahatīti?
kv1.4:5.1Oḷārikaṁ kāmarāgaṁ jahati, oḷārikaṁ byāpādaṁ tadekaṭṭhe ca kilese ekadese jahatīti.
kv1.4:5.2Ekadesaṁ sakadāgāmī, ekadesaṁ na sakadāgāmī, ekadesaṁ sakadāgāmiphalappatto paṭiladdho adhigato sacchikato upasampajja viharati, kāyena phusitvā viharati, ekadesaṁ na kāyena phusitvā viharatīti?
kv1.4:5.3Na hevaṁ vattabbe …pe….
kv1.4:5.4Samudayadassanena kiṁ jahatīti?
kv1.4:6.1Oḷārikaṁ kāmarāgaṁ jahati, oḷārikaṁ byāpādaṁ tadekaṭṭhe ca kilese ekadese jahatīti.
kv1.4:6.2Ekadesaṁ sakadāgāmī, ekadesaṁ na sakadāgāmī, ekadesaṁ sakadāgāmiphalappatto paṭiladdho adhigato sacchikato upasampajja viharati, kāyena phusitvā viharati, ekadesaṁ na kāyena phusitvā viharatīti?
kv1.4:6.3Na hevaṁ vattabbe …pe….
kv1.4:6.4Nirodhadassanena kiṁ jahatīti?
kv1.4:7.1Oḷārikaṁ byāpādaṁ jahati, tadekaṭṭhe ca kilese ekadese jahatīti.
kv1.4:7.2Ekadesaṁ sakadāgāmī, ekadesaṁ na sakadāgāmī, ekadesaṁ sakadāgāmiphalappatto paṭiladdho adhigato sacchikato upasampajja viharati, kāyena phusitvā viharati, ekadesaṁ na kāyena phusitvā viharatīti?
kv1.4:7.3Na hevaṁ vattabbe …pe….
kv1.4:7.4Maggadassanena kiṁ jahatīti?
kv1.4:8.1Oḷārikaṁ byāpādaṁ jahati, tadekaṭṭhe ca kilese jahatīti.
kv1.4:8.2Ekadesaṁ sakadāgāmī, ekadesaṁ na sakadāgāmī, ekadesaṁ sakadāgāmiphalappatto paṭiladdho adhigato sacchikato upasampajja viharati, kāyena phusitvā viharati, ekadesaṁ na kāyena phusitvā viharatīti?
kv1.4:8.3Na hevaṁ vattabbe …pe….
kv1.4:8.4Anāgāmiphalasacchikiriyāya paṭipanno puggalo dukkhadassanena kiṁ jahatīti?
kv1.4:9.1Aṇusahagataṁ kāmarāgaṁ jahati, aṇusahagataṁ byāpādaṁ tadekaṭṭhe ca kilese ekadese jahatīti.
kv1.4:9.2Ekadesaṁ anāgāmī, ekadesaṁ na anāgāmī, ekadesaṁ anāgāmiphalappatto paṭiladdho adhigato sacchikato upasampajja viharati, kāyena phusitvā viharati, ekadesaṁ na kāyena phusitvā viharati, ekadesaṁ antarāparinibbāyī, upahaccaparinibbāyī, asaṅkhāraparinibbāyī, sasaṅkhāraparinibbāyī, uddhaṁsoto akaniṭṭhagāmī, ekadesaṁ na uddhaṁsoto akaniṭṭhagāmīti?
kv1.4:9.3Na hevaṁ vattabbe …pe….
kv1.4:9.4Samudayadassanena kiṁ jahatīti?
kv1.4:10.1Aṇusahagataṁ kāmarāgaṁ jahati, aṇusahagataṁ byāpādaṁ tadekaṭṭhe ca kilese ekadese jahatīti.
kv1.4:10.2Ekadesaṁ anāgāmī, ekadesaṁ na anāgāmī …pe…
kv1.4:10.3ekadesaṁ uddhaṁsoto akaniṭṭhagāmī, ekadesaṁ na uddhaṁsoto akaniṭṭhagāmīti?
kv1.4:10.4Na hevaṁ vattabbe …pe….
kv1.4:10.5Nirodhadassanena kiṁ jahatīti?
kv1.4:11.1Aṇusahagataṁ byāpādaṁ jahati, tadekaṭṭhe ca kilese ekadese jahatīti.
kv1.4:11.2Ekadesaṁ anāgāmī, ekadesaṁ na anāgāmī …pe…
kv1.4:11.3ekadesaṁ uddhaṁsoto akaniṭṭhagāmī, ekadesaṁ na uddhaṁsoto akaniṭṭhagāmīti?
kv1.4:11.4Na hevaṁ vattabbe …pe….
kv1.4:11.5Maggadassanena kiṁ jahatīti?
kv1.4:12.1Tadekaṭṭhe ca kilese jahatīti.
kv1.4:12.2Ekadesaṁ anāgāmī, ekadesaṁ na anāgāmī, ekadesaṁ anāgāmiphalappatto paṭiladdho adhigato sacchikato upasampajja viharati, kāyena phusitvā viharati, ekadesaṁ na kāyena phusitvā viharati, ekadesaṁ antarāparinibbāyī, upahaccaparinibbāyī, asaṅkhāraparinibbāyī, sasaṅkhāraparinibbāyī, uddhaṁsoto akaniṭṭhagāmī, ekadesaṁ na uddhaṁsoto akaniṭṭhagāmīti?
kv1.4:12.3Na hevaṁ vattabbe …pe….
kv1.4:12.4Arahattasacchikiriyāya paṭipanno puggalo dukkhadassanena kiṁ jahatīti?
kv1.4:13.1Rūparāgaṁ arūparāgaṁ mānaṁ uddhaccaṁ avijjaṁ tadekaṭṭhe ca kilese ekadese jahatīti.
kv1.4:13.2Ekadesaṁ arahā, ekadesaṁ na arahā, ekadesaṁ arahattappatto paṭiladdho adhigato sacchikato upasampajja viharati, kāyena phusitvā viharati, ekadesaṁ na kāyena phusitvā viharati, ekadesaṁ vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṁyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṁ tassa pariññātaṁ, samudayo pahīno, nirodho sacchikato, maggo bhāvito, abhiññeyyaṁ abhiññātaṁ, pariññeyyaṁ pariññātaṁ, pahātabbaṁ pahīnaṁ, bhāvetabbaṁ bhāvitaṁ, sacchikātabbaṁ sacchikataṁ, (ekadesaṁ sacchikātabbaṁ sacchikataṁ) ekadesaṁ sacchikātabbaṁ na sacchikatanti?
kv1.4:13.3Na hevaṁ vattabbe …pe….
kv1.4:13.4Samudayadassanena kiṁ jahatīti?
kv1.4:14.1Rūparāgaṁ arūparāgaṁ jahati, mānaṁ uddhaccaṁ avijjaṁ tadekaṭṭhe ca kilese ekadese jahatīti.
kv1.4:14.2Ekadesaṁ arahā, ekadesaṁ na arahā …pe…
kv1.4:14.3ekadesaṁ sacchikātabbaṁ sacchikataṁ, ekadesaṁ sacchikātabbaṁ na sacchikatanti?
kv1.4:14.4Na hevaṁ vattabbe …pe….
kv1.4:14.5Nirodhadassanena kiṁ jahatīti?
kv1.4:15.1Mānaṁ jahati, uddhaccaṁ avijjaṁ tadekaṭṭhe ca kilese ekadese jahatīti.
kv1.4:15.2Ekadesaṁ arahā, ekadesaṁ na arahā …pe…
kv1.4:15.3ekadesaṁ sacchikātabbaṁ sacchikataṁ, ekadesaṁ sacchikātabbaṁ na sacchikatanti?
kv1.4:15.4Na hevaṁ vattabbe …pe….
kv1.4:15.5Maggadassanena kiṁ jahatīti?
kv1.4:16.1Uddhaccaṁ avijjaṁ tadekaṭṭhe ca kilese jahatīti.
kv1.4:16.2Ekadesaṁ arahā, ekadesaṁ na arahā, ekadesaṁ arahattappatto paṭiladdho adhigato sacchikato upasampajja viharati, kāyena phusitvā viharati, ekadesaṁ na kāyena phusitvā viharati, ekadesaṁ vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṁyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṁ tassa pariññātaṁ, samudayo pahīno, nirodho sacchikato, maggo bhāvito, abhiññeyyaṁ abhiññātaṁ, pariññeyyaṁ pariññātaṁ, pahātabbaṁ pahīnaṁ, bhāvetabbaṁ bhāvitaṁ, sacchikātabbaṁ sacchikataṁ, ekadesaṁ sacchikātabbaṁ sacchikataṁ, ekadesaṁ sacchikātabbaṁ na sacchikatanti?
kv1.4:16.3Na hevaṁ vattabbe …pe….
kv1.4:16.4Na vattabbaṁ—
kv1.4:17.1“odhisodhiso kilese jahatī”ti?
kv1.4:17.2Āmantā.
kv1.4:17.3Nanu vuttaṁ bhagavatā—
kv1.4:17.4“Anupubbena medhāvī,
kv1.4:18.1thokaṁ thokaṁ khaṇe khaṇe;
kv1.4:18.2Kammāro rajatasseva,
kv1.4:18.3niddhame malamattano”ti.
kv1.4:18.4Attheva suttantoti?
kv1.4:19.1Āmantā.
kv1.4:19.2Tena hi na vattabbaṁ—
kv1.4:19.3“odhisodhiso kilese jahatī”ti.
kv1.4:19.4Odhisodhiso kilese jahatīti?
kv1.4:20.1Āmantā.
kv1.4:20.2Nanu vuttaṁ bhagavatā—
kv1.4:20.3“Sahāvassa dassanasampadāya,
kv1.4:21.1Tayassu dhammā jahitā bhavanti;
kv1.4:21.2Sakkāyadiṭṭhī vicikicchitañca,
kv1.4:21.3Sīlabbataṁ vāpi yadatthi kiñci;
kv1.4:21.4Catūhapāyehi ca vippamutto,
kv1.4:21.5Chaccābhiṭhānāni abhabba kātun”ti.
kv1.4:21.6Attheva suttantoti?
kv1.4:22.1Āmantā.
kv1.4:22.2Tena hi na vattabbaṁ—
kv1.4:22.3“odhisodhiso kilese jahatī”ti.
kv1.4:22.4Odhisodhiso kilese jahatīti?
kv1.4:23.1Āmantā.
kv1.4:23.2Nanu vuttaṁ bhagavatā—
kv1.4:23.3“yasmiṁ, bhikkhave, samaye ariyasāvakassa virajaṁ vītamalaṁ dhammacakkhuṁ udapādi—
kv1.4:23.4‘yaṁ kiñci samudayadhammaṁ, sabbaṁ taṁ nirodhadhamman’ti, saha dassanuppādā, bhikkhave, ariyasāvakassa tīṇi saṁyojanāni pahīyanti—
kv1.4:23.5sakkāyadiṭṭhi vicikicchā sīlabbataparāmāso”ti.
kv1.4:23.6Attheva suttantoti?
kv1.4:23.7Āmantā.
kv1.4:23.8Tena hi na vattabbaṁ—
kv1.4:23.9“odhisodhiso kilese jahatī”ti.
kv1.4:23.10Odhisokathā niṭṭhitā.
kv1.4:23.11