上座部《论事》（巴利原文）

Nevasaññānāsaññāyatananti katvā nevasaññānāsaññāyatane na vattabbaṁ—

“saññā atthī”ti vā “natthī”ti vāti?

Āmantā.

Adukkhamasukhā vedanāti katvā adukkhamasukhāya vedanāya na vattabbaṁ—

“vedanā”ti vā “avedanā”ti vāti?

Na hevaṁ vattabbe …pe….

Nevasaññānāsaññāyatanakathā niṭṭhitā.

Tatiyo vaggo.

Tassuddānaṁ

Balaṁ sādhāraṇaṁ ariyaṁ,

sarāgaṁ cittaṁ vimuccati;

Vimuttaṁ vimuccamānaṁ,

atthi cittaṁ vimuccamānaṁ.

Aṭṭhamakassa puggalassa,

Diṭṭhipariyuṭṭhānaṁ pahīnaṁ;

Aṭṭhamakassa puggalassa,

Natthi pañcindriyāni cakkhuṁ.

Sotaṁ dhammupatthaddhaṁ,

Yathākammūpagataṁ ñāṇaṁ;

Devesu saṁvaro asañña-

Sattesu saññā evameva bhavagganti.