完整巴利原文 · 稳定分页 当前仅加载第 93 阅读页；保留 Bilara 原生段落标识，每页最多 120 段。
Kathāvatthu
kv4.7:0.1Mahāpaṇṇāsaka
kv4.7:0.2Catutthavagga
kv4.7:0.3Lakkhaṇakathā
kv4.7:0.4Lakkhaṇasamannāgato bodhisattoti?
kv4.7:1.1Āmantā.
kv4.7:1.2Padesalakkhaṇehi samannāgato padesabodhisattoti?
kv4.7:1.3Na hevaṁ vattabbe …pe….
kv4.7:1.4Lakkhaṇasamannāgato bodhisattoti?
kv4.7:2.1Āmantā.
kv4.7:2.2Tibhāgalakkhaṇehi samannāgato tibhāgabodhisattoti?
kv4.7:2.3Na hevaṁ vattabbe …pe….
kv4.7:2.4Lakkhaṇasamannāgato bodhisattoti?
kv4.7:3.1Āmantā.
kv4.7:3.2Upaḍḍhalakkhaṇehi samannāgato upaḍḍhabodhisattoti?
kv4.7:3.3Na hevaṁ vattabbe …pe….
kv4.7:3.4Lakkhaṇasamannāgato bodhisattoti?
kv4.7:4.1Āmantā.
kv4.7:4.2Cakkavattisatto lakkhaṇasamannāgato, cakkavattisatto bodhisattoti?
kv4.7:4.3Na hevaṁ vattabbe …pe….
kv4.7:4.4Cakkavattisatto lakkhaṇasamannāgato, cakkavattisatto bodhisattoti?
kv4.7:5.1Āmantā.
kv4.7:5.2Yādiso bodhisattassa pubbayogo pubbacariyā dhammakkhānaṁ dhammadesanā, tādiso cakkavattisattassa pubbayogo pubbacariyā dhammakkhānaṁ dhammadesanāti?
kv4.7:5.3Na hevaṁ vattabbe …pe….
kv4.7:5.4Yathā bodhisattassa jāyamānassa devā paṭhamaṁ paṭiggaṇhanti pacchā manussā, evamevaṁ cakkavattisattassa jāyamānassa devā paṭhamaṁ paṭiggaṇhanti pacchā manussāti?
kv4.7:6.1Na hevaṁ vattabbe …pe….
kv4.7:6.2Yathā bodhisattassa jāyamānassa cattāro naṁ devaputtā paṭiggahetvā mātu purato ṭhapenti—
kv4.7:7.1“attamanā, devi, hohi.
kv4.7:7.2Mahesakkho te putto uppanno”ti, evamevaṁ cakkavattisattassa jāyamānassa cattāro naṁ devaputtā paṭiggahetvā mātu purato ṭhapenti—
kv4.7:7.3“attamanā, devi, hohi.
kv4.7:7.4Mahesakkho te putto uppanno”ti?
kv4.7:7.5Na hevaṁ vattabbe …pe….
kv4.7:7.6Yathā bodhisattassa jāyamānassa dve udakassa dhārā antalikkhā pātubhavanti—
kv4.7:8.1ekā sītassa, ekā uṇhassa—
kv4.7:8.2yena bodhisattassa udakakiccaṁ karonti mātu ca, evamevaṁ cakkavattisattassa jāyamānassa dve udakassa dhārā antalikkhā pātubhavanti—
kv4.7:8.3ekā sītassa, ekā uṇhassa—
kv4.7:8.4yena cakkavattisattassa udakakiccaṁ karonti mātu cāti?
kv4.7:8.5Na hevaṁ vattabbe …pe….
kv4.7:8.6Yathā sampatijāto bodhisatto samehi pādehi patiṭṭhahitvā uttarena abhimukho sattapadavītihārena gacchati setamhi chatte anudhāriyamāne, sabbā ca disā viloketi, āsabhiñca vācaṁ bhāsati—
kv4.7:9.1“aggohamasmi lokassa, jeṭṭhohamasmi lokassa, seṭṭhohamasmi lokassa, ayamantimā jāti, natthi dāni punabbhavo”ti, evamevaṁ sampatijāto cakkavattisatto samehi pādehi patiṭṭhahitvā uttarena abhimukho sattapadavītihārena gacchati setamhi chatte anudhāriyamāne, sabbā ca disā viloketi, āsabhiñca vācaṁ bhāsati—
kv4.7:9.2“aggohamasmi lokassa, jeṭṭhohamasmi lokassa, seṭṭhohamasmi lokassa, ayamantimā jāti, natthi dāni punabbhavo”ti?
kv4.7:9.3Na hevaṁ vattabbe …pe….
kv4.7:9.4Yathā bodhisattassa jāyamānassa mahato ālokassa mahato obhāsassa mahato bhūmicālassa pātubhāvo hoti, evamevaṁ cakkavattisattassa jāyamānassa mahato ālokassa mahato obhāsassa mahato bhūmicālassa pātubhāvo hotīti?
kv4.7:10.1Na hevaṁ vattabbe …pe….
kv4.7:10.2Yathā bodhisattassa pakatikāyo samantā byāmaṁ obhāsati, evamevaṁ cakkavattisattassa pakatikāyo samantā byāmaṁ obhāsatīti?
kv4.7:11.1Na hevaṁ vattabbe …pe….
kv4.7:11.2Yathā bodhisatto mahāsupinaṁ passati, evamevaṁ cakkavattisatto mahāsupinaṁ passatīti?
kv4.7:12.1Na hevaṁ vattabbe …pe….
kv4.7:12.2Na vattabbaṁ—
kv4.7:13.1“lakkhaṇasamannāgato bodhisatto”ti?
kv4.7:13.2Āmantā.
kv4.7:13.3Nanu vuttaṁ bhagavatā—
kv4.7:13.4“dvattiṁsimāni, bhikkhave, mahāpurisassa mahāpurisalakkhaṇāni, yehi samannāgatassa mahāpurisassa dveva gatiyo bhavanti anaññā.
kv4.7:13.5Sace agāraṁ ajjhāvasati, rājā hoti cakkavattī dhammiko dhammarājā cāturanto vijitāvī janapadatthāvariyappatto sattaratanasamannāgato.
kv4.7:13.6Tassimāni satta ratanāni bhavanti, seyyathidaṁ—
kv4.7:13.7cakkaratanaṁ, hatthiratanaṁ, assaratanaṁ, maṇiratanaṁ, itthiratanaṁ, gahapatiratanaṁ, pariṇāyakaratanameva sattamaṁ.
kv4.7:13.8Parosahassaṁ kho panassa puttā bhavanti sūrā vīraṅgarūpā parasenappamaddanā.
kv4.7:13.9So imaṁ pathaviṁ sāgarapariyantaṁ adaṇḍena asatthena dhammena abhivijiya ajjhāvasati.
kv4.7:13.10Sace kho pana agārasmā anagāriyaṁ pabbajati, arahaṁ hoti sammāsambuddho loke vivaṭṭacchado”ti.
kv4.7:13.11Attheva suttantoti?
kv4.7:13.12Āmantā.
kv4.7:13.13Tena hi lakkhaṇasamannāgato bodhisattoti.
kv4.7:13.14Lakkhaṇakathā niṭṭhitā.
kv4.7:13.15