完整巴利原文 · 稳定分页 当前仅加载第 100 阅读页；保留 Bilara 原生段落标识，每页最多 120 段。
Kathāvatthu
kv5.3:0.1Mahāpaṇṇāsaka
kv5.3:0.2Pañcamavagga
kv5.3:0.3Viparītakathā
kv5.3:0.4Pathavīkasiṇaṁ samāpattiṁ samāpannassa viparīte ñāṇanti?
kv5.3:1.1Āmantā.
kv5.3:1.2Anicce niccanti vipariyesoti?
kv5.3:1.3Na hevaṁ vattabbe …pe…
kv5.3:1.4dukkhe sukhanti …pe…
kv5.3:1.5anattani attāti …pe…
kv5.3:1.6asubhe subhanti vipariyesoti?
kv5.3:1.7Na hevaṁ vattabbe …pe….
kv5.3:1.8Pathavīkasiṇaṁ samāpattiṁ samāpannassa viparīte ñāṇanti?
kv5.3:2.1Āmantā.
kv5.3:2.2Akusalanti?
kv5.3:2.3Na hevaṁ vattabbe …pe…
kv5.3:2.4nanu kusalanti?
kv5.3:2.5Āmantā.
kv5.3:2.6Hañci kusalaṁ, no ca vata re vattabbe—
kv5.3:2.7“pathavīkasiṇaṁ samāpattiṁ samāpannassa viparīte ñāṇan”ti.
kv5.3:2.8Anicce niccanti vipariyeso, so ca akusaloti?
kv5.3:3.1Āmantā.
kv5.3:3.2Pathavīkasiṇaṁ samāpattiṁ samāpannassa viparīte ñāṇaṁ, tañca akusalanti?
kv5.3:3.3Na hevaṁ vattabbe …pe…
kv5.3:3.4dukkhe sukhanti …pe…
kv5.3:3.5anattani attāti …pe…
kv5.3:3.6asubhe subhanti vipariyeso, so ca akusaloti?
kv5.3:3.7Āmantā.
kv5.3:3.8Pathavīkasiṇaṁ samāpattiṁ samāpannassa viparīte ñāṇaṁ, tañca akusalanti?
kv5.3:3.9Na hevaṁ vattabbe …pe….
kv5.3:3.10Pathavīkasiṇaṁ samāpattiṁ samāpannassa viparīte ñāṇaṁ, tañca akusalanti?
kv5.3:4.1Āmantā.
kv5.3:4.2Anicce niccanti vipariyeso, so ca kusaloti?
kv5.3:4.3Na hevaṁ vattabbe …pe…
kv5.3:4.4pathavīkasiṇaṁ samāpattiṁ samāpannassa viparīte ñāṇaṁ, tañca akusalanti?
kv5.3:4.5Āmantā.
kv5.3:4.6Dukkhe sukhanti …pe…
kv5.3:4.7anattani attāti …pe…
kv5.3:4.8asubhe subhanti vipariyeso, so ca kusaloti?
kv5.3:4.9Na hevaṁ vattabbe …pe….
kv5.3:4.10Pathavīkasiṇaṁ samāpattiṁ samāpannassa viparīte ñāṇanti?
kv5.3:5.1Āmantā.
kv5.3:5.2Arahā pathavīkasiṇaṁ samāpattiṁ samāpajjeyyāti?
kv5.3:5.3Āmantā.
kv5.3:5.4Hañci arahā pathavīkasiṇaṁ samāpattiṁ samāpajjeyya, no ca vata re vattabbe—
kv5.3:5.5“pathavīkasiṇaṁ samāpattiṁ samāpannassa viparīte ñāṇan”ti.
kv5.3:5.6Pathavīkasiṇaṁ samāpattiṁ samāpannassa viparīte ñāṇaṁ, arahā pathavīkasiṇaṁ samāpattiṁ samāpajjeyyāti?
kv5.3:6.1Āmantā.
kv5.3:6.2Atthi arahato vipariyesoti?
kv5.3:6.3Na hevaṁ vattabbe …pe….
kv5.3:6.4Atthi arahato vipariyesoti?
kv5.3:7.1Āmantā.
kv5.3:7.2Atthi arahato saññāvipariyeso cittavipariyeso diṭṭhivipariyesoti?
kv5.3:7.3Na hevaṁ vattabbe …pe….
kv5.3:7.4Natthi arahato saññāvipariyeso cittavipariyeso diṭṭhivipariyesoti?
kv5.3:8.1Āmantā.
kv5.3:8.2Hañci natthi arahato saññāvipariyeso cittavipariyeso diṭṭhivipariyeso, no ca vata re vattabbe—
kv5.3:8.3“atthi arahato vipariyeso”ti.
kv5.3:8.4Na vattabbaṁ—
kv5.3:9.1pathavīkasiṇaṁ samāpattiṁ samāpannassa viparīte ñāṇanti?
kv5.3:9.2Āmantā.
kv5.3:9.3Pathavīkasiṇaṁ samāpattiṁ samāpajjantassa sabbeva pathavīti?
kv5.3:9.4Na hevaṁ vattabbe.
kv5.3:9.5Tena hi pathavīkasiṇaṁ samāpattiṁ samāpannassa viparīte ñāṇanti.
kv5.3:9.6Pathavīkasiṇaṁ samāpattiṁ samāpannassa viparīte ñāṇanti?
kv5.3:10.1Āmantā.
kv5.3:10.2Nanu pathavī atthi, atthi ca koci pathaviṁ pathavito samāpajjatīti?
kv5.3:10.3Āmantā.
kv5.3:10.4Hañci pathavī atthi, atthi ca koci pathaviṁ pathavito samāpajjati, no ca vata re vattabbe—
kv5.3:10.5“pathavīkasiṇaṁ samāpattiṁ samāpannassa viparīte ñāṇan”ti.
kv5.3:10.6Pathavī atthi, pathaviṁ pathavito samāpajjantassa viparītaṁ hotīti?
kv5.3:11.1Āmantā.
kv5.3:11.2Nibbānaṁ atthi, nibbānaṁ nibbānato samāpajjantassa viparītaṁ hotīti?
kv5.3:11.3Na hevaṁ vattabbe …pe…
kv5.3:11.4tena hi na vattabbaṁ—
kv5.3:11.5“pathavīkasiṇaṁ samāpattiṁ samāpannassa viparīte ñāṇan”ti.
kv5.3:11.6Viparītakathā niṭṭhitā.
kv5.3:11.7