完整巴利原文 · 稳定分页 当前仅加载第 106 阅读页；保留 Bilara 原生段落标识，每页最多 120 段。
Kathāvatthu
kv5.9:0.1Mahāpaṇṇāsaka
kv5.9:0.2Pañcamavagga
kv5.9:0.3Paṭuppannañāṇakathā
kv5.9:0.4Paṭuppanne ñāṇaṁ atthīti?
kv5.9:1.1Āmantā.
kv5.9:1.2Tena ñāṇena taṁ ñāṇaṁ jānātīti?
kv5.9:1.3Na hevaṁ vattabbe …pe…
kv5.9:1.4tena ñāṇena taṁ ñāṇaṁ jānātīti?
kv5.9:1.5Āmantā.
kv5.9:1.6Tena ñāṇena taṁ ñāṇaṁ “ñāṇan”ti jānātīti?
kv5.9:1.7Na hevaṁ vattabbe …pe…
kv5.9:1.8tena ñāṇena taṁ ñāṇaṁ “ñāṇan”ti jānātīti?
kv5.9:1.9Āmantā.
kv5.9:1.10Taṁ ñāṇaṁ tassa ñāṇassa ārammaṇanti?
kv5.9:1.11Na hevaṁ vattabbe …pe….
kv5.9:1.12Taṁ ñāṇaṁ tassa ñāṇassa ārammaṇanti?
kv5.9:2.1Āmantā.
kv5.9:2.2Tena phassena taṁ phassaṁ phusati, tāya vedanāya taṁ vedanaṁ vedeti, tāya saññāya taṁ saññaṁ sañjānāti, tāya cetanāya taṁ cetanaṁ ceteti, tena cittena taṁ cittaṁ cinteti, tena vitakkena taṁ vitakkaṁ vitakketi, tena vicārena taṁ vicāraṁ vicāreti, tāya pītiyā taṁ pītiṁ piyāyati, tāya satiyā taṁ satiṁ sarati, tāya paññāya taṁ paññaṁ pajānāti, tena khaggena taṁ khaggaṁ chindati, tena pharasunā taṁ pharasuṁ tacchati, tāya kudhāriyā taṁ kudhāriṁ tacchati, tāya vāsiyā taṁ vāsiṁ tacchati, tāya sūciyā taṁ sūciṁ sibbeti, tena aṅgulaggena taṁ aṅgulaggaṁ parāmasati, tena nāsikaggena taṁ nāsikaggaṁ parāmasati, tena matthakena taṁ matthakaṁ parāmasati, tena gūthena taṁ gūthaṁ dhovati, tena muttena taṁ muttaṁ dhovati, tena kheḷena taṁ kheḷaṁ dhovati, tena pubbena taṁ pubbaṁ dhovati, tena lohitena taṁ lohitaṁ dhovatīti?
kv5.9:2.3Na hevaṁ vattabbe …pe….
kv5.9:2.4Na vattabbaṁ—
kv5.9:3.1“paṭuppanne ñāṇaṁ atthī”ti?
kv5.9:3.2Āmantā.
kv5.9:3.3Nanu sabbasaṅkhāre aniccato diṭṭhe tampi ñāṇaṁ aniccato diṭṭhaṁ hotīti?
kv5.9:3.4Āmantā.
kv5.9:3.5Hañci sabbasaṅkhāre aniccato diṭṭhe tampi ñāṇaṁ aniccato diṭṭhaṁ hoti, tena vata re vattabbe—
kv5.9:3.6“paṭuppanne ñāṇaṁ atthī”ti.
kv5.9:3.7Paṭuppannañāṇakathā niṭṭhitā.
kv5.9:3.8