完整巴利原文 · 稳定分页 当前仅加载第 109 阅读页；保留 Bilara 原生段落标识，每页最多 120 段。
Kathāvatthu
kv6.2:0.1Niyāmapaṇṇāsaka
kv6.2:0.2Chaṭṭhavagga
kv6.2:0.3Paṭiccasamuppādakathā
kv6.2:0.4Paṭiccasamuppādo asaṅkhatoti?
kv6.2:1.1Āmantā.
kv6.2:1.2Nibbānaṁ tāṇaṁ leṇaṁ saraṇaṁ parāyanaṁ accutaṁ amatanti?
kv6.2:1.3Na hevaṁ vattabbe …pe…
kv6.2:1.4paṭiccasamuppādo asaṅkhato, nibbānaṁ asaṅkhatanti?
kv6.2:1.5Āmantā.
kv6.2:1.6Dve asaṅkhatānīti?
kv6.2:1.7Na hevaṁ vattabbe …pe…
kv6.2:1.8dve asaṅkhatānīti?
kv6.2:1.9Āmantā.
kv6.2:1.10Dve tāṇāni dve leṇāni dve saraṇāni dve parāyanāni dve accutāni dve amatāni dve nibbānānīti?
kv6.2:1.11Na hevaṁ vattabbe …pe…
kv6.2:1.12dve nibbānānīti?
kv6.2:1.13Āmantā.
kv6.2:1.14Atthi dvinnaṁ nibbānānaṁ uccanīcatā hīnapaṇītatā ukkaṁsāvakaṁso sīmā vā bhedo vā rāji vā antarikā vāti?
kv6.2:1.15Na hevaṁ vattabbe …pe….
kv6.2:1.16Paṭiccasamuppādo asaṅkhatoti?
kv6.2:2.1Āmantā.
kv6.2:2.2Avijjā asaṅkhatāti?
kv6.2:2.3Na hevaṁ vattabbe …pe…
kv6.2:2.4avijjā saṅkhatāti?
kv6.2:2.5Āmantā.
kv6.2:2.6Paṭiccasamuppādo saṅkhatoti?
kv6.2:2.7Na hevaṁ vattabbe …pe…
kv6.2:2.8paṭiccasamuppādo asaṅkhatoti?
kv6.2:2.9Āmantā.
kv6.2:2.10Avijjāpaccayā saṅkhārā asaṅkhatāti?
kv6.2:2.11Na hevaṁ vattabbe …pe…
kv6.2:2.12avijjāpaccayā saṅkhārā saṅkhatāti?
kv6.2:2.13Āmantā.
kv6.2:2.14Paṭiccasamuppādo saṅkhatoti?
kv6.2:2.15Na hevaṁ vattabbe …pe…
kv6.2:2.16paṭiccasamuppādo asaṅkhatoti?
kv6.2:2.17Āmantā.
kv6.2:2.18Saṅkhārapaccayā viññāṇaṁ asaṅkhatanti?
kv6.2:2.19Na hevaṁ vattabbe …pe…
kv6.2:2.20saṅkhārapaccayā viññāṇaṁ saṅkhatanti?
kv6.2:2.21Āmantā.
kv6.2:2.22Paṭiccasamuppādo saṅkhatoti?
kv6.2:2.23Na hevaṁ vattabbe …pe…
kv6.2:2.24paṭiccasamuppādo asaṅkhatoti?
kv6.2:2.25Āmantā.
kv6.2:2.26Viññāṇapaccayā nāmarūpaṁ asaṅkhatanti?
kv6.2:2.27Na hevaṁ vattabbe …pe…
kv6.2:2.28viññāṇapaccayā nāmarūpaṁ saṅkhatanti?
kv6.2:2.29Āmantā.
kv6.2:2.30Paṭiccasamuppādo saṅkhatoti?
kv6.2:2.31Na hevaṁ vattabbe …pe…
kv6.2:2.32paṭiccasamuppādo asaṅkhatoti?
kv6.2:2.33Āmantā.
kv6.2:2.34Jātipaccayā jarāmaraṇaṁ asaṅkhatanti?
kv6.2:2.35Na hevaṁ vattabbe …pe…
kv6.2:2.36jātipaccayā jarāmaraṇaṁ saṅkhatanti?
kv6.2:2.37Āmantā.
kv6.2:2.38Paṭiccasamuppādo saṅkhatoti?
kv6.2:2.39Na hevaṁ vattabbe …pe….
kv6.2:2.40Na vattabbaṁ—
kv6.2:3.1“paṭiccasamuppādo asaṅkhato”ti?
kv6.2:3.2Āmantā.
kv6.2:3.3Nanu vuttaṁ bhagavatā—
kv6.2:3.4“jātipaccayā, bhikkhave, jarāmaraṇaṁ.
kv6.2:3.5Uppādā vā tathāgatānaṁ anuppādā vā tathāgatānaṁ ṭhitāva sā dhātu dhammaṭṭhitatā dhammaniyāmatā idappaccayatā.
kv6.2:3.6Taṁ tathāgato abhisambujjhati abhisameti.
kv6.2:3.7Abhisambujjhitvā abhisametvā ācikkhati deseti paññāpeti paṭṭhapeti vivarati vibhajati uttāniṁ karoti.
kv6.2:3.8‘Passathā’ti cāha—
kv6.2:3.9jātipaccayā, bhikkhave, jarāmaraṇaṁ.
kv6.2:3.10Bhavapaccayā, bhikkhave, jāti …pe…
kv6.2:3.11avijjāpaccayā, bhikkhave, saṅkhārā.
kv6.2:3.12Uppādā vā tathāgatānaṁ anuppādā vā tathāgatānaṁ ṭhitāva sā dhātu …pe…
kv6.2:3.13‘passathā’ti cāha—
kv6.2:3.14avijjāpaccayā, bhikkhave, saṅkhārā.
kv6.2:3.15Iti kho, bhikkhave, yā tatra tathatā avitathatā anaññathatā idappaccayatā—
kv6.2:3.16ayaṁ vuccati, bhikkhave, paṭiccasamuppādo”ti.
kv6.2:3.17Attheva suttantoti?
kv6.2:3.18Āmantā.
kv6.2:3.19Tena hi paṭiccasamuppādo asaṅkhatoti.
kv6.2:3.20“Avijjāpaccayā saṅkhārā”ti yā tattha dhammaṭṭhitatā dhammaniyāmatā asaṅkhatā, nibbānaṁ asaṅkhatanti?
kv6.2:4.1Āmantā.
kv6.2:4.2Dve asaṅkhatānīti?
kv6.2:4.3Na hevaṁ vattabbe …pe…
kv6.2:4.4dve asaṅkhatānīti?
kv6.2:4.5Āmantā.
kv6.2:4.6Dve tāṇāni …pe…
kv6.2:4.7antarikā vāti?
kv6.2:4.8Na hevaṁ vattabbe …pe….
kv6.2:4.9“Avijjāpaccayā saṅkhārā”ti yā tattha dhammaṭṭhitatā dhammaniyāmatā asaṅkhatā, “saṅkhārapaccayā viññāṇan”ti yā tattha dhammaṭṭhitatā dhammaniyāmatā asaṅkhatā, nibbānaṁ asaṅkhatanti?
kv6.2:5.1Āmantā.
kv6.2:5.2Tīṇi asaṅkhatānīti?
kv6.2:5.3Na hevaṁ vattabbe …pe….
kv6.2:5.4Tīṇi asaṅkhatānīti?
kv6.2:5.5Āmantā.
kv6.2:5.6Tīṇi tāṇāni …pe…
kv6.2:5.7antarikā vāti?
kv6.2:5.8Na hevaṁ vattabbe …pe….
kv6.2:5.9“Avijjāpaccayā saṅkhārā”ti yā tattha dhammaṭṭhitatā dhammaniyāmatā asaṅkhatā, “saṅkhārapaccayā viññāṇan”ti yā tattha dhammaṭṭhitatā dhammaniyāmatā asaṅkhatā …pe…
kv6.2:6.1“jātipaccayā jarāmaraṇan”ti yā tattha dhammaṭṭhitatā dhammaniyāmatā asaṅkhatā, nibbānaṁ asaṅkhatanti?
kv6.2:6.2Āmantā.
kv6.2:6.3Dvādasa asaṅkhatānīti?
kv6.2:6.4Na hevaṁ vattabbe …pe…
kv6.2:6.5dvādasa asaṅkhatānīti?
kv6.2:6.6Āmantā.
kv6.2:6.7Dvādasa tāṇāni dvādasa leṇāni …pe…
kv6.2:6.8antarikā vāti?
kv6.2:6.9Na hevaṁ vattabbe …pe….
kv6.2:6.10Paṭiccasamuppādakathā niṭṭhitā.
kv6.2:6.11