完整巴利原文 · 稳定分页 当前仅加载第 111 阅读页；保留 Bilara 原生段落标识，每页最多 120 段。
Kathāvatthu
kv6.4:0.1Mahāpaṇṇāsaka
kv6.4:0.2Chaṭṭhavagga
kv6.4:0.3Āruppakathā
kv6.4:0.4Ākāsānañcāyatanaṁ asaṅkhatanti?
kv6.4:1.1Āmantā.
kv6.4:1.2Nibbānaṁ tāṇaṁ leṇaṁ saraṇaṁ parāyanaṁ accutaṁ amatanti?
kv6.4:1.3Na hevaṁ vattabbe …pe…
kv6.4:1.4ākāsānañcāyatanaṁ asaṅkhataṁ, nibbānaṁ asaṅkhatanti?
kv6.4:1.5Āmantā.
kv6.4:1.6Dve asaṅkhatānīti?
kv6.4:1.7Na hevaṁ vattabbe …pe…
kv6.4:1.8dve asaṅkhatānīti?
kv6.4:1.9Āmantā.
kv6.4:1.10Dve tāṇāni …pe…
kv6.4:1.11antarikā vāti?
kv6.4:1.12Na hevaṁ vattabbe …pe….
kv6.4:1.13Ākāsānañcāyatanaṁ asaṅkhatanti?
kv6.4:2.1Āmantā.
kv6.4:2.2Ākāsānañcāyatanaṁ bhavo gati sattāvāso saṁsāro yoni viññāṇaṭṭhiti attabhāvapaṭilābhoti?
kv6.4:2.3Āmantā.
kv6.4:2.4Asaṅkhataṁ bhavo gati sattāvāso saṁsāro yoni viññāṇaṭṭhiti attabhāvapaṭilābhoti?
kv6.4:2.5Na hevaṁ vattabbe …pe….
kv6.4:2.6Atthi ākāsānañcāyatanūpagaṁ kammanti?
kv6.4:3.1Āmantā.
kv6.4:3.2Atthi asaṅkhatūpagaṁ kammanti?
kv6.4:3.3Na hevaṁ vattabbe …pe…
kv6.4:3.4atthi ākāsānañcāyatanūpagā sattāti?
kv6.4:3.5Āmantā.
kv6.4:3.6Atthi asaṅkhatūpagā sattāti?
kv6.4:3.7Na hevaṁ vattabbe …pe….
kv6.4:3.8Ākāsānañcāyatane sattā jāyanti jīyanti mīyanti cavanti upapajjantīti?
kv6.4:4.1Āmantā.
kv6.4:4.2Asaṅkhate sattā jāyanti jīyanti mīyanti cavanti upapajjantīti?
kv6.4:4.3Na hevaṁ vattabbe …pe…
kv6.4:4.4ākāsānañcāyatane atthi vedanā saññā saṅkhārā viññāṇanti?
kv6.4:4.5Āmantā.
kv6.4:4.6Asaṅkhate atthi vedanā saññā saṅkhārā viññāṇanti?
kv6.4:4.7Na hevaṁ vattabbe …pe…
kv6.4:4.8ākāsānañcāyatanaṁ catuvokārabhavoti?
kv6.4:4.9Āmantā.
kv6.4:4.10Asaṅkhataṁ catuvokārabhavoti?
kv6.4:4.11Na hevaṁ vattabbe …pe….
kv6.4:4.12Na vattabbaṁ—
kv6.4:5.1“cattāro āruppā asaṅkhatā”ti?
kv6.4:5.2Āmantā.
kv6.4:5.3Nanu cattāro āruppā anejā vuttā bhagavatāti?
kv6.4:5.4Āmantā.
kv6.4:5.5Hañci cattāro āruppā anejā vuttā bhagavatā, tena vata re vattabbe—
kv6.4:5.6“cattāro āruppā asaṅkhatā”ti.
kv6.4:5.7Āruppakathā niṭṭhitā.
kv6.4:5.8