完整巴利原文 · 稳定分页 当前仅加载第 146 阅读页；保留 Bilara 原生段落标识，每页最多 120 段。
Kathāvatthu
kv9.1:0.1Niyāmapaṇṇāsaka
kv9.1:0.2Navamavagga
kv9.1:0.3Ānisaṁsadassāvīkathā
kv9.1:0.4Ānisaṁsadassāvissa saṁyojanānaṁ pahānanti?
kv9.1:1.1Āmantā.
kv9.1:1.2Nanu saṅkhāre aniccato manasikaroto saṁyojanā pahīyantīti?
kv9.1:1.3Āmantā.
kv9.1:1.4Hañci saṅkhāre aniccato manasikaroto saṁyojanā pahīyanti, no ca vata re vattabbe—
kv9.1:1.5“ānisaṁsadassāvissa saṁyojanānaṁ pahānan”ti.
kv9.1:1.6Nanu saṅkhāre dukkhato …pe…
kv9.1:2.1rogato …
kv9.1:2.2gaṇḍato …
kv9.1:2.3sallato …
kv9.1:2.4aghato …
kv9.1:2.5ābādhato …
kv9.1:2.6parato …
kv9.1:2.7palokato …
kv9.1:2.8ītito …
kv9.1:2.9upaddavato …
kv9.1:2.10bhayato …
kv9.1:2.11upasaggato …
kv9.1:2.12calato …
kv9.1:2.13pabhaṅguto …
kv9.1:2.14addhuvato …
kv9.1:2.15atāṇato …
kv9.1:2.16aleṇato …
kv9.1:2.17asaraṇato …
kv9.1:2.18asaraṇībhūtato …
kv9.1:2.19rittato …
kv9.1:2.20tucchato …
kv9.1:2.21suññato …
kv9.1:2.22anattato …
kv9.1:2.23ādīnavato …pe…
kv9.1:2.24vipariṇāmadhammato manasikaroto saṁyojanā pahīyantīti?
kv9.1:2.25Āmantā.
kv9.1:2.26Hañci saṅkhāre vipariṇāmadhammato manasikaroto saṁyojanā pahīyanti, no ca vata re vattabbe—
kv9.1:2.27“ānisaṁsadassāvissa saṁyojanānaṁ pahānan”ti.
kv9.1:2.28Saṅkhāre ca aniccato manasi karoti nibbāne ca ānisaṁsadassāvī hotīti?
kv9.1:3.1Na hevaṁ vattabbe …pe…
kv9.1:3.2saṅkhāre ca aniccato manasi karoti nibbāne ca ānisaṁsadassāvī hotīti?
kv9.1:3.3Āmantā.
kv9.1:3.4Dvinnaṁ phassānaṁ …pe…
kv9.1:3.5dvinnaṁ cittānaṁ samodhānaṁ hotīti?
kv9.1:3.6Na hevaṁ vattabbe …pe…
kv9.1:3.7saṅkhāre ca dukkhato …pe…
kv9.1:3.8vipariṇāmadhammato manasi karoti nibbāne ca ānisaṁsadassāvī hotīti?
kv9.1:3.9Na hevaṁ vattabbe …pe…
kv9.1:3.10saṅkhāre ca vipariṇāmadhammato manasi karoti nibbāne ca ānisaṁsadassāvī hotīti?
kv9.1:3.11Āmantā.
kv9.1:3.12Dvinnaṁ phassānaṁ …pe…
kv9.1:3.13dvinnaṁ cittānaṁ samodhānaṁ hotīti?
kv9.1:3.14Na hevaṁ vattabbe …pe….
kv9.1:3.15Na vattabbaṁ—
kv9.1:4.1“ānisaṁsadassāvissa saṁyojanānaṁ pahānan”ti?
kv9.1:4.2Āmantā.
kv9.1:4.3Nanu vuttaṁ bhagavatā—
kv9.1:4.4“idha, bhikkhave, bhikkhu nibbāne sukhānupassī viharati sukhasaññī sukhapaṭisaṁvedī, satataṁ samitaṁ abbokiṇṇaṁ cetasā adhimuccamāno paññāya pariyogāhamāno”ti.
kv9.1:4.5Attheva suttantoti?
kv9.1:4.6Āmantā.
kv9.1:4.7Tena hi ānisaṁsadassāvissa saṁyojanānaṁ pahānanti.
kv9.1:4.8Ānisaṁsadassāvīkathā niṭṭhitā.
kv9.1:4.9