完整巴利原文 · 稳定分页 当前仅加载第 148 阅读页；保留 Bilara 原生段落标识，每页最多 120 段。
Kathāvatthu
kv9.3:0.1Mahāpaṇṇāsaka
kv9.3:0.2Navamavagga
kv9.3:0.3Rūpaṁsārammaṇantikathā
kv9.3:0.4Rūpaṁ sārammaṇanti?
kv9.3:1.1Āmantā.
kv9.3:1.2Atthi tassa āvaṭṭanā ābhogo samannāhāro manasikāro cetanā patthanā paṇidhīti?
kv9.3:1.3Na hevaṁ vattabbe …pe…
kv9.3:1.4nanu natthi tassa āvaṭṭanā ābhogo …pe… paṇidhīti?
kv9.3:1.5Āmantā.
kv9.3:1.6Hañci natthi tassa āvaṭṭanā ābhogo …pe… paṇidhi, no ca vata re vattabbe—
kv9.3:1.7“rūpaṁ sārammaṇan”ti.
kv9.3:1.8Phasso sārammaṇo, atthi tassa āvaṭṭanā ābhogo …pe… paṇidhīti?
kv9.3:2.1Āmantā.
kv9.3:2.2Rūpaṁ sārammaṇaṁ, atthi tassa āvaṭṭanā ābhogo …pe… paṇidhīti?
kv9.3:2.3Na hevaṁ vattabbe …pe….
kv9.3:2.4Vedanā …pe…
kv9.3:3.1saññā cetanā cittaṁ saddhā vīriyaṁ sati samādhi paññā rāgo doso moho māno diṭṭhi vicikicchā thinaṁ uddhaccaṁ ahirikaṁ …pe…
kv9.3:3.2anottappaṁ sārammaṇaṁ, atthi tassa āvaṭṭanā ābhogo …pe… paṇidhīti?
kv9.3:3.3Āmantā.
kv9.3:3.4Rūpaṁ sārammaṇaṁ, atthi tassa āvaṭṭanā ābhogo …pe… paṇidhīti?
kv9.3:3.5Na hevaṁ vattabbe …pe….
kv9.3:3.6Rūpaṁ sārammaṇaṁ, natthi tassa āvaṭṭanā ābhogo …pe… paṇidhīti?
kv9.3:4.1Āmantā.
kv9.3:4.2Phasso sārammaṇo, natthi tassa āvaṭṭanā ābhogo …pe… paṇidhīti?
kv9.3:4.3Na hevaṁ vattabbe …pe….
kv9.3:4.4Rūpaṁ sārammaṇaṁ, natthi tassa āvaṭṭanā ābhogo …pe… paṇidhīti?
kv9.3:5.1Āmantā.
kv9.3:5.2Vedanā …pe…
kv9.3:5.3anottappaṁ sārammaṇaṁ, natthi tassa āvaṭṭanā ābhogo …pe… paṇidhīti?
kv9.3:5.4Na hevaṁ vattabbe …pe….
kv9.3:5.5Na vattabbaṁ—
kv9.3:6.1“rūpaṁ sārammaṇan”ti?
kv9.3:6.2Āmantā.
kv9.3:6.3Nanu rūpaṁ sappaccayanti?
kv9.3:6.4Āmantā.
kv9.3:6.5Hañci rūpaṁ sappaccayaṁ, tena vata re vattabbe—
kv9.3:6.6“rūpaṁ sārammaṇan”ti.
kv9.3:6.7Rūpaṁ sārammaṇantikathā niṭṭhitā.
kv9.3:6.8