完整巴利原文 · 稳定分页 当前仅加载第 156 阅读页；保留 Bilara 原生段落标识，每页最多 120 段。
Kathāvatthu
kv9.11:0.1Mahāpaṇṇāsaka
kv9.11:0.2Navamavagga
kv9.11:0.3Atītānāgatasamannāgatakathā
kv9.11:0.4Atītena samannāgatoti?
kv9.11:1.1Āmantā.
kv9.11:1.2Nanu atītaṁ niruddhaṁ vigataṁ vipariṇataṁ atthaṅgataṁ abbhatthaṅgatanti?
kv9.11:1.3Āmantā.
kv9.11:1.4Hañci atītaṁ niruddhaṁ vigataṁ vipariṇataṁ atthaṅgataṁ abbhatthaṅgataṁ, no ca vata re vattabbe—
kv9.11:1.5“atītena samannāgato”ti.
kv9.11:1.6Anāgatena samannāgatoti?
kv9.11:2.1Āmantā.
kv9.11:2.2Nanu anāgataṁ ajātaṁ abhūtaṁ asañjātaṁ anibbattaṁ anabhinibbattaṁ apātubhūtanti?
kv9.11:2.3Āmantā.
kv9.11:2.4Hañci anāgataṁ ajātaṁ abhūtaṁ asañjātaṁ anibbattaṁ anabhinibbattaṁ apātubhūtaṁ, no ca vata re vattabbe—
kv9.11:2.5“anāgatena samannāgato”ti.
kv9.11:2.6Atītena rūpakkhandhena samannāgato, anāgatena rūpakkhandhena samannāgato, paccuppannena rūpakkhandhena samannāgatoti?
kv9.11:3.1Āmantā.
kv9.11:3.2Tīhi rūpakkhandhehi samannāgatoti?
kv9.11:3.3Na hevaṁ vattabbe …pe…
kv9.11:3.4atītehi pañcahi khandhehi samannāgato, anāgatehi pañcahi khandhehi samannāgato, paccuppannehi pañcahi khandhehi samannāgatoti?
kv9.11:3.5Āmantā.
kv9.11:3.6Pannarasahi khandhehi samannāgatoti?
kv9.11:3.7Na hevaṁ vattabbe …pe….
kv9.11:3.8Atītena cakkhāyatanena samannāgato, anāgatena cakkhāyatanena samannāgato, paccuppannena cakkhāyatanena samannāgatoti?
kv9.11:4.1Āmantā.
kv9.11:4.2Tīhi cakkhāyatanehi samannāgatoti?
kv9.11:4.3Na hevaṁ vattabbe …pe…
kv9.11:4.4atītehi dvādasahi āyatanehi samannāgato, anāgatehi dvādasahi āyatanehi samannāgato, paccuppannehi dvādasahi āyatanehi samannāgatoti?
kv9.11:4.5Āmantā.
kv9.11:4.6Chattiṁsāyatanehi samannāgatoti?
kv9.11:4.7Na hevaṁ vattabbe …pe…
kv9.11:4.8Atītāya cakkhudhātuyā samannāgato, anāgatāya cakkhudhātuyā samannāgato, paccuppannāya cakkhudhātuyā samannāgatoti?
kv9.11:5.1Āmantā.
kv9.11:5.2Tīhi cakkhudhātūhi samannāgatoti?
kv9.11:5.3Na hevaṁ vattabbe …pe…
kv9.11:5.4atītāhi aṭṭhārasahi dhātūhi samannāgato, anāgatāhi aṭṭhārasahi dhātūhi samannāgato, paccuppannāhi aṭṭhārasahi dhātūhi samannāgatoti?
kv9.11:5.5Āmantā.
kv9.11:5.6Catupaññāsadhātūhi samannāgatoti?
kv9.11:5.7Na hevaṁ vattabbe …pe….
kv9.11:5.8Atītena cakkhundriyena samannāgato, anāgatena cakkhundriyena samannāgato, paccuppannena cakkhundriyena samannāgatoti?
kv9.11:6.1Āmantā.
kv9.11:6.2Tīhi cakkhundriyehi samannāgatoti?
kv9.11:6.3Na hevaṁ vattabbe …pe…
kv9.11:6.4atītehi bāvīsatindriyehi samannāgato, anāgatehi bāvīsatindriyehi samannāgato, paccuppannehi bāvīsatindriyehi samannāgatoti?
kv9.11:6.5Āmantā.
kv9.11:6.6Chasaṭṭhindriyehi samannāgatoti?
kv9.11:6.7Na hevaṁ vattabbe …pe….
kv9.11:6.8Na vattabbaṁ—
kv9.11:7.1“atītānāgatehi samannāgato”ti?
kv9.11:7.2Āmantā.
kv9.11:7.3Nanu atthi aṭṭhavimokkhajhāyī catunnaṁ jhānānaṁ nikāmalābhī navannaṁ anupubbavihārasamāpattīnaṁ lābhīti?
kv9.11:7.4Āmantā.
kv9.11:7.5Hañci atthi aṭṭhavimokkhajhāyī catunnaṁ jhānānaṁ nikāmalābhī navannaṁ anupubbavihārasamāpattīnaṁ lābhī, tena vata re vattabbe—
kv9.11:7.6“atītānāgatehi samannāgato”ti.
kv9.11:7.7Atītānāgatapaccuppannakathā niṭṭhitā.
kv9.11:7.8Navamo vaggo.
kv9.11:7.9Tassuddānaṁ
kv9.11:7.10Ānisaṁsadassāvissa saṁyojanānaṁ pahānaṁ, amatārammaṇaṁ saṁyojanaṁ, rūpaṁ sārammaṇaṁ, anusayā anārammaṇā, evamevaṁ ñāṇaṁ, atītānāgatārammaṇaṁ cittaṁ, sabbaṁ cittaṁ vitakkānupatitaṁ, sabbaso vitakkayato vicārayato vitakkavipphāro saddo, na yathācittassa vācā, tatheva kāyakammaṁ atītānāgatehi samannāgatoti.
kv9.11:8.1